Earthquake: ભયંકર ઠંડીની સાથે ઈરાનમાં ભૂકંપે તબાહી મચાવી, અત્યાર સુધીમાં 7ના મોત, અસંખ્ય લોકો ઘાયલ

તેહરાન: ઈરાનના પશ્ચિમોત્તર વિસ્તારના ખોય શહેરમાં શનિવારે આવેલા 5.9ની તિવ્રતાના ભૂકંપના કારણે અત્યાર સુધીમાં 7 લોકોના મોત થઈ ચુક્યા છે. જ્યારે 440 લોકો ઘાયલ થયા છે. આ ભૂકંપ ઉત્તર પશ્ચિમી ઈરાનના પશ્ચિમ અઝરબૈઝાન પ્રાંતના ખોય શહેરમાં શનિવારે રાતે આવ્યો હતો. ઈમરજન્સી સેવાઓના અધિકારીઓના જણાવ્યા અનુસાર, તુર્કી-ઈરાન સરહદની નજીક ઉત્તર પશ્ચિમી શહેરમાં આ ભૂકંપના ઝટકા અનુભવાયા હતા. ઈરાની અધિકારીઓએ કહ્યું કે, આ ત્રાસદીથી પ્રભાવી પશ્ચિમ અઝરબૈઝાન પ્રાંતમાં રાહત અને બચાવ ટીમો મોકલવામાં આવી છે.

આ પણ વાંચો: Jamnagar: ઈરાન, ઇરાક, પાકિસ્તાનના પક્ષીઓને ઠંડીથી બચાવવા તંત્રએ કર્યું હૂંફાળું કામ

સરકારી મીડિયા અનુસાર, હોસ્પિટલો એલર્ટ પર રાખવામાં આવી છે. ઈમરજન્સી સેવાઓના એક અધિકારીએ ઈરાનના સરકારી ટીવીને જણાવ્યું છે કે, ભૂકંપની અસરવાળા વિસ્તારમાં બરફવર્ષા થઈ રહ્યો છે. ત્યાંનું તાપમાન ઝીરો ડીગ્રી સેલ્સિયસથી નીચે છે અને અમુક જગ્યા પર વિજળી સપ્લાઈ ઠપ થવાની સૂચના મળી રહી છે. ઈરાનથી થઈને કેટલાય પ્રમુખ ભૂગર્ભીય ફાલ્ટલાઈંસ પસાર થાય છે. જેના કારણે હાલના વર્ષોમાં ત્યાં કેટલાય વિનાશકારી ભૂકંપ આવી ચુક્યા છે.



અહીં ઉલ્લેખનિય છે કે, ગત વર્ષે જૂલાઈ 2ના રોજ ઈરાનમાં એક જોરદાર ભૂકંપ આવવાથી તબાહી મચી હતી. આ ભૂકંપના ઝટકા પાડોશી દેશ કતર અને યૂએઈની સાથે ચીન સુધી ભૂકંપના ઝટકા અનુભવાયા છે. અમેરિકી જિયોલોજિકલ સર્વેના રિક્ટર સ્કેલ પર આ ભૂકંપની તિવ્રતાને 6.0 બતાવી હતી. આ તેજ ભૂકંપના કારણે 5 લોકોના મોત થયા હતા અને 44 લોકો ઘાયલ થયા હતા. જૂલાઈમાં આવેલા ભૂકંપનું કેન્દ્ર ઈરાનના હોર્મોજગન પ્રાંતના પોર્ટ શહેર અબ્બાસના દક્ષિણ પશ્ચિમમાં 100 કિમી દૂર 10 કિમી ઊંડાઈમાં હતું. ઓક્ટોબર 2022માં પણ ઈરાનના ખોવી ગામ નજીક રિક્ટર સ્કેલ પર 5.7ની તીવ્રતાનો ભૂકંપ આવ્યો હતો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Earthquakes, Iran