Tauktaeની વાવાઝોડાની કરૂણ કહાની: 'આશા ન હતી પરિવારને મળીશ, જીવવા 9 કલાક સમદ્રમાં તરતો રહ્યો'

અનિલ વૈખાલ

તેના સાથીઓને તેની નજીક આવવાનું કહ્યું. પરંતુ તેઓ તેના પર ચઢી ન શક્યા અને અંધારામાં લહેર સાથે તણાઈ ગયા. તેમાંથી કેટલાક હજુ પણ ગુમ છે

  • Share this:
    મુંબઈ : અરબી સમુદ્રમાં (Arab Sea)માં તાજેતરમાં આવેલા તાઉતે વાવાઝોડાઓ (Cyclone Tauktae) કેરળથી ગુજરાત સુધી કહેર વરતાવ્યો હતો. આ શક્તિશાળી વાવાઝોડાના કારણે લીધે કરોડો રૂપિયાના જાન-માલને નુકસાન થયું છે. ત્યારે, સમુદ્રમાં કામ કરી રહેલ બાર્જ પી 305 પણ તેની ઝપેટમાં આવી ગયું. તેમાં 261 લોકો સવાર હતા. જ્યારે તેમાંના ઘણા લોકો મરી ગયા, ત્યારે કેટલાકને બચાવી લેવાયા છે. તેમાંથી એક મિકેનિકલ એન્જિનિયર અનિલ વૈખલ છે, જે મહારાષ્ટ્રનો છે. તે બાર્જ પી 305 માં સવાર હતો. જ્યારે બાર્જ ડૂબી રહ્યું હતું, ત્યારે તેણે પોતાનો જીવ બચાવવા માટે તેના સાથીઓ સાથે દરિયામાં કૂદી પડ્યો હતો. 9 કલાક બાદ ભારતીય નૌકાદળ દ્વારા તેને બચાવવામાં આવ્યો. જ્યારે તે જીવન અને મૃત્યુ વચ્ચે ઝોલા ખાઈ રહ્યો હતો, તેણે તેના 9 કલાકના સંઘર્ષ વિશે ન્યૂઝ 18ને જણાવી કહાની.

    અનિલ વૈખાલ (40) એફકોન્સ કંપનીમાં નોકરી કરે છે. આ કંપની ઓએનજીસી માટે કોન્ટ્રાક્ટ પર સમુદ્રમાં કામ કરે છે. ન્યૂઝ 18 સાથે વાતચીત કરતા તેણે કહ્યું કે, તે 9 કલાક તેમના સમગ્ર જીવન સમાન હતા. તેને અપેક્ષા નહોતી કે તે તેના પરિવારને મળી શકશે.

    તેઓએ કહ્યું કે, 'મારા મનમાં એવી ભાવના હતી કે, હું બચી શકીશ. મેં આ માટે મારા સાથીઓને પણ પ્રેરણા આપી. મેં તેમને કહ્યું કે, આપણે જીવતુ રહેવું પડશે અને પોતાના પરિવાર પાસે પાછુ જવું પડશે.

    આ પણ વાંચોરાજકોટ : 'તેરે જૈસા યાર કહા, કહા એસા યારાના', Coronaમાં મોત પહેલા યુવાને FB Live થઈ, મિત્રોને કહ્યું - અંતિમ Bye-Bye

    વૈખલે કહ્યું, 'મને ખબર નથી કે તે સમયે આ શક્તિ મારા અંદર ક્યાંથી આવી. હું ખૂબ જ સંવેદનશીલ વ્યક્તિ છું. વૈખલ અને તેના સાથીઓ 17 મેના રોજ એક જહાજ પર જ હતા, ત્યારે વાવાઝોડુ ટકરાયું. રાત્રિના 2 વાગ્યે વાવાઝોડુ ત્રાટક્યું હતું. જ્યારે બાર્જ ડૂબી રહ્યું હતું, ત્યારે તેના સાથીઓ સાથે દરિયામાં કૂદવા સિવાય કોઈ વિકલ્પ નહોતો. તે સાંજના પાંચ વાગ્યે દરિયામાં કૂદી ગયો હતો. આઈએનએસ કોચિની ટીમે 17-18 મેના રોજ રાત્રે 2 વાગ્યે તેને બચાવી લીધો હતો.

    વૈખલે કહ્યું કે, તેણે તેના સાથીઓને સમુહમાં સમુદ્રમાં કૂદવાનું કહ્યું હતું. તેમનું માનવું હતું કે, સમૂહ જેટલું મોટું હશે, બચવાની શક્યતા એટલી વધારે રહેશે. તે લોકોએ લાઇફ જેકેટ પહેર્યા હતા તે અંધારામાં ચમકે તેવા હતા. આનો અર્થ એ થયો કે જો તે સમુદ્રમાં સમુહમાં રહેશે તો, આજીવન રક્ષક જેકેટ્સ જોઈ બચાવદળ તેમને બચાવી શકે. પરંતુ જે રીતે સમુદ્રની લહેરો હતા, તેના કારણે સમૂહમાં રહેવું મુશ્કેલ હતુ.

    આ પણ વાંચોવલસાડ: પત્નીને પ્રેમી સાથે રંગરલીયા માણતા પતિએ રંગેહાથ ઝડપી, અર્ધનગ્ન હાલતમાં થાંભલે બાંધી બંનેને માર્યો માર

    તેમણે કહ્યું, 'અમે એકબીજાનો હાથ પકડીને બેથી ત્રણ લોકોનું સમૂહ બનાવ્યું અને એક સાથે સમુદ્રમાં રહેવાનું શરૂ કર્યું. પરંતુ અમે અન્ય સમૂહને બાદમાં જોઈ શક્યા નહીં. ત્યાંનું વાતાવરણ ખૂબ ખરાબ હતું.

    વૈખલેના કહેવા પ્રમાણે, 'તે સમયે દરિયામાં મોજા 8 મીટર ઊંચાઇ પર હતા. જેવી લહેર આવે તેવા અમે છૂટા પડી જતા. આ પછી, ફરીથી સમૂહ બનાવતા. આ 9 કલાકમાં હું 3 થી 4 અલગ અલગ સમૂહ સાથે જોડાયો. પછી એવો સમય આવી ગયો કે હું સંપૂર્ણપણે એકલો પડી ગયો હતો.

    અંધારું થતાંની સાથે જ કોઈને કંઈપણ દેખાતું ન હતું. તે સમયે ફક્ત લાઇફ જેકેટ્સની ફ્લેશિંગ લાઇટ્સ અને રેસ્ક્યૂ જહાજો ઉપર લાગેલી લાઇટ્સ જ દેખાતી હતી. આવી સ્થિતિમાં, જે કોઈ શ્વાસ લઈ રહ્યા હતા, તેમને બચવાની આશા હતી.

    તેમણે કહ્યું, 'જેવી કોઈ ઊંચી લહેર આવે તો, પાણી મોં અને આંખોમાં ઘુસી જતું હતું. આ પછી, અમે કંઈપણ જોઈ શકતા નહીં. મને ખાતરી નહોતી કે, જ્યારે બચાવ નૌકાઓ આવશે ત્યારે શું આપણે તેમાં ચઢી શકવાની સ્થિતિમાં હોઈશું? કારણ કે આટલા લાંબા સમયથી દરિયામાં હોવાને કારણે શરીર નબળું પડી ગયું હતું.

    જ્યારે બચાવ નૌકા આવી ત્યારે, વૈખલે તેના સાથીઓને તેની નજીક આવવાનું કહ્યું. પરંતુ તેઓ તેના પર ચઢી ન શક્યા અને અંધારામાં લહેર સાથે તણાઈ ગયા. તેમાંથી કેટલાક હજુ પણ ગુમ છે. તેમણે કહ્યું, 'મેં તે બચાવ વહાણમાં ત્રણ વાર ચઢવાનો પ્રયાસ કર્યો. પ્રથમ બે પ્રયાસોમાં નિષ્ફળ ગયો. ત્યારબાદ હું તેમણે ફેંકીલી જાળી પર સુઈ ગયો અને બચાવકર્મીઓએ મને ઉપર ખેંચી લેવા કહ્યું. '

    આ રીતે, તેનો બચાવ થયો. તે તેની પત્ની અને બે બાળકો પાસે પાછો ફરતા ભગવાનનો આભાર માને છે. તેના મતે, તેના 13 સાથીઓ હતા. તેમાંથી ઘણા મૃત્યુ પામ્યા છે અને કેટલાક હજી ગુમ છે. બર્જ પી 305ના ડૂબ્યા પછી 51 લોકોના મૃતદેહ બહાર કાઢવામાં આવ્યા છે, જ્યારે 24 લોકો હજુ પણ લાપતા છે.
    Published by:kiran mehta
    First published: