Home /News /national-international /

Manipur: ડ્રગ માફિયાઓને પાઠ ભણાવનાર ભૂતપૂર્વ મહિલા પોલીસ અધિકારી ચૂંટણી મેદાનમાં ઉતર્યા

Manipur: ડ્રગ માફિયાઓને પાઠ ભણાવનાર ભૂતપૂર્વ મહિલા પોલીસ અધિકારી ચૂંટણી મેદાનમાં ઉતર્યા

થૌનાઓજમ બ્રિન્દા 2012 બેચના મણિપુર પોલીસ સેવા કેડરના અધિકારી હતા. (ફાઇલ ફોટો)

Manipur Election 2022: મણિપુરના ડ્રગ માફિયા સામેના અભિયાન માટે જાણીતા ભૂતપૂર્વ પોલીસ અધિકારી થૌના ઓજમ બ્રિન્દા (Thounaojam Brinda)એ તેમના રાજ્યને ડ્રગ-મુક્ત, ભ્રષ્ટાચાર-મુક્ત બનાવવાની તેમની લડાઈ ચાલુ રાખવા માટે રાજકીય મેદાનમાં પ્રવેશ કર્યો છે.

વધુ જુઓ ...
    મણિપુરના ડ્રગ માફિયા સામેના અભિયાન માટે જાણીતા ભૂતપૂર્વ પોલીસ અધિકારી થૌના ઓજમ બ્રિન્દા (Thounaojam Brinda)એ તેમના રાજ્યને ડ્રગ-મુક્ત, ભ્રષ્ટાચાર-મુક્ત બનાવવાની તેમની લડાઈ ચાલુ રાખવા માટે રાજકીય મેદાનમાં પ્રવેશ કર્યો છે. ચાર વર્ષ પહેલાં બ્રિન્દા ચર્ચામાં આવી હતી જ્યારે તેમણે અનેક ડ્રગ-કાર્ટેલનો પર્દાફાશ કર્યો હતો અને તેને વીરતા માટે પોલીસ મેડલ એનાયત કરવામાં આવ્યો હતો. તેમણે 27 ફેબ્રુઆરી અને 3 માર્ચે મણિપુર વિધાનસભા (Manipur Assembly)ની બે તબક્કાની ચૂંટણીમાં ઇમ્ફાલ પૂર્વ જિલ્લાના યયસ્કૂલ મતવિસ્તારમાંથી જનતા દળ (યુનાઇટેડ) ઉમેદવાર તરીકે ચૂંટણી લડવાની જાહેરાત કરીને હલચલ મચાવી છે.

    2021માં વધારાના પોલીસ અધિક્ષકના પદ પરથી રાજીનામું આપનાર બ્રિન્દાએ જણાવ્યું હતું કે ચૂંટણીના રાજકારણમાં તેમના પ્રવેશનું મુખ્ય કારણ રાજ્ય અને તેના યુવાનોને ભ્રષ્ટાચાર અને ડ્રગ (દુરુપયોગ) ના 'આતંકવાદ'માંથી મુક્ત કરવાની તાકીદ છે. જો કે તેમણે તેમની કારકિર્દીના શરૂઆતના વર્ષોમાં ક્યારેય રાજકારણમાં જોડાવાનું વિચાર્યું ન હતું, પરંતુ તેમણે માત્ર તેમના પ્રદેશમાંથી જ નહીં પરંતુ સમગ્ર રાજ્યના સમર્થનને કારણે ચૂંટણીના રાજકારણમાં પ્રવેશવાનું નક્કી કર્યું છે.

    મણિપુરના વર્તમાન કાયદા મંત્રી વિરુદ્ધ ચૂંટણી મેદાનમાં બ્રિન્દા

    થૌના ઓજમ બ્રિન્દાને અલગ ઉમેદવાર તરીકે જોવામાં આવી રહ્યા છે. તેમના સસરાએ રાજ્ય વિરુદ્ધ સશસ્ત્ર ચળવળનું નેતૃત્વ કર્યું હતું, પરંતુ તેમણે ડ્રગ્સ સામેના ધર્મયુદ્ધમાં મણિપુર પોલીસને ઉત્કૃષ્ટ અધિકારી તરીકે સેવા આપી હતી. તેમણે મુખ્ય પ્રધાન એન બિરેન સિંઘ સાથે અણબનાવ પછી પોલીસ દળ છોડી દીધું, જેમના પર તેમણે ડ્રગ લોર્ડને મદદ કરવાનો આરોપ મૂક્યો હતો. હવે તે જેડી(યુ)ની ટિકિટ પર ભાજપના વર્તમાન ધારાસભ્ય અને મણિપુરના વર્તમાન કાયદા મંત્રી થોકચોમ સત્યબ્રત સિંહ સામે ચૂંટણી લડી રહી છે.

    આ પણ વાંચો- Russia-Ukraine War: યુક્રેનના રાષ્ટ્રપતિ Volodymyr Zelensky રાજધાની કીવથી ભાગ્યા, રશિયન મીડિયાનો મોટો દાવો

    શા માટે લાઇમલાઇટમાં આવ્યા થૌનાઓજમ બ્રિન્દા

    બ્રિન્દા 2012 બેચની મણિપુર પોલીસ સેવા કેડરના અધિકારી રહ્યા છે. જૂન 2018 માં તેમણે ડ્રગ્સની હાઇ પ્રોફાઇલ કન્સાઇનમેન્ટ પકડ્યા પછી તે જાહેરમાં ચર્ચામાં આવી હતી. તેમની આગેવાની હેઠળના અભિયાનમાં ચંદેલ સ્વાયત્ત જિલ્લા પરિષદના તત્કાલિન પ્રમુખ લુખોસી ઝુ અને અન્ય સાત લોકોની ધરપકડ કરવામાં આવી હતી.

    આ પણ વાંચો- Russia-Ukraine War: 'બીજો કોઈ રસ્તો નથી... જીવનું જોખમ વધતું જાય છે', પોલેન્ડ બોર્ડર ઉપર વિદ્યાર્થીની વ્યથાનો video

    તે પછી મુખ્ય પ્રધાન એન બિરેન સિંહે માદક દ્રવ્યો અને રોકડ જપ્ત કરવાના કેસમાં તેમના પ્રશંસનીય પ્રયાસ માટે પોલીસ મેડલથી તેમનું સન્માન કર્યું. જો કે જ્યારે સ્પેશિયલ નાર્કોટિક્સ ડ્રગ્સ એન્ડ સાયકોટ્રોપિક સબસ્ટન્સ (NDPS) કોર્ટ દ્વારા ઝૂઇ અને અન્ય છ લોકોને નિર્દોષ જાહેર કરવામાં આવ્યા હતા ત્યારે તેઓએ ડિસેમ્બર 2020માં વિરોધમાં એવોર્ડ પરત કર્યો હતો.
    Published by:rakesh parmar
    First published:

    Tags: 2022 Assembly elections, Election 2022, IPS officers, મણીપુર

    આગામી સમાચાર