ખડગે માત્ર 'કોંગ્રેસ' ચલાવે છે, પરંતુ પાર્ટીના નેતા ગાંધી પરિવાર છે: સલમાન ખુર્શીદના નિવેદનથી વિવાદ

નવી દિલ્હી: કોંગ્રેસના વરિષ્ઠ નેતા અને પૂર્વ કેન્દ્રીય મંત્રી સલમાન ખુર્શીદે ફરી એક વાર વિવાદ સર્જ્યો છે. જણાવી દઈએ કે, તેમણે દાવો કર્યો હતો કે કોંગ્રેસ અધ્યક્ષ મલ્લિકાર્જુન ખડગે ફક્ત પાર્ટીને ચલાવવા માટે છે, અને નેતા હંમેશા 'ગાંધી પરિવાર' રહેશે. આ નિવેદન બાદ ભાજપે દેશની સૌથી જૂની પાર્ટી પર નિશાન સાધ્યું છે. ભાજપના પ્રવક્તા ગૌરવ ભાટિયાએ પૂછ્યું કે, ખડગે રિમોટ-કંટ્રોલ પ્રમુખ છે કે, રબર સ્ટેમ્પ પ્રમુખ?

ભાટિયાએ કહ્યું કે, 'સત્ય સામે આવ્યું છે. કોંગ્રેસ ચાટુકારિતા અને વંશવાદમાં માને છે. સલમાન ખુર્શીદના મતે જે પણ કોંગ્રેસ અધ્યક્ષ બનશે તેની કમાન સોનિયા અને રાહુલ ગાંધી પાસે રહેશે. શું આપણે મલ્લિકાર્જુન ખડગેને રિમોટ કંટ્રોલ પ્રેસિડેન્ટ કહેવું જોઈએ કે, રબર સ્ટેમ્પ પ્રેસિડેન્ટ?' આ સાથે તેમણે કહ્યું કે, વર્તમાન કોંગ્રેસ અધ્યક્ષ પાસે નિર્ણય લેવાની સત્તા નથી.

આ પણ વાંચો: કોંગ્રેસનો સ્થાપના દિવસ: જંગ-એ-આઝાદીથી લઈને ભારત જોડો યાત્રાનો ઈતિહાસ, ખડગેએ જાહેર કર્યો વીડિયો

ખડગે પાર્ટી ચલાવવા માટે છે

બીજેપી પ્રવક્તાએ કહ્યું કે, “તેઓ એ જ કરે છે જે ગાંધી પરિવારે તેમને કહ્યું છે. આ સિકોફેન્સીની ઊંચાઈ છે. કોંગ્રેસની આંતરિક ચૂંટણી માત્ર એક દેખાવ છે. સલમાન ખુર્શીદે દૈનિક ભાસ્કરને આપેલા ઈન્ટરવ્યુમાં કહ્યું કે, કોંગ્રેસનો નેતા ગાંધી પરિવાર છે, જે બાદ ભારતીય જનતા પાર્ટીએ કોંગ્રેસ પાર્ટી પર પ્રહારો કર્યા હતા. ખુર્શીદે કહ્યું કે, 'અમારો નેતા ગાંધી પરિવાર છે અને રહેશે. ખડગે પાર્ટી ચલાવવા માટે છે, જેઓ માત્ર પાર્ટીના કામ પર ધ્યાન આપશે.

શશિ થરૂરને હરાવીને ખડગે કોંગ્રેસ અધ્યક્ષ બન્યા

ભાજપના પ્રવક્તા અને કોંગ્રેસના પૂર્વ નેતા શહજાદ પૂનાવાલાએ વારંવાર આરોપ લગાવ્યો છે કે, ગાંધી પરિવાર પાર્ટી ચલાવે છે અને ખડગે માત્ર એક ચહેરો છે. મલ્લિકાર્જુન ખડગે આ વર્ષે ઓક્ટોબરમાં શશિ થરૂરને હરાવીને કોંગ્રેસ અધ્યક્ષ તરીકે ચૂંટાયા હતા. જ્યારે ખડગેને 7,897 વોટ મળ્યા, જ્યારે થરૂરને 1,072 વોટ મળ્યા હતા.

આ પણ વાંચો: "નફરત કે બાજારમાં મોહબ્બત કી દુકાન ખોલને આયા હું": દિલ્હીમાં પહોંચી રાહુલ ગાંધીની ભારત જોડો યાત્રા

સલમાન ખુર્શીદે તાજેતરમાં રાહુલ ગાંધીને 'અલૌકિક' ગણાવવા અને તેમની 'ભારત જોડો યાત્રા' માટે કોંગ્રેસના ભૂતપૂર્વ વડાની પ્રશંસા કરતી વખતે ભગવાન રામ સાથે તેમની તુલના કરવા માટે હેડલાઇન્સ મેળવ્યા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Congress News, Rahul gandhi latest news, Sonia Gandhi