મલેશિયાની ફર્સ્ટ લેડીએ ઈમરાનને કહ્યું- શું હું તમારો હાથ પકડી શકું?

મલેશિયા: પાકિસ્તાનના વડાપ્રધાન ઈમરાન ખાનની મહિલા પ્રશંસકોની સંખ્યા સતત વધી રહી છે. તેનું તાજેતરનું ઉદારણ ત્યારે જોવા મળ્યું જ્યારે મલેશિયાની ફર્સ્ટ લેડી સિતી હસ્મા મોહમ્મદ અલીએ ઈમરાન ખાનનો હાથ પકડવા માટે તેમની મંજૂરી માંગી. આ પ્રસંગનો વીડિયો ખૂબ જ ઝડપથી સોશિયલ મીડિયા પર વાઇરલ થઈ રહ્યો છે.

મૂળે, પાક પીએમ મંગળવારે મલેશિયાના બે દિવસના પ્રવાસે પહોંચ્યા હતા. આ દરમિયાન સિતી હસ્માએ ઈમરાન ખાનની સાથે ફોટો ખેંચાવવા માટે તેમની મંજૂરી માંગી અને કહ્યું કે શું હું તમારો હાથ પકડી શકું.

ન્યૂઝ18 મુજબ સિતી હસ્માની આ વાત પર ઈમરાન હસતાં નજરે પડ્યા અને તેઓએ કહ્યું કે, જી બિલકુલ. આ દરમિયાન ત્યાં ઉપસ્થિત તમામ લોકો હસી પડ્યા. મળતી જાણકારી મુજબ, આ મુલાકાત દરમિયાન ઈમરાન આર્થિક સહાયની માંગ કરી શકે છે જેના દ્વારા પૈસાની તંગીનો સામનો કરી રહેલા પાકિસ્તાનને રાહત મળી શકે.

‘Can I hold your hand?’ Malaysian first lady asks PM Imran.
'Sure', he replies, and everyone laughs #PMIKVisitsMalaysia https://t.co/O1FBKkGvK2 pic.twitter.com/bnYTJXrFJp

— Geo English (@geonews_english) November 22, 2018

પાક મીડિયા મુજબ, ઈમરાન ખાનના પ્રવાસ પર તેમની સાથે વિદેશ મંત્રી શાહ મહમૂદ કુરૈશી, નાણા મંત્રી અસદ ઉમર, સૂચના મંત્રી ફવાદ ચૌધરી અને નાણાકિય સલાહકાર અબ્દુલ રજાક દાઉદ પણ ગયા છે.

ઉલ્લેખનીય છે કે, ઈમરાન ખાને ઓગસ્ટમાં જ પાકિસ્તાનના વડાપ્રધાનનું પદ સંભાળ્યું છે. તે પહેલા તેઓ દુનિયાના લોકપ્રિય પાકિસ્તાની ક્રિકેટર રહી ચૂક્યા છે. વડાપ્રધાન બન્યા બાદ ઈમરાન ખાનની મલેશિયાની આ પહેલી દ્વિપક્ષીય યાત્રા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Imran Khan, Malaysia, Pakistan PM, પાકિસ્તાન, વાયરલ વીડિયો