ભારત દેશમાં નેતાઓ જ જનતાને ગેરમાર્ગે દોરે છે: સર્વેનાં તારણો

ભારત દેશમાં મોટાભાગનાં લોકો એવું માને છે કે, દેશના નેતાઓ જ જનતાને ગેરમાર્ગે દોરે છે. તાજેતરમાં થયેલા એ સર્વેમાં આ વિગતો બહાર આવી છે.

આઇપીએસઓએસ (Ipsos) સંસ્થા દ્વારા દેશમાં 19,000 ઉત્તરદ્દાતાઓને આ વિશે પુછવામાં આવ્યુ હતું અને આ સર્વેના તારણોમાં મોટાભાગના નાગરિકોએ એવું જણાવ્યુ કે, દેશમાં નેતાઓ જ જનતાને ગેરમાર્ગે દોરે છે. સર્વેમાં 57 ટકા લોકોએ નેતાઓ પર દોષનો ટોપલો ઢોળ્યો છે. 47 ટકા લોકો એવું માને છે કે, મીડિયા લોકોને ગેરમાર્ગે દોરે છે જ્યારે 44 ટકા લોકો એવુ માને છે કે સોશિયલ મીડિયાને કારણે લોકોની આ પરિસ્થિતિ છે.

આ સર્વેમાં લોકોને ફેક ન્યૂઝ વિશે પણ પુછરવામાં આવ્યુ હતુ. જેમાં લોકોએ જણાવ્યુ કે, તેઓ નિયમીત રીતે ફેક ન્યૂઝ વાંચે છે અને આમાંથી 50 ટકાથી લોકો આ ફેક ન્યૂઝને પ્રથમ દ્રષ્ટિએ સાચા માની લે છે. પણ પાછળથી તેમને ખ્યાલ આવે છે કે, એ ફેક ન્યૂઝ હતા. ખોટા હતા.

આ  પણ વાંચો:

વિજય માલ્યા ભાગી જતા પહેલા ભાજપના નેતાઓને મળ્યો હતો: રાહુલ ગાંધી

નેતાઓનું રિપોર્ટ કાર્ડ બતાવશે આ એપ, તમે પણ જોઈ શકસો રેટિંગ

72 ટકા લોકો એવું માને છે કે, મીડિયા દ્વારા જે સમાચાર દર્શાવવામાં આવે છે તે ખોટા હોય છે. 55 ટકા ઉત્તરદાતાઓએ જણાવ્યુ કે, પ્રથમ દ્રષ્ટિએ વાંચવામાં આવતી સ્ટોરી સાચી માની છે પણ પછીથી તે ખોટી સાબિત થાય છે.આ સર્વેમાં લોકોએ ફેક ન્યૂઝ વિશે પણ અલગ અલગ મંતવ્યો આપ્યા હતા. 55 ટકા ઉત્તરદાતાઓએ જણાવ્યુ કે, મીડિયા અને રાજકારણીએ તેમને અનુકૂળ હોય તેવી સ્ટોરી પર પકડે છે અને ફેલાવે છે.