Amway India પર ED દ્વારા મોટી કાર્યવાહી, રૂપિયા 757 કરોડની કિંમતની સંપત્તિ જપ્ત

એન્ફોર્સમેન્ટ ડિરેક્ટોરેટ (ED) એ નેટવર્ક માર્કેટિંગ કંપની Amway India સામે મોટી કાર્યવાહી કરી છે. ED એ સોમવારે જણાવ્યું હતું કે મલ્ટી-લેવલ માર્કેટિંગ (MLM) સ્કીમને પ્રોત્સાહન આપતી કંપની Amway India ની રૂ. 757 કરોડથી વધુની સંપત્તિ મની લોન્ડરિંગ હેઠળ જપ્ત કરવામાં આવી છે.

એમવે ઈન્ડિયા એન્ટરપ્રાઈઝ પ્રાઈવેટ લિમિટેડની અસ્થાયી રૂપે અટેચ કરેલી મિલકતોમાં તમિલનાડુના ડિંડીગુલ જિલ્લામાં જમીન અને ફેક્ટરી બિલ્ડિંગ, પ્લાન્ટ અને મશીનરી, વાહનો, બેંક ખાતા અને ફિક્સ ડિપોઝિટનો સમાવેશ થાય છે, એમ તપાસ એજન્સીએ એક નિવેદનમાં જણાવ્યું હતું.

આ પણ વાંચો: Jahangirpuri Violence: AAP એ ભાજપ પર લગાવ્યા ગંભીર આરોપ, સૌરભ ભારદ્વાજે ઉઠાવ્યા અનેક સવાલ

757.77 કરોડની કિંમતના પ્રિવેન્શન ઓફ મની લોન્ડરિંગ એક્ટ (PMLA) હેઠળ જોડાયેલ કુલ સંપત્તિમાંથી, સ્થાવર અને જંગમ સંપત્તિની કિંમત 411.83 કરોડ રૂપિયા છે, જ્યારે બાકીની રકમ એમવેના 36 બેંક ખાતાઓમાં જમા કરાયેલી 345.94 કરોડ રૂપિયા છે.

ફેડરલ એજન્સીએ કંપની પર મલ્ટિ-લેવલ માર્કેટિંગ 'કૌભાંડ'નો આરોપ મૂક્યો હતો જ્યાં કંપની દ્વારા ઓફર કરવામાં આવતી મોટાભાગની પ્રોડક્ટ્સની કિંમતો "ખુલ્લા બજારમાં ઉપલબ્ધ પ્રતિષ્ઠિત ઉત્પાદકોના વૈકલ્પિક લોકપ્રિય ઉત્પાદનોની તુલનામાં વધુ પડતા હતા."

આ પણ વાંચો:  બદલાયા પાકિસ્તાનના સૂર! જાણો નવા પીએમ Shehbaz Sharifએ કાશ્મીરના મુદ્દે શું કહ્યુ?

એન્ફોર્સમેન્ટ ડિરેક્ટોરેટ શું છે અને તેનું કાર્ય શું છે? what is ED ?

એન્ફોર્સમેન્ટ ડિરેક્ટોરેટ એક સંઘીય સંસ્થા છે. તેની સ્થાપના 01 મે, 1956ના રોજ કરવામાં આવી હતી, જ્યારે ફોરેન એક્સચેન્જ રેગ્યુલેશન એક્ટ, 1947 (FERA, 1947) હેઠળ વિનિમય નિયંત્રણ કાયદાના ઉલ્લંઘનને રોકવા માટે આર્થિક બાબતોના વિભાગના નિયંત્રણ હેઠળ 'એન્ફોર્સમેન્ટ યુનિટ'ની રચના કરવામાં આવી હતી.

આ પણ વાંચો:  UP: 12 જિલ્લા અને શહેરોના નામ બદલવાનો ડ્રાફ્ટ તૈયાર, યોગી કેબિનેટ સમક્ષ ટૂંક સમયમાં આવશે પ્રસ્તાવ!

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર