ઝડપી કારે 7 શ્રદ્ધાળુંઓને કચડી નાંખ્યા, CMએ 5-5 લાખ રૂપિયાના વળતરની જાહેરાત કરી

સોલાપુર: કાર્તિકી એકાદશી માટે પંઢરપુર જઈ રહેલા શ્રદ્ધાળુઓને એક ઝડપી કારે ટક્કર મારતા 7 શ્રદ્ધાળુઓના મોત થયા હતા, જ્યારે ઘણા લોકો ઘાયલ થયા હતા. આ ઘટના બાદ વિસ્તારમાં શોકનું મોજુ છે. મુખ્યમંત્રી એકનાથ શિંદેએ આ ઘટના પર શોક વ્યક્ત કર્યો છે. તેમણે મૃતકોના નજીકના પરિવાર માટે 5-5 લાખ રૂપિયા વળતરની જાહેરાત કરી છે.

પ્રાપ્ત માહિતી મુજબ, આ ઘટના સાંગોલા જિલ્લાના જુનોની ગામ પાસે બની હતી. ઘટનાની જાણ થતાં જ મુખ્યમંત્રી એકનાથ શિંદેએ શોક વ્યક્ત કર્યો હતો. તેમણે જિલ્લા વહીવટીતંત્રને ઘાયલોને તમામ શક્ય મદદ આપવાનો નિર્દેશ આપ્યો છે. મુખ્યમંત્રી શિંદેએ દુર્ઘટનામાં માર્યા ગયેલા લોકોના પરિવારજનોને 5-5 લાખ રૂપિયાના વળતરની જાહેરાત કરી છે. તેમણે અકસ્માતની તપાસના આદેશ પણ આપ્યા છે.

ભક્તો કોલ્હાપુરથી પંઢરપુર જઈ રહ્યા હતા
સોલાપુરના એસપી શિરીષ સરદેશપાંડેએ જણાવ્યું કે સોલાપુરના સંગોલ શહેરમાં એક માર્ગ અકસ્માત થયો છે. જેમાં 7 લોકોના મોત થયા હતા અને ઘણા ઘાયલ થયા હતા. યાત્રાળુઓ કોલ્હાપુરથી પંઢરપુર જઈ રહ્યા હતા.

આ પણ વાંચોઃ અમદાવાદ: વેજલપુરમાં બે ટુ વ્હીલર વચ્ચે અકસ્માત, યુવકનું મોત

આ ભક્તોના થયા મોત
મૃતકોમાં શારદા આનંદ ઘોડકે (61 વર્ષ), સુશીલા પવાર, રંજના બળવંત જાધવી, ગૌરવ પવાર (14 વર્ષ), સર્જેરાવ શ્રીપતિ જાધવી, સુનિતા સુભાષ કાટે અને શાંતાબાઈ શિવાજી જાધવીનો સમાવેશ થાય છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Accident video, Car accident, Car collision