ગુજરાત કેવી રીતે પહોંચ્યા શિવસેનાના ધારાસભ્યો? એકનાથ શિંદેના જૂથમાંથી ફરાર થયેલા ધારાસભ્યે જણાવી આખી વાત

મુંબઈ : મંગળવારથી મહારાષ્ટ્રના રાજકારણમાં (Maharashtra political crisis) ઉથલપાથલ ચાલી રહી છે. શિવસેનાના વરિષ્ઠ નેતા એકનાથ શિંદે (Eknath Shinde)એ પોતાની પાર્ટી વિરુદ્ધ મોરચો ખોલીને શિવસેનાના નેતૃત્વવાળી મહા વિકાસ અઘાડી સરકારના ભવિષ્ય પર સવાલ ઉઠાવતા પાર્ટીના ધારાસભ્યોને પોતાની સાથે લઈને સવાલ ઉઠાવ્યા છે. ANIના જણાવ્યા અનુસાર, એકનાથ શિંદેને લગભગ 33 ધારાસભ્યો અને 7 અપક્ષોનું સમર્થન છે. મીડિયા રિપોર્ટ મુજબ આ દરમિયાન એક મહત્વના સમાચાર આવ્યા છે કે એકનાથ શિંદે સાથે સુરત ગયેલા શિવસેનાના (Shivsena MLA) ધારાસભ્યોને યાત્રાના બહાને ગુજરાત લઈ જવામાં આવ્યા હતા.

વાસ્તવમાં શિવસેનાના ઉસ્માનાબાદના ધારાસભ્ય કૈલાશ પાટીલ (MLA Kailash Patil) એકનાથ શિંદેના જૂથમાંથી ભાગી ગયા હતા. આ પછી તેણે ગઈકાલે રાત્રે ખરેખર શું થયું તેની માહિતી આપી હતી. તેમણે કહ્યું કે ધારાસભ્યોને કહેવામાં આવ્યું હતું કે, વિધાન પરિષદના પરિણામો બહાર આવ્યા બાદ સાહેબે ગઇકાલે (સોમવારે) થાણેમાં બપોરના ભોજન માટે બોલાવ્યા હતા. પરંતુ તે સ્પષ્ટ થઈ શક્યું ન હતું કે તે સાહેબ કોણ હતા.

આ પણ વાંચો - શું ઉદ્ધવ ઠાકરે બચાવી શકશે સરકાર? મહારાષ્ટ્ર વિધાનસભાની બેઠકોનું કેવું છે ગણિત

આ પછી તમામ ધારાસભ્યોને ટ્રેન મારફતે ગુજરાતની મુલાકાતે લઇ જવામાં આવ્યા હતા. લોકમત ન્યૂઝ 18ના રિપોર્ટ અનુસાર કૈલાશ પાટીલ થાણેથી ગુજરાત ટ્રેનમાં મુસાફરી કરી રહ્યા હતા. પરંતુ સફર દરમિયાન તેમને શંકા ગઈ. પછી તેઓને આખું ષડયંત્ર સમજાઇ ગયું હતું. મુંબઈથી લગભગ 40થી 50 કિલોમીટરની મુસાફરી કર્યા બાદ કૈલાશ પાટીલ સમજી ગયા. ત્યાં સુધીમાં ટ્રેન મુંબઈથી 100 કિમીથી વધુ આગળ નીકળી ચૂકી હતી.

પેશાબ કરવાના બહાને કૈલાશ પાટીલ ટ્રેનમાંથી ઉતરી ગયા અને પછી ભાગી ગયા. મુશળધાર વરસાદમાં ચારથી પાંચ કલાક ચાલ્યા બાદ તેણે મોટર સાયકલ સવાર પાસે લિફ્ટ માંગી હતી. ત્યારબાદ ટ્રેક્ટરની મદદથી દહિસર પહોંચ્યા હતા. આ તમામ ઘટનાઓ બાદ કૈલાશ પાટીલ 'માતોશ્રી'માં ગયા હતા. ત્યાં તેમણે મુખ્યમંત્રી ઉદ્ધવ ઠાકરે સાથે મુલાકાત કરીને તમામ જાણકારી આપી. હાલ તે 'વર્ષા' બંગલામાં રહે છે. તેમણે શિવસેનાની તમામ બેઠકોમાં હાજરી આપી હતી.

આ પણ વાંચો - એકનાથ શિંદે કોણ છે? શિવસેના અને રાજકારણમાં કેવો છે દબદબો? જાણો

પીટીઆઈ ભાષાના જણાવ્યા અનુસાર શિવસેના સામે બળવો કરીને મહારાષ્ટ્રમાં એમવીએ સરકારને મુશ્કેલીમાં મુકનાર એક ડઝનથી વધુ ધારાસભ્યોને અસમના ગુવાહાટીમાં લઇ જવામાં આવ્યા છે. અસમમાં હાલ ભાજપની સરકાર છે. શિવસેના મંત્રી એકનાથ શિંદેએ પાર્ટી સામે બળવો કર્યા બાદ કેટલાક ધારાસભ્યોને ભાજપ શાસિત ગુજરાતમાં રાખ્યા હતા

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Maharashtra, Shivsena, Uddhav thackeray