Home /News /national-international /

Maharashtra: કિરીટ સોમૈયાની પત્નીએ સંજય રાઉત સામે કર્યો કેસ, શિવસેના નેતાએ લગાવ્યો 'ટોઇલેટ કૌભાંડ'નો આરોપ

Maharashtra: કિરીટ સોમૈયાની પત્નીએ સંજય રાઉત સામે કર્યો કેસ, શિવસેના નેતાએ લગાવ્યો 'ટોઇલેટ કૌભાંડ'નો આરોપ

કિરીટ સોમૈયાની પત્નીએ સંજય રાઉત સામે નોંધાવી ફરિયાદ, શિવસેના નેતાએ લગાવ્યો આ આરોપ...

જ્યારે નવનીત રાણા (Navneet Rana) અને તેના પતિ રવિ રાણાની મુંબઈની ખાર પોલીસે (Mumbai police) હનુમાન ચાલીસાના પાઠ કરવા બદલ ધરપકડ કરી હતી, ત્યારે ભાજપના નેતા કિરીટ સોમૈયા (Kirit Somaiya) તેમને મળવા પોલીસ સ્ટેશન ગયા હતા. તે સમયે કેટલાક લોકોએ પથ્થરમારો કર્યો હતો. સોમૈયાએ આ માટે શિવસેના (Shivsena) પર આરોપ લગાવ્યો હતો.

વધુ જુઓ ...
    Mumbai: ભારતીય જનતા પાર્ટી (BJP) ના નેતા કિરીટ સોમૈયાની પત્ની ડૉ. મેધા કિરીટ સોમૈયાએ (Kirit Somaiya's wife Dr. Medha Kirit Somaiya) શિવસેનાના નેતા સંજય રાઉત વિરુદ્ધ પોલીસ ફરિયાદ નોંધાવી છે (Police complaint against Sanjay Raut) . આ ફરિયાદ મુંબઈના મુલુંડ ઈસ્ટ પોલીસ સ્ટેશનમાં દાખલ કરવામાં આવી છે. મેધાએ પોતાની ફરિયાદમાં કહ્યું છે કે સંજય રાઉતે મીડિયામાં તેમની વિરુદ્ધ દુર્ભાવનાપૂર્ણ અને અયોગ્ય નિવેદનો કર્યા છે. ન્યૂઝ એજન્સી ANIના સમાચાર અનુસાર, કિરીટ સોમૈયાની પત્નીએ પણ પોતાની ફરિયાદમાં કહ્યું છે કે રાઉતે માત્ર તેના ચારિત્ર્યનું અપમાન જ નથી કર્યું, પરંતુ તેને ધમકીઓ પણ આપી છે. મેધાએ વરિષ્ઠ પોલીસ નિરીક્ષકને સંજય રાઉત વિરુદ્ધ ભારતીય દંડ સંહિતા (IPC) ની કલમ 503, 506 અને 509 હેઠળ એફઆઈઆર નોંધવા વિનંતી કરી છે.



    આ પહેલા ડૉ.મેધા કિરીટ સોમૈયાએ સંજય રાઉતને માનહાનિની ​​નોટિસ મોકલી હતી. તેણે પોતાની નોટિસમાં કહ્યું હતું કે જો શિવસેનાના સાંસદ 48 કલાકની અંદર માફી નહીં માંગે તો તે તેમની સામે કાયદાકીય કાર્યવાહી કરશે. હકીકતમાં, થોડા સમય પહેલા સંજય રાઉતે કથિત શૌચાલય કૌભાંડને લઈને મેઘા સોમૈયા પર ઘણા આરોપો લગાવ્યા હતા.

    સંજય રાઉતે કહ્યું હતું કે તેઓ ટૂંક સમયમાં સોમૈયા પરિવારના 100 કરોડના શૌચાલય કૌભાંડને સામે લાવશે.જેના જવાબમાં કિરીટ સૌમ્યાની પત્નીએ રાઉત પર વળતો પ્રહાર કર્યો છે. અગાઉ સંજય રાઉતે નેવલ સર્વિસમાંથી ડિકમિશન કરાયેલ એરક્રાફ્ટ કેરિયર 'વિક્રાંત'ના કૌભાંડ મામલે કિરીટ સોમૈયા પર પણ પ્રહારો કર્યા હતા.


    કિરીટ સોમૈયાએ આરોપોને નકારી કાઢ્યા


    બીજી તરફ કિરીટ સોમૈયાએ રાઉત દ્વારા લગાવવામાં આવેલા તમામ આરોપોને નકારી કાઢ્યા હતા. તેમણે મીડિયાને કહ્યું કે મહારાષ્ટ્રમાં ઉદ્ધવ ઠાકરે સરકારની પોલીસ ગુંડાગીરી કરી રહી છે. બનાવટી સહીઓ કરીને તેમની સામે બનાવટી કેસ દાખલ કરવામાં આવી રહ્યો છે.

    આ રીતે વિવાદ શરૂ થયો હતો


    વાસ્તવમાં આ સમગ્ર મામલો ઉદ્ધવ ઠાકરેના (CM Uddhav Thakray) ખાનગી આવાસ 'માતોશ્રી'ની બહાર હનુમાન ચાલીસાના પાઠ સાથે જોડાયેલો છે. અમરાવતીથી અપક્ષ સાંસદ નવનીત રાણા અને તેમના ધારાસભ્ય પતિ રવિ રાણાએ માતોશ્રીની બહાર હનુમાન ચાલીસાના પાઠ (Hanuman chalisa path) કરવાની જાહેરાત કરી હતી. આ પછી ખાર પોલીસે તેની ધરપકડ કરી હતી.



    આ પછી કિરીટ સોમૈયા રાણા દંપતીને મળવા ખાર પોલીસ સ્ટેશન પહોંચ્યા, જ્યાં કેટલાક લોકોએ પથ્થરમારો કર્યો અને તેને ઈજા થઈ. સોમૈયાએ આરોપ લગાવ્યો હતો કે તેમના પર આ હુમલો શિવસેના દ્વારા કરવામાં આવ્યો છે.
    Published by:Rahul Vegda
    First published:

    Tags: BJP leaders, Maharashtra, Sanjay raut, Shiv sena, મુંબઇ

    આગામી સમાચાર