Maharashtra Board Class 12th Result: અહીં ચેક કરો ધો-12નું પરિણામ

Maharashtra HSC Class 12th Result: મહારાષ્ટ્ર સ્ટેટ બોર્ડ ઓફ સેકન્ડરી એન્ડ હાયર સેકન્ડરી એજ્યુકેશન (MSBSHSE)એ હાયર સેકન્ડરી સર્ટિફિકેટ HSC Class 12th/ Maharashtra HSC Result 2019 અથવા Maharashtra 12th Result 2019નું પરિણામ જાહેર કરી દીધું છે. ન્યૂઝ18 ઇન્ડિયા પર વિદ્યાર્થીઓ બપોરના 1 વાગ્યાથી પોતાનું પરિણામ ચકાસી શકે છે.

આ વર્ષે ધોરણ-12ની પરીક્ષા આપનાર વિદ્યાર્થીઓની કુલ સંખ્યા 14,21,936 હતી. જેમાંથી 85.88% વિદ્યાર્થીઓ પાસ થયા છે. વિદ્યાર્થિનીઓનું પરિણામ વિદ્યાર્થીઓ કરતા વધારે સારું રહ્યું છે. છોકરીઓમાં ઉતીર્ણ થવાનું પ્રમાણ 90.25%, જ્યારે છોકરાઓમાં આ પ્રમાણ 82.40% રહ્યું છે. સૌથી વધારે સારું પ્રદર્શન કોંકણ જિલ્લાનું રહ્યું છે. કોંકણનું પરિણામ 93.30% રહ્યું છે. આ વર્ષે પુણે જિલ્લાનું પરિણામ 87.80% રહ્યું છે. આ વર્ષે નાગપુર જિલ્લાનો સ્કોર સૌથી ખરાબ 82.81% રહ્યો છે.



ઉતીર્ણ થવાની ટકાવારી:

• સાયન્સમાં(વિજ્ઞાન પ્રવાહ) 92.04 ટકા વિદ્યાર્થીઓ પાસ થયા


• આર્ટ્સમાં (વિનયન પ્રવાહ)76.28 ટકા વિદ્યાર્થીઓ પાસ થયા


• કોમર્સમાં (વાણિજ્ય પ્રવાહ) 88.28 ટકા વિદ્યાર્થીઓ પાસ થયા

વિદ્યાર્થીઓ ન્યૂઝ18 ઇન્ડિયાની સાથે સાથે મહારાષ્ટ્ર બોર્ડની અધિકૃત વેબસાઇટ mahresult.nic.in પર પણ પરિણામ ચેક કરી શકે છે. આ વર્ષે 21મી ફેબ્રુઆરીથી 20મી માર્ચ સુધી ધોરણ-12ની પરીક્ષા ચાલી હતી.

આવી રીતે તપાસો તમારું રિઝલ્ટ

- મહારાષ્ટ્ર બોર્ડની અધિકૃત વેબસાઇટ mahresult.nic.in પર જાવ.
- હોમ પેજ પર HSC resultsની તાજેતરની માહિતી તપાશો.
- "HSC Examination Result 2019" પર ક્લિક કરો.
- નવં પેજ ખુલશે જેમાં અમુક ડિટેઇલ માંગવામાં આવશે.
- "view result" પર ક્લિક કરતા જ તમારું પરિણામ દેખાશે.
- તમે આ રિઝલ્ટને સેવ કરી શકો છો અથવા પ્રિન્ટ પણ કાઢી શકો છો.

ગત વર્ષનું રિઝલ્ટ

2018માં 12માંનું રિઝલ્ટ 88.41 ટકા જાહેર કરવામાં આવ્યું હતું. જેમાં છોકરીઓનું પ્રમાણ 92.36% અને છોકરાઓનું પ્રમાણ 85.23% રહ્યું હતું. વિજ્ઞાન (સાયન્સ) પ્રવાહમાં 95.85%, વાણિજ્ય (કોમર્સ) પ્રવાહમાં 89.50% અને વિનયન (આર્ટ્સ) પ્રવાહમાં 78.93% વિદ્યાર્થીઓ પાસ થયા હતા.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Examination, પરિણામ