Maharshtra: શું ઉદ્ધવ ઠાકરે બચાવી શકશે સરકાર? મહારાષ્ટ્ર વિધાનસભાની બેઠકોનું કેવું છે ગણિત

મુંબઈ : મહારાષ્ટ્રમાં વિધાન પરિષદની ચૂંટણીમાં હાર (Maharshtra Political Crisis)થતાં શિવસેનામાં (shivsena)બળવો થયો છે. શિવસેનાના વરિષ્ઠ ધારાસભ્ય અને કેબિનેટ મંત્રી એકનાથ શિંદેના (Eknath Shinde)ગુજરાતમાં આગમન બાદ ઉદ્ધવ સરકાર (uddhav thackeray)પર સંકટ વધુ ઘેરું બન્યું છે. એકનાથ શિંદે 26 ધારાસભ્યો સાથે સુરતની એક હોટલમાં રોકાયા હોવાની માહિતી સામે આવી રહી છે. તેમાં શિવસેના અને ઉદ્ધવ સરકારને ટેકો આપતા ઘણા અપક્ષ ધારાસભ્યો પણ સામેલ છે. આવી સ્થિતિમાં એકનાથ શિંદેના બળવા પછી સીએમ ઉદ્ધવ સામે સત્તા જાળવી રાખવાનો પડકાર ઉભો થયો છે.

મહારાષ્ટ્રમાં રાજ્યસભાની ચૂંટણી બાદ વિધાન પરિષદની ચૂંટણીમાં પણ મહા વિકાસ અઘાડી સરકારમાં સામેલ પક્ષોના ધારાસભ્યોએ ક્રોસ વોટિંગ કર્યું હતું. વિધાનસભામાં ભાજપના 106 ધારાસભ્યો છે. અપક્ષો સહિત આ સંખ્યા 113 સુધી પહોંચી ગઈ હતી. પરંતુ તેમને રાજ્યસભાની ચૂંટણીમાં 123 વોટ અને MLCની ચૂંટણીમાં 134 વોટ મળ્યા હતા. આ રીતે એકનાથ શિંદેએ ખુલ્લેઆમ વિદ્રોહનો ઝંડો ઉઠાવ્યા બાદ સીએમ ઉદ્ધવ ઠાકરેની સામે રાજકીય સંકટ ઊભું થયું છે.

મહારાષ્ટ્ર વિધાનસભામાં કુલ 288 સભ્યો છે, તેથી સરકાર બનાવવા માટે 145 ધારાસભ્યોની જરૂર છે. શિવસેનાના એક ધારાસભ્યનું અવસાન થયું છે, જેના કારણે હવે 287 ધારાસભ્યો બાકી છે અને સરકાર માટે 144 ધારાસભ્યોની જરૂર છે. બળવા પહેલા શિવસેનાની આગેવાની હેઠળની મહા વિકાસ આઘાડીને 169 ધારાસભ્યોનું સમર્થન હતું, જ્યારે ભાજપ પાસે 113 ધારાસભ્યો અને 5 અન્ય ધારાસભ્યો વિપક્ષમાં હતા.

મહા વિકાસ અઘાડી પાસે કેટલી સંખ્યા

ઉદ્ધવ ઠાકરેની આગેવાની હેઠળની સરકારને 169 ધારાસભ્યોનું સમર્થન હતું. જેમાં શિવસેનાના 56, એનસીપીના 53 અને કોંગ્રેસના 44 ધારાસભ્યો સામેલ છે. આ સિવાય સરકારને SPના 2, PGPના 2, BVAના 3 અને 9 અપક્ષ ધારાસભ્યોનું સમર્થન પણ હતું.

આ પણ વાંચો - શિવસેનામાં વિદ્રોહ, 12 વોટ ક્યાં ગયા? ઉદ્ધવ ઠાકરેએ ઇમરજન્સી મિટિંગ બોલાવી

બીજેપી પાસે 113 ધારાસભ્યો

મહારાષ્ટ્રમાં મુખ્ય વિરોધ પક્ષ ભાજપને 113 ધારાસભ્યોનું સમર્થન છે. જેમાં ભાજપના 106, આરએસપીના 1, જેએસએસના 1 અને 5 અપક્ષનો સમાવેશ થાય છે. બીજી તરફ અન્ય પક્ષો પાસે 5 ધારાસભ્યો છે. જેમાં AIMIMના 2, CPI(M)ના 1 અને MNSના 1 ધારાસભ્યનો સમાવેશ થાય છે.

રસપ્રદ વાત એ છે કે 2019ની વિધાનસભા ચૂંટણીમાં ભાજપ અને શિવસેના સાથે મળીને લડ્યા હતા, પરંતુ સત્તા માટે બંને પક્ષોના રસ્તા અલગ થઈ ગયા હતા. શિવસેનાએ ભાજપ સાથે ગઠબંધન તોડીને તેના હરીફ પક્ષો કોંગ્રેસ અને એનસીપી સાથે સરકાર બનાવી હતી. ઉદ્ધવ ઠાકરે મુખ્યમંત્રી બન્યા અને તેમની સરકારે અઢી વર્ષ પૂરા કર્યા છે.

જોકે ઉદ્ધવ ઠાકરેના નેતૃત્વમાં સરકારની રચના થઈ ત્યારથી જ ભાજપના ઘણા મોટા નેતાઓ દાવો કરતા રહ્યા કે મહા વિકાસ આઘાડીની સરકાર ટૂંક સમયમાં પડી જવાની છે. આવી સ્થિતિમાં શું શિવસેના નેતા એકનાથ શિંદેના બળવા બાદ ઉદ્ધવ સરકાર પડી શકે છે? આ માટે મહારાષ્ટ્ર વિધાનસભાના ધારાસભ્યોએ રાજકીય ગણિત સમજવું પડશે. આવી સ્થિતિમાં સત્તાનો ખેલ બનાવવામાં અને બગાડવામાં અપક્ષો અને અન્ય નાના પક્ષોની ભૂમિકા મહત્વની બનવાની છે.

મહારાષ્ટ્રમાં નાના પક્ષો અને અપક્ષોના ધારાસભ્યોની સંખ્યા 29

મહારાષ્ટ્રમાં નાના પક્ષો અને અપક્ષોના ધારાસભ્યોની સંખ્યા 29 છે. તેમાંથી કેટલાક નાના પક્ષો અને અપક્ષ ધારાસભ્યો ભાજપ સાથે છે અને કેટલાક મહા વિકાસ અઘાડી સાથે છે. ભાજપ પાસે 113 ધારાસભ્યોનું સમર્થન છે જ્યારે વિકાસ આઘાડી પાસે 169 ધારાસભ્યો છે. આવી સ્થિતિમાં ભાજપે મહારાષ્ટ્રમાં પોતાની સરકાર બનાવવા માટે 31 ધારાસભ્યોનું સમર્થન મેળવવું પડશે.

આ પણ વાંચો - મહારાષ્ટ્રની રાજનીતિમાં ભૂકંપ લાવનાર એકનાથ શિંદે કોણ છે? શિવસેના અને રાજકારણમાં કેવો છે દબદબો? જાણો

એકનાથ શિંદે સાથે કયા ધારાસભ્ય ગુજરાત ગયા

એકનાથ શિંદેના 26 ધારાસભ્યો હોવાનો દાવો કરવામાં આવી રહ્યો છે, જેમાં ઉદ્ધવ સરકારમાં સામેલ ઘણા મંત્રીઓ પણ છે. શિવસેના તરફથી પ્રકાશ સરવે, મહેશ શિંદે, સંજય શિંદે, સંજય બંગારી, અબ્દુલ સત્તાર (મંત્રી), જ્ઞાનેશ્વર ચૌગુલે, શંભુરાજ દેસાઈ (મંત્રી), ભરત ગોગાવાલે, સંજય રાઠોડ, ડૉ. સંજય રાયમુલકરી છે. અપક્ષ ધારાસભ્ય ચંદ્રકાંત પાટીલ પણ ત્યાં છે. ધારાસભ્યોની સાથે શિવસેનાના સાંસદ ડૉ શ્રીકાંત શિંદે, એકનાથ શિંદેના પુત્ર પણ છે.

કેવી રીતે શિંદેએ ઉદ્ધવ ઠાકરેનું ગણિત બગાડ્યું?

એકનાથ શિંદે સામે બળવો કરનારા 26 ધારાસભ્યો છે, જેઓ ઉદ્ધવ સરકાર સાથે હતા. આવી સ્થિતિમાં, જો ઉદ્ધવ સરકારમાંથી આ 26 ધારાસભ્યોનું સમર્થન હટાવી દે છે, તો 143 ધારાસભ્યો બચે છે. આવી સ્થિતિમાં જો અપક્ષો અને અન્ય નાના પક્ષોના 2 થી 3 ધારાસભ્યો ઠાકરે સરકારનો સાથ છોડી દે તો ઠાકરે સરકાર માટે વિધાનસભામાં બહુમતી સાબિત કરવી મુશ્કેલ બનશે તે લગભગ નિશ્ચિત છે. આ રીતે મહા વિકાસ અઘાડી બહુમતના ઓછા આંકડા પર આવી ગઈ છે.

ભાજપને સત્તાથી દૂર રાખવા મહારાષ્ટ્રમાં ઉદ્ધવ ઠાકરેની આગેવાની હેઠળની મહા વિકાસ આઘાડી સરકારને સફળ ફોર્મ્યુલા માનવામાં આવી હતી. પરંતુ જે રીતે તોડજોડ થયું છે તેનાથી ઉદ્ધવ સરકાર પર સંકટ વધુ ઘેરાઈ ગયું છે. NCPના બે ધારાસભ્યો જેલમાં છે, જેના કારણે તેઓ રાજ્યસભા અને વિધાન પરિષદની ચૂંટણીમાં મતદાન કરી શક્યા નથી. આવી સ્થિતિમાં એકનાથ શિંદેએ ઉદ્ધવ સરકારની ચિંતા વધારી દીધી છે અને ઉદ્ધવ મહા વિકાસ આઘાડી સરકારને કેવી રીતે બચાવે છે? તે જોવાનું રહ્યું.

દલબદલ વિરોધી કાનૂનથી કેવી રીતે બચી શકાય

ઇન્ડિયન એક્સપ્રેસના રિપોર્ટ પ્રમાણે દલબદલ વિરોધી કાનૂન કહે છે કે જો કોઇ પાર્ટીની તાકાતના બે તૃતિયાંશ ભાગ વિલય માટે સહમત થાય તો તેમને અયોગ્યતાની કાર્યવાહીનો સામનો કરવો પડતો નથી. વર્તમાનમાં શિવસેનાના 55 ધારાસભ્ય છે. જો બાગી ધારાસભ્ય ભાજપમાં વિલય થવા માંગે તો 37 ધારાસભ્યોએ એક સાથે આવવું પડે. આમ થાય તો તેમને દલબદલ કાનૂન પ્રમાણે અયોગ્યતાની કાર્યવાહીનો સામનો કરવો ના પડે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Maharshtra, Shivsena, Uddhav thackeray