Home /News /national-international /

ગરીબ વિદ્યાર્થીઓ ભણી શકે તે માટે સરકારી સ્કૂલના શિક્ષકે સ્કૂટર પર જ બનાવી મિની-લાઇબ્રેરી

ગરીબ વિદ્યાર્થીઓ ભણી શકે તે માટે સરકારી સ્કૂલના શિક્ષકે સ્કૂટર પર જ બનાવી મિની-લાઇબ્રેરી

હરતી ફરતી લાઇબ્રેરી.

મધ્ય પ્રદેશના સાગર જિલ્લાની સરકારી સ્કૂલના એક શિક્ષક સી.એચ. શ્રીવાસ્તવે પોતાના સ્કૂટર પર જ આ લાઇબ્રેરી બનાવી છે. આ લાઇબ્રેરીમાં બાળકોના અભ્યાસ માટે જરૂરી તમામ પુસ્તકો છે.

    ભોપાલ: મધ્ય પ્રદેશના એક શિક્ષક (MP teacher)ની આજકાલ ખૂબ જ પ્રશંસા કરવામાં આવી રહી છે. આ શિક્ષકે બાળકોના અભ્યાસ માટે સ્કૂટર પર હરતી ફરતી લાઇબ્રેરી (Mini-library on Scooter) બનાવી છે. કોરોના નામની વૈશ્વિક મહામારી (Corona pandemic)એ અનેક વસ્તુઓ બદલી નાખી છે. કોરોનાથી તમામ લોકો પ્રભાવિત થયા છે. બાળકોના અભ્યાસ પર પણ કોરોનાએ ખૂબ મોટી અસર કરી છે. લગભગ એક વર્ષથી બાળકો ઓનલાઇન જ અભ્યાસ (Online education) કરી રહ્યા છે. જોકે, શહેરમાં બાળકોને મોબાઇલ, લેપટોપ, ટેબ્લેટ અને સારી ઇન્ટરનેટની સ્પીડ મળતી હોય છે, પરંતુ ગ્રામ્ય ક્ષેત્રોમાં સરકારો સ્કૂલમાં અભ્યાસ કરતા બાળકોની હાલત ખૂબ ખરાબ છે. મધ્ય પ્રદેશના સાગર જિલ્લામાં એક શિક્ષકે બાળકોનું શિક્ષણ પ્રભાવિત ન થાય તે માટે હરતી-ફરતી લાઇબ્રેરી બનાવી છે.

    મધ્ય પ્રદેશના સાગર જિલ્લાની સરકારી સ્કૂલના એક શિક્ષક સી.એચ. શ્રીવાસ્તવે પોતાના સ્કૂટર પર જ આ લાઇબ્રેરી બનાવી છે. આ લાઇબ્રેરીમાં બાળકોના અભ્યાસ માટે જરૂરી તમામ પુસ્તકો રહે છે. સાથે અન્ય પુસ્તકો પણ છે. બાળકો આ લાઇબ્રેરીનો ઉપયોગ કરીને અભ્યાસ કરી રહ્યા છે.

    આ પણ વાંચો: ફક્ત ચાર જ મહિનામાં FDથી વધારે વ્યાજ મેળવવું છે? જાણો લો આ માટે ઉત્તમ વિકલ્પ



    શિક્ષકનું કહેવું છે કે આ લાઇબ્રેરીનો ઉપયોગ કરતા મોટાભાગના બાળકો ગરીબ પરિવારોમાંથી આવે છે. પરિવારની નાણાકીય સ્થિતિ સારી ન હોવાને પગલે તેઓ લેપટોપ કે સ્માર્ટફોન ખરીદી શકતા નથી. કોરોનાને પગલે આ બાળકોનાં અભ્યાસ પર ખૂબ માઠી અસર પડી હોવાનું વિચારીને શિક્ષકે હરતી ફરતી લાઇબ્રેરી બનાવી છે.

    આ પણ વાંચો: હોળીની જ્વાળા પરથી વરતારો: અંબાલાલ પટેલે આ વર્ષે 98 ટકા વરસાદ પડવાની આગાહી કરી

    એવું નથી કે આ ચાલતી ફરતી લાઇબ્રેરીમાં ફક્ત બાળકોના અભ્યાસક્રમના જ પુસ્તકો હોય છે. કવિતા, વાર્તા જેવી બાળકોને પસંદ પડે તેવા અન્ય પુસ્તકો પણ તેમાં મળી રહે છે. સરકારી સ્કૂલના શિક્ષકના આવા કાર્યની લોકો ખૂબ પ્રશંસા કરી રહ્યા છે.

    ઉલ્લેખનીય છે કે અરુણાચલ પ્રદેશમાં એક વ્યક્તિએ રોડ સાઇડ લાઇબ્રેરી શરૂ કરવાના સમાચાર પણ મીડિયામાં ચમક્યા હતા. આ લાઇબ્રેરી શરૂ કરવાનો ઉદેશ્ય બાળકોમાં વાંચનની ટેવ કેળવાય તેવો છે.
    Published by:Vinod Zankhaliya
    First published:

    Tags: Coronavirus, Library, Online Education, School, Teacher, શિક્ષણ

    આગામી સમાચાર