ભોપાલઃ 110ની સ્પીડથી ટ્રકથી પાછળ ઘૂસી કાર, 4 દોસ્તોના ઘટનાસ્થળે જ પ્રાણપંખેરું ઉડી ગયા, જાણો કેવી રીતે થઈ દુર્ઘટના

કાર એટલી સ્પીડમાં ટ્રકની પાછળ ઘૂસી હતી કે 4 દોસ્તોની લાશો બહાર કાઢવા માટે જેસીબી અને કટરની મદદ લેવી પડી

કાર એટલી સ્પીડમાં ટ્રકની પાછળ ઘૂસી હતી કે 4 દોસ્તોની લાશો બહાર કાઢવા માટે જેસીબી અને કટરની મદદ લેવી પડી

  • Share this:
    મનોજ રાઠૌડ, ભોપાલ. મધ્ય પ્રદેશ (Madhya Pradesh News)ના પાટનગર ભોપાલ (Bhopal)માં એક ઓવરસ્પીડ કાર ટ્રકની પાછળ ઘૂસી ગઈ. કારની સ્પીડ એટલી વધારે હતી કે ટ્રકના પાછળના હિસ્સામાં જતાં (Car Rams into Truck) તેના બંને પાછલા પૈડા હવામાં ઉચકાઈ ગયા. કાર ટ્રકના પાછળના હિસ્સામાં ખરાબ રીતે ફસાઈ ગઈ. દુર્ઘટના (Bhopal Road Accident)માં 4 લોકોનાં ઘટનાસ્થળે જ મોત થયા છે. પોલીસ (Police)એ કટરથી કારને કાપીને લાશો બહાર કાઢી. દુર્ઘટનામાં એક યુવક ગંભીર રીતે ઘાયલ છે. દુર્ઘટના પર રાજ્યના મુખ્યમંત્રી શિવરાજ સિંહ ચૌહાણ (Shivraj Singh Chouhan)એ શોક વ્યક્ત કર્યો છે.

    ઘટના મિસરોદા પોલીસ સ્ટેશન હદની છે. શનિવાર મોડી રાત્રે અવધપુરી નિવાસી આદિત્ય પાંડે પોતાના સાથી ખજુરી નિવાસી હિતેશ, અવધપુરી નિવાસી હની સહિત 5 દોસ્તોની સાથે કારથી હોશંગાબાદ રોડ પર જઈ રહ્યા હતા. મિસરોદ પોલીસે જણાવ્યું કે, કારની સ્પીડ લગભગ 110 હતી. માર્બલથી ભરેલી ટ્રક ચિનાર કોલોનીની અંદર હોશંગાબાદ રોડથી ટર્ન લઈ રહી હતી.આ દરમિયાન પાછળથી આવી રહેલી કાર તેજ સ્પીડથી પાછળના હિસ્સામાં ઘૂસી ગઈ. પોલીસે જણાવ્યું કે જ્યારે કાર ટ્રકમાં ઘૂસી તો ટ્રકનું પાછળના પૂડા હવામાં ઉચકાઈ ગયા. મળતી માહિતી મુજબ, દુર્ઘટના સમયે કારની સ્પીડ 110 કિલોમીટર પ્રતિ કલાક હતી.

    આ પણ જુઓ, VIDEO: પ્રેમીથી નારાજ યુવતીએ મેટ્રો સ્ટેશન પર આત્મહત્યાનો કર્યો પ્રયાસ, પોલીસે બચાવ્યો જીવ

    મુખ્યમંત્રી શિવરાજ સિંહે દુઃખ વ્યક્ત કર્યું

    દુર્ઘટનાને લઈ મુખ્યમંત્રી શિવરાજ સિંહ ચૌહાણે ટ્વીટ કર્યું, ભોપાલ-હોશંગાબાદ રોડ પર કાર અને ટ્રક ટક્કરથી થયેલી દુર્ઘટનામાં અનેક બહુમૂલ્ય જિંદગીઓન અસમય નિધનના સમાચારથી દુઃખ થયું. ઈશ્વરથી દિવંગત આત્માઓને પોતાના શ્રીચરણોમાં સ્થાન અને પરિજનોને આ ઊંડી પીડા સહન કરવાની શક્તિ આપવા પ્રાર્થના કરું છું. ॐ શાંતિ!

    આ પણ વાંચો, પ્રેમિકાને મળવા પ્રેમી તેના ઘરે પહોંચ્યો તો લાઠી-સળીયા મારી કરી હત્યા, પ્રાઇવેટ પાર્ટ પણ કાપ્યું




    4 દોસ્તોના ઘટનાસ્થળે જ મોત, 1 ઘાયલ

    મિસરોદા પોલીસ સ્ટેશનના અધિકારીએ જણાવ્યું કે, જેસીબી અને કટરની મદદથી કારમાં ફસાયેલી લાશોને ખૂબ જ મુશ્કેલી બાદ બહાર કાઢવામાં આવી. તેમાં એક યુવક હની ઘાયલ છે. તેની સારવાર હૉસ્પિટલમાં ચાલી રહી છે. જ્યારે ચાર યુવકોનાં ઘટનાસ્થળે જ મોત થયા છે. પોલીસે આ મામલામાં ટ્રક ડ્રાઇવરની વિરુદ્ધ FIR નોંધી છે.
    Published by:Mrunal Bhojak
    First published: