ભાજપનો દાવો : લઘુમતીમાં છે કમલનાથ સરકાર, વિધાનસભા સત્ર બોલાવશે રાજ્યપાલ

News18 Gujarati
Updated: May 20, 2019, 1:50 PM IST
ભાજપનો દાવો : લઘુમતીમાં છે કમલનાથ સરકાર, વિધાનસભા સત્ર બોલાવશે રાજ્યપાલ
મધ્ય પ્રદેશના મુખ્યમંત્રી કમલનાથ (ફાઇલ તસવીર)

વિરોધપક્ષના નેતા ગોપાલ ભાર્ગવે રાજ્યપાલને પત્ર પાઠવીને સત્ર બોલાવવાની માંગ કરી રહ્યા છે

  • Share this:
ન્યૂઝ18 ગુજરાતી : લોકસભા ચૂંટણી 2019 પૂર્ણ થઇ ચુકી છે અને હવે 23 મૅ ના રોજ તેના પરિણામોની રાહ જોવાઈ રહી છે. આ પૂર્વે જે 'એક્ઝિટ પૉલ' ના અનુમાનો આવ્યા છે તે ફરી એકવખત નરેન્દ્ર મોદી વડાપ્રધાન બનશે તેવી ભવિષ્યવાણી કરી રહ્યા છે.

આ પરિસ્થિતિ વચ્ચે મધ્યપ્રદેશની કમલનાથ સરકાર લઘુમતીમાં હોવાનો આરોપ ભારતીય જનતા પાર્ટીએ લગાવવાનું શરુ કરી દીધું છે. મઘ્યપ્રદેશ વિરોધ પક્ષના નેતા ગોપાલ ભાર્ગવે રાજ્યપાલને પત્ર લખીને વિધાનસભાનું સત્ર બોલાવવાની માંગ કરી હોવાનું પણ ધ્યાને આવ્યું છે.

ગોપાલ ભાર્ગવે કહ્યું કે, જે પ્રકારથી કેન્દ્ર અને રાજ્યમાં ભાજપને અનેકગણું જન સમર્થન મળી રહ્યું છે. અનેક કોંગ્રેસી ધારાસભય કમલનાથ સરકારથી પરેશાન થઈ ચૂક્યા છે અને ભાજપની સાથે આવવા માંગે છે. તેઓએ કહ્યું કે ભાજપ હોર્સ ટ્રેડીંગ નહીં કરે, પરંતુ કોંગ્રેસના જ ધારાસભ્ય હવે તેમની સરકારની સાથે નથી. વિરોધ પક્ષના નેતાએ કહ્યું કે સરકારને આ સત્રમાં પોતાનું બહુમત પુરવાર કરવું પડશે. કારણ કે જનતા તેમને હવે સમગ્રપણે નકારી રહી છે. આ સરકાર પોતાના જ ભારથી પડી જશે.

'22 દિવસ મુખ્યમંત્રી નહીં રહે કમલનાથ'

આ પહેલા ઈન્દોરમાં ભાજપના રાષ્ટ્રીય મહાસચિવ કૈશાલ વિજયવર્ગીયે સીએમ કમલનાથ પર લોકસભા ચૂંટણીમાં 22 સીટ જીતવાના દાવા પર કટાક્ષ કર્યો હતો. તેઓએ કહ્યું કે, 23 મેના રોજ પરિણામો બાદ જોવાનું રહેશે કે કમલનાથ 22 દિવસ મુખ્યમંત્રી રહેશે કે નહીં, તેની ઉપર જ પ્રશ્નચિન્હ છે.

બીજી તરફ, ખેડૂતોની લોન માફી પર રાહુલ ગાંધી પર નિશાન સાધતા કહ્યું કે કૈલાશ વિજયવર્ગીય રાજ્યમાં સરકાર આવતાં પહેલા 10 દિવસમાં લોન માફીનો વાયદો કર્યો હતો અને લોન માફી ન થવાથી સીએમ બદલવાની વાત કહી હતી. બીજી તરફ, સાધ્વીના ગોડસેવાળા નિવેદન પર વિજયવર્ગીયે કહ્યું કે, સાધ્વીએ માફી માંગી લીધી, હવે મામલો ખતમ થવો જોઈએ.
First published: May 20, 2019
વધુ વાંચો
अगली ख़बर
corona virus btn
corona virus btn
Loading