LUCKNOW BUILDING COLLAPSE: અને અચાનક કડડભૂસ થઈ ગઈ આખી બિલ્ડીંગ, લખનૌની કરૂણ દુર્ઘટનામાં 20 દબાયા, 3નાં મોત

લખનૌ : ઉત્તર પ્રદેશની રાજધાની લખનૌથી મોટા અને શોકજનક સમાચાર આવી રહ્યા છે. અહીં વજીર હસનગંજ રોડ પર એક બહુમાળી ઈમારત ધરાશાયી થઈ ગઈ હતી. શરૂઆતમાં પ્રાપ્ત માહિતી અનુસાર, આ બિલ્ડિંગમાં 7 પરિવાર રહેતા હતા. આ દુર્ઘટના બાદ કાટમાળમાંથી 3 મૃતદેહ કાઢવામાં આવ્યા છે, જ્યારે ઓછામાં ઓછા 20 લોકો હજુ પણ દટાયા હોવાની આશંકા છે.

इमारत अचानक गिर गई, राहत और बचाव कार्य किया जा रहा है। SDRF, NDRF की टीम मौके पर मौजूद है। 3 शव बरामद हुए हैं। लोगों को बचाने की पूरी कोशिश की जा रही है: वजीर हसनगंज रोड पर बिल्डिंग गिरने पर उत्तर प्रदेश के उपमुख्यमंत्री बृजेश पाठक, लखनऊ pic.twitter.com/eOvzLY7f9b

— ANI_HindiNews (@AHindinews) January 24, 2023

મુખ્યમંત્રી યોગી આદિત્યનાથે લીધા એક્શન

આ અકસ્માતની તાત્કાલિક નોંધ લેતા મુખ્યમંત્રી યોગી આદિત્યનાથે SDRF અને NDRFની ટીમોને ઘટનાસ્થળે મોકલવાના નિર્દેશ આપ્યા છે. હાલ ઘટનાસ્થળે બચાવ કામગીરી ચાલી રહી છે. આ સાથે જ રાજ્યના નાયબ મુખ્યમંત્રી બ્રિજેશ પાઠક પણ પરિસ્થિતિનો તાગ મેળવવા માટે ઘટનાસ્થળે પહોંચી ગયા છે. અહીં તેમણે મીડિયા સાથેની વાતચીતમાં કહ્યું હતું કે, 'બિલ્ડીંગ અચાનક ધરાશાયી થઈ ગઈ હતી. દુઃખદ સમાચાર છે કે 3 મૃતદેહો મળી આવ્યા છે અને કેટલાક ઘાયલોને હોસ્પિટલમાં મોકલવામાં આવ્યા છે. NDRF, ફાયર બ્રિગેડના જવાનો ઘટનાસ્થળે હાજર છે અને બચાવ કામગીરી ચાલી રહી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Lucknow