LPG Cylinder Price: ગેસ સિલિન્ડર ક્યારે સસ્તો થશે? પેટ્રોલિયમ મંત્રીએ સંસદમાં આપ્યો જવાબ

નવી દિલ્હી: એલપીજી ગેસ સિલિન્ડર (LPG gas Cylinder Price)ના વધતા ભાવ ઘણી વખત લોકોના ઘરનું બજેટ બગાડી નાંખે છે. લોકો લાંબા સમયથી ગેસ સિલિન્ડરના ભાવ ઘટાડવાની માંગ કરી રહ્યા છે. આવી સ્થિતિમાં જો સિલિન્ડરની કિંમતમાં ઘટાડો થાય છે તો લોકો માટે મોટી રાહત થઈ શકે છે. આ દરમિયાન એલપીજી સિલિન્ડર વિશે મોટી માહિતી સામે આવી રહી છે. ખરેખરમાં કેન્દ્રીય પેટ્રોલિયમ અને પ્રાકૃતિક ગેસ મંત્રી હરદીપ સિંહ પુરીએ ગુરુવારે કહ્યું કે, જો આંતરરાષ્ટ્રીય બજારમાં ઇંધણની કિંમત ઓછી થાય છે તો એલપીજી સિલિન્ડરની કિંમતોમાં ઘટાડો થઈ શકે છે.

તેમણે ધ્યાન દોર્યું હતું કે જો ઈંધણની આંતરરાષ્ટ્રીય કિંમત પ્રતિ મેટ્રિક ટન $750ની વર્તમાન કિંમતથી નીચે આવે તો સ્થાનિક એલપીજી સિલિન્ડર "વધુ પોસાય તેવા દરે" વેચી શકાય છે. ગુરુવારે લોકસભામાં પ્રશ્નકાળ દરમિયાન ઘરેલું ગેસ સિલિન્ડરની કિંમતો સાથે અનેક મુદ્દાઓ ઉભા થયા હતા. ગેસ સિલિન્ડરની કિંમતો અંગે તેમણે કહ્યું કે આંતરરાષ્ટ્રીય કિંમત "વિવિધ પરિબળો" દ્વારા નક્કી કરવામાં આવે છે.

આ પણ વાંચો: લોકો પૂછે છે હું આટલી ગોરી કેવી રીતે થઇ ગઇ? કાજોલે રંગના રાજ પરથી પરદો ઉઠાવ્યો

દિલ્હીમાં રૂ. 1053 ગેસની કિંમત

લોકસભામાં ઘરેલું એલપીજીના ભાવ અંગે ડીએમકેના સાંસદ કલાનિધિ વીરસ્વામીના પ્રશ્નના જવાબમાં પુરીએ જણાવ્યું હતું કે સરકાર ગ્રાહકોની જરૂરિયાતો પ્રત્યે સંવેદનશીલ છે, ખાસ કરીને સૌથી સંવેદનશીલ વર્ગના લોકો માટે. પુરીએ કહ્યું કે દિલ્હીમાં ઘરેલુ એલપીજી સિલિન્ડર (14.2 કિગ્રા)ની છૂટક વેચાણ કિંમત (આરએસપી) રૂ. 1053 છે.

સરકારે ભાવ વધાર્યા નથી

સાઉદી અરેબિયામાં ગેસના ભાવમાં 330 ટકાથી વધુનો વધારો નોંધવામાં આવ્યો છે પરંતુ સરકારે તેની સરખામણીમાં રાંધણ ગેસના ભાવમાં ખૂબ જ ઓછો વધારો કર્યો છે. આવી સ્થિતિમાં જો સાઉદી અરેબિયામાં ગેસના ભાવમાં ઘટાડો થશે તો તેની અસર દેશમાં ઉપલબ્ધ એલપીજી સિલિન્ડર પર પણ જોવા મળશે.

આ લોકોને સબસિડી મળી શકે છે

મળતી માહિતી મુજબ તમને જણાવી દઈએ કે પહેલાના સમયમાં દરેક વ્યક્તિને ગેસ સિલિન્ડર પર સબસિડી આપવામાં આવતી હતી, પરંતુ હવે ગેસ સિલિન્ડર પરની સબસિડી સંપૂર્ણપણે બંધ કરી દેવામાં આવી છે. ગેસ સિલિન્ડર પર સબસિડી શરૂ થશે તો કોને મળશે? તમને જણાવી દઈએ કે જો આવું થશે તો સરકાર સૌથી પહેલા ગરીબ લોકોને ગેસ સિલિન્ડર પર સબસિડી આપવાનું શરૂ કરશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Gas Cylinder Price, Gas Cylinder Price Hike, LPG Cylinder Price