મોડી રાતે દુરન્તો એક્સપ્રેસ પર ત્રાટકી લૂંટારું ગેંગ, ચાકુની અણીએ લૂંટ

ચાકુની અણીએ પેસેન્જર્સના મોબાઇલ ફોન, રોક્ડ અને કિંમતી વસ્તુઓ લૂંટી લીધી હતી

ચાકુની અણીએ પેસેન્જર્સના મોબાઇલ ફોન, રોક્ડ અને કિંમતી વસ્તુઓ લૂંટી લીધી હતી

  • Share this:
    ન્યૂઝ18 ગુજરાતી: બુધવારે મોડીરાતે લૂંટારું ટોળકીએ જમ્મુ-દિલ્હી દુરન્તો એક્સપ્રેસને નિશાન બનાવી હતી. હથિયારધારી આ ગેંગ ટ્રેનના બે એસી કોચમાં પ્રવેશી હતી અને ચાકુની અણીએ પેસેન્જર્સના મોબાઇલ ફોન, રોક્ડ અને કિંમતી વસ્તુઓ લૂંટી લીધી હતી.

    જમ્મુ-દિલ્હી દુરન્તો એક્સપ્રેસ રાતના લગભગ સાડા ત્રણ કલાકે દિલ્હીના બદલી પાસે પહોંચી હતી. આ સમયે મોટાભાગના પેસેન્જર્સ સૂઇ રહ્યાં હતાં, ત્યારે અચાનક જ એક હથિયારધારી ગેંગ ટ્રેનના બે એસી કોચમાં પ્રવેશી હતી. આ ગેંગમાં લગભગ 7થી 10 લોકો હતા. તેમણે બન્ને ડબ્બા બાનમાં લઇ ચાકુની અણીએ લૂંટ શરૂ કરી હતી.

    આ પણ વાંચો: VIDEO: માયાવતીના જન્મદિવસે કેકની થઈ લૂંટ, મુઠ્ઠી ભરી-ભરીને લોકો ભાગ્યા

    ટ્રેનમાં મુસાફરી કરી રહેલાં એક પેસેન્જરે રેલવેની વેબસાઇટ પર ઓનલાઇન ફરિયાદ કરી હતી. પેસેન્જરે ફરિયાદ કરતાં લખ્યું કે, અચાનક જ ટ્રેનના એસી કોચ B3 અને B7માં 7થી 10 લૂંટારુંઓની ગેંગ પ્રવેશી હતી. તેમના હાથમાં ધારદાર ચાકુ હતા. લૂંટારુંઓ પેસેન્જર્સમાં ગળે ચાકુ મૂકી કિંમતી વસ્તુઓની લૂંટ ચલાવી હતી. તેમણે ટ્રેનના ડબ્બામાં 10થી 15 મિનિટ સુધી લૂંટ કરી હતી.

    જ્યારે નોર્થ રેલવેએ જણાવ્યું હતું કે, રેલવે પોલીસ દ્વારા આ કેસની તપાસ કરાઇ રહી છે. આ લૂંટારું ટોળકી સામે પગલા લેવાશે.
    Published by:Azhar Patangwala
    First published: