Loksabha 2024: વણકરો અને પસમંદા મુસ્લિમોને જોડવા ભાજપ મેદાને, કોંગ્રેસને વોટબેંક ગુમાવવાનો ડર!

નવી દિલ્હી: વડા પ્રધાન નરેન્દ્ર મોદી (PM Narendra Modi) એ તાજેતરમાં પાર્ટીની બેઠકમાં નેતાઓને પસમંદા મુસ્લિમોને પાર્ટી સાથે જોડવા કહ્યું છે. મુસ્લિમોની કુલ વસ્તીના લગભગ 80 ટકા જેટલા પસમંદા મુસ્લિમો માનવામાં આવે છે. આ વાત બહાર આવતાં જ કોંગ્રેસના કાન ઉભા થઈ ગયા છે. પાર્ટીને લાગે છે કે, વણકર અને પસમંદા તેના પરંપરાગત મતદારો છે અને ભારતીય જનતા પાર્ટી હવે તેની વોટબેંક પર નજર રાખી રહી છે.

કોંગ્રેસે તેના નેતાઓ અને ખાસ કરીને લઘુમતી વિભાગને આ વર્ગોની વચ્ચે જઈને કોંગ્રેસ સાથે જોડાયેલા રહેવાની વ્યવસ્થા કરવા કહ્યું છે. જે બાદ લઘુમતી વિભાગ સક્રિય બન્યું છે. વિભાગે સૌપ્રથમ દેશભરમાં વણકરોની પરિષદ યોજવાની અને પછી વણકરોને આપવામાં આવેલા આર્થિક પેકેજ સહિતની મનમોહન સરકાર દ્વારા ચલાવવામાં આવતી યોજનાઓની યાદ અપાવવાની વ્યૂહરચના તૈયાર કરી છે.

આ પણ વાંચો: BJPનો નવો લક્ષ્યાંક, લોકસભા ચૂંટણીમાં 26માંથી 26 બેઠકો, વિપક્ષની ડિપોઝિટ ડૂલ કરવા તૈયારી

આ અંગે કોંગ્રેસના નેતા પવન ખેડાએ આરોપ લગાવ્યો છે કે, તેઓ ચૂંટણી પહેલા માસ્ક પહેરે છે, ચૂંટણી પૂરી થયા બાદ તેને હટાવે છે, આ તેમનું કામ છે.

કોણ છે પસમંદા મુસ્લિમ?

પસમંદા એ મુસ્લિમ સમુદાયનો તે ભાગ છે, જે વિકાસની દોડમાં અન્ય જાતિઓથી પાછળ રહી ગયો છે અને તેઓ મોટાભાગે પછાત વર્ગના છે. કોંગ્રેસ પીએમના પસમંદા રાગને પછાત વર્ગના રાજકારણ સાથે જોડીને જોઈ રહી છે. કોંગ્રેસને ડર છે કે, જેમ હિંદુઓમાં પછાત વર્ગ ભાજપની મજબૂત વોટબેંક બની ગયો છે, તેવી જ રીતે હવે તેની નજર પસમંદા પર છે. કોંગ્રેસ હવે પોતાની વોટબેંક બચાવવા માટે મેદાનમાં ઉતરી રહી છે.

આ પણ વાંચો: મુસ્લિમ છોકરો અને હિંદુ છોકરીનો પ્રેમ બન્યો જીવલેણ, યુવતીના પરિવારે મોહમ્મદ તનવીરને મારીને લાશ નદીમાં ફેંકી

જણાવી દઈએ કે, કેન્દ્ર અને ઘણા રાજ્યોમાં સત્તારૂઢ ભારતીય જનતા પાર્ટી મુસ્લિમોના સૌથી મોટા વર્ગ પસમંદાને રિઝવવા માટે પ્રયાસ કરી રહી છે. આ સંબંધમાં, ભાજપ અને રાષ્ટ્રીય સ્વયંસેવક સંઘના નેતાઓ તાજેતરમાં મુસ્લિમ નેતાઓ અને મૌલવીઓને મળ્યા હતા, ત્યારબાદ લખનૌમાં પસમંદા બૌદ્ધિક સંમેલનનું આયોજન કરવામાં આવ્યું હતું. જો તમને યાદ હોય તો થોડા સમય પહેલા વડાપ્રધાન નરેન્દ્ર મોદીએ પણ કહ્યું હતું કે નવા સામાજિક સમીકરણો શોધવામાં ઠીક છે પરંતુ પસમંદા મુસ્લિમો પર પણ ધ્યાન આપવાની જરૂર છે.

તાજેતરમાં, એવા સતત અહેવાલો આવ્યા છે કે ભાજપ પસમંદા મુસ્લિમો પર કેવી રીતે નજર રાખે છે, જેઓ બેશક મુસ્લિમ છે પરંતુ લઘુમતીઓમાં તેમની સ્થિતિ આર્થિક, સામાજિક અને રાજકીય રીતે એ રીતે નથી જેટલી તેમની સંખ્યા છે. જો કે, એ પણ સાચું છે કે અત્યાર સુધી ભાજપ મુસ્લિમો માટે બહુ હિતેચ્છુક નથી જોવા મળ્યું. પછી તેની સાથે જોડાયેલા નેતાઓના ઉગ્ર નિવેદનોના કારણે તેમનાથી દૂર લઈ જાય છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: BJP News, Lok Sabha 2024, Muslims, PM Modi પીએમ મોદી