મહાગઠબંધનની સીટોની જાહેરાત- પાટલીપુત્રથી મીસા ભારતી લડશે

બિહારમાં મહાગઠબંધનની બેઠકોની વહેંચણીને લઈ તેજસ્વી યાદવે પ્રેસ કોન્ફરન્સને સંબોધિત કરતાં કહ્યું કે, ઘણા દિવસોથી સૌ રાહ જોઈ રહ્યા હતા કે મહાગઠબંધનના ઉમેદવાર કોણ હશે. મહાગઠબંધન અતૂટ છે. આ મહાગઠબંધન જનતાના દિલોનું ગઠબંધન છે. બે ચરણના ઉમેદવારોની જાહેરાત અમે પહેલા જ કરી દીધી છે. ગઠબંધનમાં તિરાડ પડી હોવાના સમાચાર ફેલાવવામાં આવી રહ્યા છે.‌

તેજસ્વી યાદવે પોતાની પાર્ટીના ઉમેદવારો વિશે માહિતી આપી. આરજેડીએ બેગૂસરાયથી તનવીર હસન, મધુપુરાથી શરદ યાદવ, દરભંગાથી અબ્દુલ બારી સિદ્દીકી, વૈશાલીથી રઘુવંશ પ્રસાદ સિંહ, ગોપાલગંજથી સુરેન્દ્ર રામ, સીવાનથી બીના સાહિબ, મહારાજગંજથી રણધીર સિંહજી, સારણથી ચંદ્રિકા રાય, હાજીપુરથી શિવચંદ્ર રાય, પાટલિપુત્રથી મીસા ભારતી, જહાનાબાદથી સુરેન્દ્ર યાદવ, અરસિયાથી સરફરાજ આલમ, સીતામઢીથી અર્જુન રાયને ઉમેદવાર તરીકે મેદાનમાં ઉતાર્યા છે. શિવહરની સીટ પર આરજેડી બાદમાં ઉમેદાવાર જાહેર કરશે.

Tejashwi Yadav, RJD on Bihar mahagathbandhan seat-sharing: Sharad Yadav to contest from Madhepura, Sarfraz Alam from Araria and Misa Bharti from Pataliputra. https://t.co/yZmZYV9GQq

— ANI (@ANI) March 29, 2019

આ પણ વાંચો, કોંગ્રેસે ઉર્મિલા માતોંડકરને આપી ટિકિટ, બીજેપીના ગઢ મુંબઈ ઉત્તરથી લડશે ચૂંટણી

મહાગઠબંધનનની બેઠક પહેલા જ કોંગ્રેસે પોતાના ઉમેદવારોની યાદી જાહેર કરી દીધી છે. બિહારના સુપૌલથી રંજીત રંજન, સમસ્તીપુરથી અશોક કુમાર, મંગેરથી નીલમ દેવી, સાસારામથી મીરા કુમારને ટિકિટ આપવામાં આવી છે. કોંગ્રેસે ઉત્તર પ્રદેશના મહારાજગંજથી તનુશ્રી ત્રિપાઠીનું નામ હટાવી હવે સુપ્રિયો શ્રીનાતેને ટિકિટ આપી છે.

કઈ પાર્ટીના ઉમેદવાર કઈ બેઠક પરથી લડશે ચૂંટણી

- રાષ્ટ્રીય જનતા દળ (આરજેડી): ભાગલપુર, બાકા, મધેપુરા, દરભંગા, વૈશાલી, ગોપાલ ગંજ, સીવાન, મહારાજગંજ, સારણ, હાજીપુર, બેગૂસરાય, પાટલિપુત્ર, બક્સર, જહાનાબાદ, નવાદા, ઝંઝારપુર, અરરિયા, સીતામઢી અને શિવહર

- કોંગ્રેસ: કિશનગંજ, કટિહાર, પૂર્ણિયા, સમસ્તીપુર, મુંગેર, પટના સાહિબ, સાસારામ, વાલ્મીકિનગર અને સુપોર

- HAM: નાલંદા, ઔરંગાબાદ અને ગયા

- VIP પાર્ટી: મધુબની, મુજફ્ફરપુર અને ખગડિયા

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Grand Alliance, Lok sabha election 2019, આરજેડી`, કોંગ્રેસ, બિહાર, રાહુલ ગાંધી