મોદી મંત્રીમંડળ 2.0માં 37 મંત્રી આઉટ, સુષમા સહિત બહાર થયેલા મંત્રીઓની યાદી

News18 Gujarati
Updated: May 31, 2019, 11:35 AM IST
મોદી મંત્રીમંડળ 2.0માં 37 મંત્રી આઉટ, સુષમા સહિત બહાર થયેલા મંત્રીઓની યાદી
ફાઇલ તસવીર

પૂર્વ નાણા મંત્રી અરુણ જેટલીએ પહેલા જ ખરાબ સ્વાસ્થ્યનો હવાલો આપીને મંત્રીમંડળમાં સામેલ ન કરવાની વિનંતી કરી હતી.

  • Share this:
ન્યૂઝ18 ગુજરાતી : વડાપ્રધાન નરેન્દ્ર મોદીએ ગુરુવારે પોતાના બીજા કાર્યકાળ માટે શપથ લીધા હતા. તેમની સાથે નવા મંત્રીઓએ પણ શપથ લીધા હતા. જોકે, ગત ટર્મની સરખામણીમાં મંત્રીમંડળમાંથી 37 મંત્રીઓને બહાર કરી દેવામાં આવ્યા છે. ઉલ્લેખનીય છે કે પૂર્વ નાણા મંત્રી અરુણ જેટલીએ ખરાબ સ્વાસ્થ્યનો હવાલો આપીને મંત્રીમંડળમાં સામેલ ન કરવાની વિનંતી કરી હતી.

આ વખતે જેમને મંત્રી બનાવવામાં આવ્યા નથી તેમાં મેનકા ગાંધી, પૂર્વ વિદેશ મંત્રી સુષમા સ્વરાજ, રાજ્યવર્ધનસિંહ રાઠોડ જેવા મોટા નામ સામેલ છે. એટલે સુધી કે વડાપ્રધાનના વડપણ હેઠળની કમિટીમાં સામેલ કેન્દ્રીય મંત્રીઓને પણ નવા મંત્રીમંડળમાં સ્થાન આપવામાં આવ્યું નથી. (આ પણ વાંચો :  પાર્ટીથી લઈને મોદી સરકાર 2.0 સુધી, અમિત શાહ આવી રીતે બન્યા નંબર-2)

મોદી સરકારના નવા મંત્રીમંડળ 2.0માં સ્થાન મેળવનાર 57 મંત્રીઓની સરેરાશ ઉંમર 60 વર્ષથી ઓછી છે. નવા મંત્રીમંડળમાં કુલ 24 નવા ચહેરાનો સ્થાન આપવામાં આવ્યું છે. જેમાં ભારતીય જનતા પાર્ટીના અધ્યક્ષ અમિત શાહ અને પૂર્વ વિદેશ સચિવ એસ જયશંકરનો સમાવેશ થાય છે. જેપી નડ્ડા, સુરેશ પ્રભુ, મેનકા ગાંધી, રાજ્યવર્ધનસિંહ રાઠોડ, ઉમા ભારતી સહિત ચર્ચિત ચહેરાઓને સ્થાન નથી મળ્યું.

આ પણ વાંચો :  આ રહ્યું મોદી સરકારના નવા કેબિનેટ અને રાજ્યકક્ષાના મંત્રીઓનું સંપૂર્ણ લિસ્ટ!

મોદીના મંત્રીમંડળમાંથી બહાર થયેલા લોકો
  • અરુણ જેટલી, નાણા મંત્રી

  • સુષમા સ્વરાજ, વિદેશ મંત્રી

  • સુરેશ પ્રભુ, નાગરિક ઉડ્ડયન અને વાણિજ્ય મંત્રી

  • ઉમા ભારતી, પાણી અને સ્વચ્છતા મંત્રી

  • મેનકા ગાંધી, મહિલા અને બાળ વિકાસ મંત્રી

  • જેપી નડ્ડા, સ્વાસ્થ્ય અને પરિવાર કલ્યાણ મંત્રી

  • રાજ્યવર્ધનસિંહ રાઠોડ, રાજ્ય મંત્રી (સ્વતંત્ર હવાલો), સૂચના અને પ્રસારણ અને ખેલ અને યુવા બાબત

  • અનંત ગીતે, ભારે ઉદ્યોગ અને જાહેર સાહસ

  • બીરેન્દ્રસિંહ ચૌધરી, સ્ટીલ મંત્રી

  • જોલ ઓરમ, આદિવાસી બાબત

  • રાધા મોહનસિંહ, કૃષિ, ખેડૂત-કલ્યાણ મંત્રી

  • મનોજ સિંહા, રાજ્ય મંત્રી (સ્વતંત્ર હવાલો) સંચાર

  • અલ્ફોન્સ કન્નનથનમ, રાજ્ય મંત્રી (સ્વતંત્ર હવાલો) પર્યટન

  • મહેશ શર્મા, સંસ્કૃતિ તેમજ પર્યાવરણ, વન અને જળવાયું પરિવર્તન (રાજ્યમંત્રી)

  • જયંત સિંહા, સિવિલ એવિએશન, રાજ્યમંત્રી

  • વિજય ગોયલ, સંસદીય બાબત, રાજ્યમંત્રી

  • રામ કૃપાલ યાદવ, ગ્રામ્ય વિકાસ, રાજ્યમંત્રી

  • હંસરાજ ગંગારામ આહિર, ગૃહ મંત્રાલય, રાજ્ય મંત્રી

  • પી રાધાકૃષ્ણન શિપિંગ તેમજ નાણામંત્રાલય, રાજ્યમંત્રી

  • એસએસ અહલૂવાલિયા, ઇલેક્ટ્રોનિક્સ એન્ડ આઈટી, રાજ્યમંત્રી

  • અનંત કુમાર હેગડે, કૌશલ વિકાસ અને એન્ટરપ્રેન્યોરશિપ, રાજ્યમંત્રી

  • પીપી ચૌધરી, કાયદો અને ન્યાય, કોર્પોરેટ અફેર્સ મંત્રાલય, રાજ્યમંત્રી

  • કૃષ્ણા રાજ, કૃષિ અને કિસાન કલ્યાણ, રાજ્યમંત્રી

  • સત્યપાલસિંહ, જળ સંસાધન, નદી વિકાસ અને ગંગા કાયાકલ્પ, રાજ્યમંત્રી

  • અનુપ્રિયા પટેલ, સ્વાસ્થ્ય અને પરિવાર કલ્યાણ, રાજ્યમંત્રી

  • રાજેન ગોહેન, રેલવે, રાજ્યમંત્રી


આ પણ વાંચો : મોદી કેબિનેટ 2.0માં સામેલ થઈને સ્મૃતિ ઈરાનીએ રચ્યો આ રેકોર્ડ

ઇન્ડિયન એક્સપ્રેસના જણાવ્યા પ્રમાણે ગત મંત્રીમંડળના કુલ 34 રાજ્ય કક્ષાના મંત્રીઓમાંથી 22ને નવા મંત્રીમંડળમાં સ્થાન નથી આપવામાં આવ્યું. એટલે કે દર ત્રણમાંથી બે રાજ્યમંત્રીને બદલવામાં આવ્યા છે.
First published: May 31, 2019, 11:30 AM IST
વધુ વાંચો
अगली ख़बर

टॉप स्टोरीज

corona virus btn
corona virus btn
Loading