ચીનના રસ્તાઓ પર બંધ બેગમાં જીવતા કૂતરા અને બિલાડીઓ, જાણો શું છે ખતરનાક પ્લાન

ચીનના રસ્તાઓ પર બંધ બેગમાં જીવતા કૂતરા અને બિલાડીઓ જોવા મળી રહ્યા છે. આ નજારો ઘણી જગ્યાએ જોઈ શકાય છે. એક કોથળીમાં એક કરતાં વધુ કૂતરા કે બિલાડી પણ જોઈ શકાય છે. આ ઘટનાનો વીડિયો સોશિયલ મીડિયા પર વાયરલ થઈ રહ્યો છે. આ વિશે કહેવામાં આવી રહ્યું છે કે આ તે પાલતુ પ્રાણી છે જેના માલિકોને કોરોના થયો છે અને હવે વહીવટીતંત્ર આ પ્રાણીઓને મારી રહ્યું છે. જો કે સરકાર દ્વારા આ અંગે કોઈ માહિતી આપવામાં આવી નથી. ચીને કોરોનાને લઈને કડકાઈથી ઝીરો ટોલરન્સની નીતિ અપનાવી છે અને લોકોને કડક લોકડાઉનનું પાલન કરવા માટે મજબૂર કરી રહ્યું છે.

બ્રિટિશ ન્યૂઝ પેપર મિરર યુકેએ અહેવાલ આપ્યો છે કે ચીનના રસ્તાઓ પર શૂટ કરાયેલા આ વીડિયોમાં જોવા મળે છે કે કચરાની કોથળીઓ જીવંત બિલાડીઓ અને કૂતરાથી ભરેલી છે. આ વીડિયો સૌથી પહેલા ટ્વિટર પર કોમેન્ટ સાથે અપલોડ કરવામાં આવ્યો હતો. આ કોમેન્ટમાં લખ્યું હતું કે, '26 મિલિયન લોકો શાંઘાઈમાં લોકડાઉનમાં છે'. આ પછી, ટ્વિટર પર કહેવામાં આવ્યું હતું કે લોકો તેમની બાલ્કનીમાંથી આત્મહત્યા કરી રહ્યા છે અને કોરોના પોઝિટિવ લોકોના પાલતુ પ્રાણીઓને મારવા માટે જમા કરવામાં આવી રહ્યા છે.

26 million people in lockdown in Shanghai.

People are committing suicide from their balconies and Pets from people getting tested positive for #Covid are being collected to be killed and slaughtered in #Shanghai / #China

This is pure evil!

pic.twitter.com/9spkdvi4WS

— Enes FREEDOM (@EnesFreedom) April 16, 2022

આ પણ વાંચો - Sri Lanka માં દેખાવકારો અને પોલીસ વચ્ચે હિંસક અથડામણ, એકનું મોત

ગયા અઠવાડિયેના અન્ય એક વીડિયોમાં એક હેલ્થ વર્કર પાલતુ કૂતરાને મારતો જોવા મળે છે. ટેસ્ટમાં આ કૂતરાનો માલિક કોરોના પોઝિટિવ હોવાનું જાણવા મળ્યું હતું. કોરોનાના ઓમિક્રોન સ્વરૂપને કારણે શાંઘાઈમાં લગભગ 26 દિવસથી સંક્રમણની લહેર છે. શાંઘાઈમાં લોકડાઉનને કારણે લોકો ખોરાક, પાણી અને દવાઓ માટે તરસી રહ્યા છે. માર્ચથી ચીનમાં ઓમિક્રોનના નવા કેસ ઝડપથી વધી રહ્યા છે. જેના કારણે 45 શહેરોમાં લોકડાઉન લાગુ કરવામાં આવ્યું છે. તેનો ભંગ કરનારને દંડ અને જેલની સજાની જોગવાઈ છે.

આ પણ વાંચો - PM Modi Gujarat visit: પીએમ મોદીએ કહ્યું - GCTM વસુદેવ કુટુમ્બકમ, સર્વે સન્તુ નિરામયાની ભારતીય સંસ્કૃતિને ઉજાગર કરનારું કેન્દ્ર બનશે

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Corona cases, Coronavirus