Home /News /national-international /

દેવઘર ટ્રેઝરી મામલામાં લાલુ પ્રસાદને જામીન, પાસપોર્ટ જપ્ત થશે

દેવઘર ટ્રેઝરી મામલામાં લાલુ પ્રસાદને જામીન, પાસપોર્ટ જપ્ત થશે

લાલૂ પ્રસાદ યાદવની ફાઇલ તસવીર

અડધી સજા ભોગવી હોવાના આધારે જામીનની માંગ, જેલમુક્ત થવામાં હજુ આ બાબત અડચણરૂપ

    ન્યૂઝ18 ગુજરાતી : બહુચર્ચિત ઘાસચારા ગોટાળાના દેવઘર ટ્રેઝરીમાં આરજેડી સુપ્રીમો લાલુ પ્રસાદ યાદવને જામીન મળી છે. ઝારખંડ હાઈકોર્ટમાં તેમની પિટિશન પર સુનાવણી થઈ. જસ્ટિસ અપરેશ કુમાર સિંહની કોર્ટે સુનાવણી બાદ તેમને જામીન આપ્યા. સુનાવણી દરમિયાન સીબીઆઈના જવાબ પર લાલુ પ્રસાદ તરફથી પક્ષ રજૂ કરવામાં આવ્યો. ત્યારબાદ કોર્ટે ચુકાદો સંભળાવ્યો. કોર્ટે તેમને પાંચ લાખ રૂપિયાનો દંડ જમા કરવાનો પણ આદેશ આપ્યો છે. દેવઘર મામલામાં અડધી સજા ભોગવી ચૂક્યા હોવાના આધારે તેમને જામીન મળ્યા છે. કોર્ટના આદેશ મુજબ તેમનો પાસપોર્ટ જપ્ત કરવામાં આવશે.

    જેલમુક્ત થવામાં હજુ આ બાબત અડચણરૂપ

    દેવઘર ટ્રેઝરી મામલામાં જામીન મળવા છતાંય લાલુ પ્રસાદ આજે જેલમુક્ત નહીં થઈ શકે. જેલથી બહાર આવવા માટે તેમને અન્ય બે મામલા, ચાઈબાસા અને દુમકામાં પણ જામીન મેળવવા પડશે. જોકે, તેમને થોડી રાહત જરૂર મળી છે. આ ચુકાદાના કારણે તેમને અન્ય બે મામલામાં જામીન મળવાનો રસ્તો સરળ થઈ જશે.

    આ પણ વાંચો, સુપ્રીમથી આંશિક રાહત બાદ કુમારસ્વામીએ કહ્યું, ફ્લોર ટેસ્ટ માટે તૈયાર છું

    અડધી સજા ભોગવી હોવાના આધારે જામીનની માંગ

    ઉલ્લેખનીય છે કે, લાલુ યાદવ તરફથી દેવઘર ટ્રેઝરી મામલામાં જામીન પિટિશન દાખલ કરવામાં આવી હતી. આ મામલામાં સીબીઆઈની કોર્ટે તેમને સાડા ત્રણ વર્ષની સજા આપી છે. તેમાંથી અડધાથી વધુ સજા તેઓ ભોગવી ચૂક્યા છે. તેનો આધાર બનાવીને લાલુ પ્રસાદ તરફથી જામીન માંગવામાં આવ્યા. ઘાસચાર કૌભાંડમાં દોષી પુરવાર થયા બાદ 23 ડિસેમ્બર 2017ના રોજ તેઓ રાંચીની હોટવાર જેલમાં કેદ છે. હાલ જેલ વહિવટીતંત્રની દેખરેખમાં રાંચીની રિમ્સમાં તેમની સારવાર ચાલી રહી છે. પૂર્વ સીએમ અનેક બીમારીઓનો સામનો કરી રહ્યા છે.
    Published by:Mrunal Bhojak
    First published:

    Tags: Fodder scam, Jharkhand, આરજેડી`, બિહાર, લાલુ પ્રસાદ યાદવ

    આગામી સમાચાર