Home /News /national-international /નવું વર્ષ, નવા નિયમો અને લાભો! નવી વીમા પોલિસી ખરીદતા પહેલા આ મહત્વપૂર્ણ નિયમો જાણી લો

નવું વર્ષ, નવા નિયમો અને લાભો! નવી વીમા પોલિસી ખરીદતા પહેલા આ મહત્વપૂર્ણ નિયમો જાણી લો

1 જાન્યુઆરીથી, ગ્રાહકોએ વીમા પોલિસી ખરીદવા માટે ફરજિયાતપણે KYC દસ્તાવેજો આપવા પડશે.

જો તમે નવા વર્ષમાં નવી વીમા પોલિસી લેવાનું વિચારી રહ્યા છો, તો KYC દસ્તાવેજો સાથે અરજી કરો. હકીકતમાં અત્યાર સુધી વીમા પૉલિસી ખરીદતી વખતે KYC દસ્તાવેજોને શેર કરવા એ સ્વૈચ્છિક વિકલ્પ હતો. પરંતુ, હવેથી વીમા કંપનીઓએ ગ્રાહકો પાસેથી ફરજિયાતપણે KYC દસ્તાવેજો લેવા પડશે.

વધુ જુઓ ...
    નવી દિલ્હી. નવું વર્ષ 2023 તેની સાથે ઘણા ફેરફારો લઈને આવ્યું છે, જેની અસર આખા વર્ષ દરમિયાન લોકોના જીવન પર જોવા મળશે. બેંકિંગ નિયમોથી લઈને વીમા ખરીદવા સુધીના ઘણા નિયમો બદલાયા છે. 1 જાન્યુઆરીથી વીમા પોલિસી ખરીદવા માટે, ગ્રાહકોએ ફરજિયાતપણે KYC (વીમા KYC નવા નિયમો) દસ્તાવેજો આપવા પડશે. ઈન્સ્યોરન્સ રેગ્યુલેટરી એન્ડ ડેવલપમેન્ટ ઓથોરિટી ઓફ ઈન્ડિયા (IRDAI) એ તમામ પ્રકારના લાઈફ, જનરલ અને સ્વાસ્થ્ય વીમાની ખરીદી માટે KYC ધોરણો ફરજિયાત બનાવ્યા છે.

    જો તમે નવા વર્ષમાં નવી વીમા પોલિસી લેવાનું વિચારી રહ્યા છો, તો KYC દસ્તાવેજો સાથે અરજી કરો. હકીકતમાં અત્યાર સુધી વીમા પૉલિસી ખરીદતી વખતે KYC દસ્તાવેજોને શેર કરવા એ સ્વૈચ્છિક વિકલ્પ હતો. પરંતુ, હવેથી વીમા કંપનીઓએ ગ્રાહકો પાસેથી ફરજિયાતપણે KYC દસ્તાવેજો લેવા પડશે.

    આ પણ વાંચોઃ ઋષભ પંતને લઈને મોટુ અપડેટ, સારવારની અસર થઈ રહી છે, રોહિત શર્માએ પણ ડોક્ટરો સાથે વાત કરી

    નવા નિયમથી ગ્રાહકોને ફાયદો થશે


    વીમા નિયમનકાર IRDAI દ્વારા લાગુ કરવામાં આવેલો આ નિયમ ગ્રાહકો માટે ફાયદાકારક રહેશે. નિષ્ણાતો માને છે કે તે દાવાની પ્રક્રિયાને ઝડપી અને સરળ બનાવી શકે છે કારણ કે વીમા કંપનીઓ પાસે ગ્રાહકોની વિગતવાર માહિતી હશે. બીજી બાજુ, વીમા કંપનીઓ માટે, KYC વિગતો પૉલિસીધારકના જોખમ મૂલ્યાંકન અને કિંમત નિર્ધારણની ચોકસાઈને સુધારવામાં મદદ કરી શકે છે, કપટપૂર્ણ દાવાની શક્યતાને દૂર કરી શકે છે અને પૉલિસીધારકોના કાનૂની વારસદારોને ચૂકવણીને સરળ બનાવી શકે છે.

    અગાઉ KYC સંબંધિત નિયમ સ્વૈચ્છિક વિકલ્પ હતો?


    અગાઉ, તમામ નોન-લાઇફ અથવા જનરલ ઈન્શ્યોરન્સ ખરીદવા માટે KYC દસ્તાવેજ ફરજિયાત ન હતો. સ્વાસ્થ્ય વીમાના કિસ્સામાં, જો દાવાની રકમ 1 લાખ રૂપિયાથી વધુ હોય, તો ગ્રાહકોએ તેમનો PAN નંબર અને આધાર નંબર આપવો પડશે. નવી સિસ્ટમમાં, KYCની આ સિસ્ટમ દાવાને બદલે વીમા ખરીદવાના સમયે ટ્રાન્સફર કરવામાં આવી રહી છે.


    શું નવો નિયમ જૂના ગ્રાહકોને પણ લાગુ પડશે?


    હવે નવી વીમા પોલિસી લેનારા ગ્રાહકો માટે KYC નિયમ ફરજિયાત બનાવવામાં આવ્યો છે. તે જ સમયે, વર્તમાન ગ્રાહકો માટે, વીમા કંપનીઓને તેમના ગ્રાહકોના કેવાયસી પૂર્ણ કરવા માટે સૂચના આપવામાં આવી છે. તેની માહિતી તમને SMS અને ઈમેલ દ્વારા મળશે.
    Published by:Priyanka Panchal
    First published:

    Tags: Insurance Policy, Kyc

    विज्ञापन
    विज्ञापन