કાગળોમાં કરોડપતિ બનેલા 2 છોકરાઓનું અભિનેતા સોનુ સૂદ કનેક્શન! જાણો સમગ્ર મામલો

બે વિદ્યાર્થીઓના ખાતામાં 900 કરોડ આવ્યા હતા

બિહારની શાળાના બે વિદ્યાર્થીઓના બેંક ખાતામાં 960 કરોડ રૂપિયાથી વધુના કેસમાં નવો વળાંક આવ્યો છે.

  • Share this:
    કટિહાર : બિહારની બે શાળાના વિદ્યાર્થીઓના બેંક ખાતામાં 960 કરોડ રૂપિયાથી વધુના કેસમાં નવો વળાંક આવ્યો છે. કટિહાર જિલ્લાના આઝમનગર બ્લોકના પાસ્તિયા ગામના રહેવાસી ગુરુચરણ વિશ્વાસ અને અસિત કુમાર 15 સપ્ટેમ્બરના રોજ ગ્રાહક સેવા કેન્દ્રમાં પોતાનું બેન્ક એકાઉન્ટ ચેક કરાવવા ગયા ત્યારે તેમાં કરોડો રૂપિયા આવવાથી સ્તબ્ધ થઈ ગયા હતા, જ્યારે તેમના બેંક ખાતાની તપાસ કરવામાં આવી હતી, તેવા જ સમયમાં હજારો કિમી દૂર મુંબઈમાં અભિનેતા સોનુ સૂદના ઠેકાણાઓ પર ઈન્કમ ટેક્સની રેડ ચાલી રહી હતી.

    ઈન્ડસલેન્ડ બેંકના આ ગ્રાહક સેવા કેન્દ્રમાં મની ટ્રાન્જેક્શન માટે જે 'સ્પાઈસ મની' કંપનીની વાત છે, તેના અભિનેતા સોનુ સૂદ માત્ર બ્રાન્ડ એમ્બેસેડર નહીં પરંતુ, એક વર્ષ પહેલાથી તે તેમાં મોટી ભૂમિકામાં છે. તેના કારણે આ વિસ્તારના આ ટ્રાન્જેક્શન માટે સોનુ સૂદ સાથે પણ જોડીને જોવામાં આવી રહ્યું છે. આ દરમિયાન, ઉત્તર બિહાર ગ્રામીણ બેંકની ભેલાગંજ શાખા, જેમાં આ બે છોકરાઓ ખાતા ધરાવે છે, તેમણે સ્પષ્ટતા કરી છે કે, તેમના ખાતામાં આવું કંઈ દેખાતું નથી.

    જિલ્લા મેજિસ્ટ્રેટ (ડીએમ) ઉદયન મિશ્રાએ સમગ્ર મામલે ઉચ્ચ સ્તરીય તપાસના આદેશ આપ્યા છે.

    સાયબર ફ્રોડ સાથે સંબંધિત કેસ હોવાનો ડર

    કટિહાર લીડ બેંકના મેનેજર એમ.કે. મધુકરે શંકા વ્યક્ત કરી છે કે, આ મામલો સાયબર ફ્રોડ સાથે જોડાયેલો હઈ શકે છે. જ્યાં સુધી ઉત્તર બિહાર ગ્રામીણ બેંકનો સવાલ છે, તેમની તરફથી સમગ્ર મામલે પહેલાથી જ સ્પષ્ટતા આપવામાં આવી છે. પરંતુ હવે ઈન્ડસલેન્ડ બેંકને તપાસ હેઠળ લઈ રહ્યા છે, તેઓ સમગ્ર મામલામાં તેમની ભૂમિકા અંગેની સ્થિતિ સ્પષ્ટ કરવા માટે એક પત્ર જારી કરી રહ્યા છે.

    ઉપરાંત, આ કિસ્સામાં, ઇન્ડસલેન્ડ બેંકનું ગ્રાહક સેવા કેન્દ્ર કે જેમાં ઉત્તર બિહાર ગ્રામીણ બેંક ખાતાના બંને વિદ્યાર્થીઓના ખાતામાં નાણાંની લેવડદેવડ સંબંધિત કંપની સ્પાઈસ મની સાથે જોડાઈને અભિનેતા સોનુ સૂદના જોડાણ વિશે ચર્ચા છે. તો અત્યારે આ બાબત ઈન્ડસલેન્ડ બેંક દ્વારા આપવામાં આવેલા જવાબથી જ સ્પષ્ટ થઈ શકે છે, જેના આધારે કટિહારની અગ્રણી બેંક હવે સંસ્થાના મેનેજમેન્ટને પત્ર આપવાની વાત કરી રહી છે.

    આ પણ વાંચોશું તમારા ઘરની બાજુમાં ખોદકામ થઈ રહ્યું છે? આ VIDEO જોઈ તમે તરત કામ બંધ કરાવી દેશો

    એકંદરે, કાગળ પર કરોડપતિ બનનારા બે છોકરાઓનો આ કિસ્સો હવે કટિહારના દૂરના વિસ્તારમાંથી બહાર નીકળ્યા બાદ દેશભરમાં હેડલાઇન્સ બની રહ્યો છે.
    Published by:kiran mehta
    First published: