કઠુઆ: બાળકી સાથે થયો હતો બળાત્કાર, મીડિયામાં ફેલાઇ રહેલી ખબરો જૂઠી

શુક્રવારે દેશના મોટા છાપામાં ખબર આવી હતી કે કઠુઆની બાળકી સાથે રેપ નથી થયો. જેમાં જમ્મુ અને કાશ્મીર પોલીસે સ્પષ્ટીકરણ આપતા કહ્યું હતું કે આ ખબરો ખોટી છે. પોલીસે ટ્વિટર પર એક લેટર ટ્વિટ કર્યો હતો.

થોડા દિવસો પહેલા હીરાનગર, કઠુઆ પોલીસ સ્ટેશનની 12-01-2018ના રોજ નોંધાયેલ એફઆરઆઈ નંબર 10/2018ના સંદર્ભમાં ગત દિવસોમાં પ્રિન્ટ/ઇલેક્ટ્રોનિક અને સોશિયલ મીડિયામાં ઘણી માહિતી આપી રહ્યાં છે. તપાસની તમામ કાયદાકીય ઔપચારિકતા પછી આ મામલાની ચાર્જશીટ સંબંધિત કોર્ટમાં જમા કરાવી દેવામાં આવી છે. આ દરમિયાન વિવિધ મીડિયાના વિભિન્ન માધ્યમો પર રિપોર્ટ શેર કરવામાં આવી રહી છે જે સાચી નથી. મેડિકલ રિપોર્ટમાં પુષ્ટિ થઇ ગઇ છે બાળકી પર અનેકવાર દુષ્કર્મ ગુજારવામાં આવ્યું છે. જેના આધારે આ મામલામાં સીઆરપીસીની કલમ 376 (ડી) જોડવામાં આવી છે.

Press release....Case FIR No 10/2018 dated 12.01.2018 Police Station Hiranagar Kathua. pic.twitter.com/ek2IsXDpsa

— J&K Police (@JmuKmrPolice) April 21, 2018

નોંધનીય છે કે 10 જાન્યુઆરીના રોજ જમ્મુ કાશ્મીરના લસાણા ગામમાંથી બાળકી ગૂમ થઇ હતી. ગૂમ થયા પછી 7 દિવસે તેનો મૃતદેહ જંગલમાંથી મળ્યો હતો. સરકારે આ મામલો 23 જાન્યુઆરીના રોજ ક્રાઇમ બ્રાન્ચને સોંપ્યો હતો. જે પછી આ કેસમાં એસપીઓની ધરપકડ થઇ. ચાર્જશીટમાં જણાવવામાં આવ્યું કે બાળકીને નશીલી દવાઓ આપીને સતત તેની પર રેપ કરવામાં આવ્યો છે. એક આરોપીએ પોતાના પિતરાઇ ભાઇને મેરઠથી ફોન કરીને બોલાવ્યો એટલે એ પણ રેપ કરી શકે. એટલું જ નહીં હત્યા કરતાં પહેલા પણ તેની પર રેપ કરવામાં આવ્યો હતો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Kathua