Home /News /national-international /

Kargil War: જ્યારે નટ-બોલ્ટ ખોલી, ખભા પર ઉંચકીને લઇ જવાઈ હતી વિશાળ તોપો, જાણો કારગીલના યુદ્ધનો આ સાહસપૂર્ણ કિસ્સો

Kargil War: જ્યારે નટ-બોલ્ટ ખોલી, ખભા પર ઉંચકીને લઇ જવાઈ હતી વિશાળ તોપો, જાણો કારગીલના યુદ્ધનો આ સાહસપૂર્ણ કિસ્સો

મેજર જનરલ દેબ કહે છે કે અમારી લડાઈ માત્ર દુશ્મનના હથિયારો સાથે નહોતી. અમે પ્રકૃતિ સાથે યુદ્ધ પણ લડી રહ્યા હતા. (Image: AFP)

મેજર જનરલ દેબ સમજાવે છે કે ભારતમાં બનેલી સ્વદેશી બંદૂકોના કિસ્સામાં આ કરવું સરળ હતું. ખાસ કરીને બેટરી યુનિટ, જેમાં છ નાની તોપોનો સમાવેશ થાય છે. અમે તેને આ રીતે ઊંચાઈ પર લઈ જવાનું ચાલુ રાખ્યું. આ રીતે, અમે બંકરો તોડી પાડતા, વધુમાં વધુ ઊંચાઈ સુધી આગળ વધતા રહ્યા.

વધુ જુઓ ...
    કારગીલના યુદ્ધ (Kargil war)માં તોલોલિંગની ટેકરી પર ખૂબ જ ભીષણ યુદ્ધ (War) થયું હતું, જેના આપણે ઘણા કિસ્સા સાંભળ્યા છે. તેમાંથી જ એક છે 197 ફિલ્ડ આર્ટિલરી રેજિમેન્ટની દેશ પ્રત્યેની અદમ્ય હિંમત અને પ્રતિબદ્ધતાની ગાથા.

    પૂણેમાં રહેતા નિવૃત્ત મેજર જનરલ આલોક દેબ કહ્યું કે તેમની 197 ફિલ્ડ આર્ટિલરી રેજિમેન્ટ દ્રાસ સેક્ટરમાં તોલોલિંગની ટોચ પરથી ઘૂસણખોરોને દૂર કરવાનો પ્રયાસ કરી રહેલા સૈનિકોને આર્ટિલરી કવર આપવા માટે તૈનાત કરવામાં આવી હતી. તે રેજિમેન્ટના કમાન્ડિંગ ઓફિસર હતા. શિખરો એટલા દુર્ગમ હતા કે આર્ટિલરી સુધી પહોંચવું અશક્ય હતું. અમારા સૈનિકોએ ભારતીય બનાવટની બંદૂકોના નટ અને બોલ્ટ ખોલ્યા, તેને નાના ભાગોમાં વિભાજિત કર્યા અને તેમને ખભા પર લઈ સીધા મોરચા સુધી લઈ ગયા હતા.



    મેજર જનરલ દેબ સમજાવે છે કે ભારતમાં બનેલી સ્વદેશી બંદૂકોના કિસ્સામાં આ કરવું સરળ હતું. ખાસ કરીને બેટરી યુનિટ, જેમાં છ નાની તોપોનો સમાવેશ થાય છે. અમે તેને આ રીતે ઊંચાઈ પર લઈ જવાનું ચાલુ રાખ્યું. આ રીતે, અમે બંકરો તોડી પાડતા, વધુમાં વધુ ઊંચાઈ સુધી આગળ વધતા રહ્યા. એક મહિના પછી દુશ્મનોના હુમલા બંધ થઈ ગયા. તેમનું છેલ્લું બંકર પણ ધ્વસ્ત થઈ ગયું, પરંતુ આ દરમિયાન આલોક દેબ સાથે પડછાયાની જેમ રહેતા રેડિયો ઓપરેટર શહીદ થઇ ગયા. દેબ કહે છે કે લાંબા સમય સાથે રહેલા સાથીના મૃત્યુનો આઘાત ઘણો ઊંડો છે. એવા ઘણા પ્રસંગો હતા જ્યારે તેમને લાગ્યું કે પરિસ્થિતિ ગંભીર બની રહી છે અને કદાચ વિજયથી થોડા માટે જ દૂર રહી જવાય. કારગિલમાં દરરોજ વિજય વધુ ને વધુ મુશ્કેલ થતો જાણતો હતો. તોલોલિંગ વિજયની સમય મર્યાદા ખેંચાઈ રહી હતી. આખરે એવો સમય આવ્યો જ્યારે આ અશક્ય લાગતું લક્ષ્ય શક્ય બન્યું અને આખા દેશે તેની ઉજવણી કરી.

    આ પણ વાંચો- કારગિલ યુદ્ધ સમયે મોદી સૈનિકોને મળ્યા હતા, શેર કરી હતી યુદ્ધ સમયની તસવીરો

    મેજર જનરલ દેબ કહે છે કે અમારી લડાઈ માત્ર દુશ્મનના હથિયારો સાથે નહોતી. અમે પ્રકૃતિ સાથે યુદ્ધ પણ લડી રહ્યા હતા. ભયંકર શિયાળાની વચ્ચે આપણા સૈનિકો જરાક રસ્તો ભટકતા જ દુશ્મનના નિશાના પર આવી જતા હતા. તૂટેલી ખડકો અને ભૂસ્ખલનનું જોખમ અલગ હતું. અમારી પાસે જે નકશા હતા તે અજાણ્યા પર લખેલા હતા, એટલે કે આગળ ક્યાં પર્વત છે અને ખીણ ક્યાં છે તે અમને ખબર ન હતી. આવી વિકરાળ પરિસ્થિતિમાં પણ રેજિમેન્ટના સેનિકોએ આગળ વધવાનું શરું રાખ્યું હતું. અજ્ઞાત...અજાણ્યા અંધકાર ને ચીરતાં સઘળા અવરોધો પાર કરીને ભારતીય સેનાએ દ્રઢતા સાથે વિજય મેળવ્યો.
    First published:

    Tags: Kargil Vijay Divas, કારગિલ, કારગિલ યુદ્ધ, કારગિલ વિજય દિવસ

    विज्ञापन

    विज्ञापन

    આગામી સમાચાર

    विज्ञापन
    विज्ञापन