Home /News /national-international /ઠંડીનો કહેર! છેલ્લા એક અઠવાડિયામાં હાર્ટ એટેકથી 108 લોકો મૃત્યુ પામ્યા

ઠંડીનો કહેર! છેલ્લા એક અઠવાડિયામાં હાર્ટ એટેકથી 108 લોકો મૃત્યુ પામ્યા

24 કલાકમાં 16 લોકોના હાર્ટ અટેકથી મોત

1 જાન્યુઆરી, 2023થી 8 જાન્યુઆરી સુધીમાં 108 દર્દીઓ હાર્ટ એટેકને કારણે મૃત્યુ પામ્યા હતા. જાહેર કરાયેલા આંકડા મુજબ, હોસ્પિટલમાં સારવાર દરમિયાન 51 દર્દીઓના મોત થયા હતા અને 57 દર્દીઓના મોત હોસ્પિટલ પહોંચતા પહેલા જ થઈ ગયા હતા.

  • News18 Gujarati
  • Last Updated :
  • Kanpur Nagar, India
    કાનપુર. યુપીના કાનપુરમાં ઠંડીનું જોર ચાલુ છે. લઘુત્તમ તાપમાન 2 ડિગ્રીએ પહોંચી ગયું છે. આવી સ્થિતિમાં વધતી જતી ઠંડીના કારણે લોકો બીમાર પડી રહ્યા છે. આ કડકડતી ઠંડીમાં હાર્ટ એટેકના દર્દીઓને ભારે હાલાકીનો સામનો કરવો પડી રહ્યો છે. સ્થિતિ એવી છે કે લોકો હાર્ટ એટેકના કારણે મૃત્યુ પામી રહ્યા છે. કાનપુરની હાર્ટ ડિસીઝ ઇન્સ્ટિટ્યૂટના આંકડા પણ એ દર્શાવે છે કે શહેરમાં હૃદયરોગના દર્દીઓ સતત મૃત્યુ પામી રહ્યા છે. રોજના 600થી વધુ દર્દીઓ ઓપીડીમાં પહોંચી રહ્યા છે. હૃદયરોગ સંસ્થામાં 500થી વધુ દર્દીઓની સારવાર ચાલી રહી છે. છેલ્લા એક અઠવાડિયામાં હાર્ટ એટેકના કારણે 108ના મોત થયા છે.

    તમને જણાવી દઈએ કે, હાર્ટ એટેકથી થયેલા મૃત્યુના આંકડા કાનપુર હાર્ટ ડિસીઝ ઈન્સ્ટિટ્યૂટમાંથી જ સામે આવી રહ્યા છે. ગ્રામીણ વિસ્તારો અને અન્ય સીએચસી હોસ્પિટલો અને સરકારી હોસ્પિટલોના આંકડા આમાં સામેલ નથી. તબીબોના જણાવ્યા અનુસાર શિયાળામાં બીપીના દર્દીઓ અને વૃદ્ધોને વધુ તકલીફ પડી રહી છે. આવી સ્થિતિમાં કાનપુરની હાર્ટ ડિસીઝ ઈન્સ્ટિટ્યૂટે એક કંટ્રોલ રૂમ શરૂ કર્યો છે અને હેલ્પલાઈન નંબર જારી કરીને લોકો સુધી મદદ પહોંચાડી રહ્યા છે, જેથી લોકોનો જીવ બચાવી શકાય.

    આ પણ વાંચોઃ જોશીમઠને લઈને 43 વર્ષ પહેલા થઈ હતી આ ભવિષ્યવાણી, આજે તે બની ગઈ વાસ્તવિકતા

    હૃદયરોગ સંસ્થાના ડાયરેક્ટર વિનાયક ડો.ક્રિષ્ના કહે છે કે આવી ઠંડીમાં લોકોએ સાવચેતી રાખવાની જરૂર છે. ઠંડીમાં લોકોએ ગરમ કપડાં પહેરવા જોઈએ અને જરૂર પડે તોજ વૃદ્ધોને ઘરની બહાર કાઢો. હાર્ટના દર્દીઓએ ખાસ કાળજી લેવાની જરૂર છે. કાર્ડિયોલોજી મેનેજરના આંકડા મુજબ 1 જાન્યુઆરી, 2023થી 8 જાન્યુઆરી સુધીમાં 108 દર્દીઓ હાર્ટ એટેકને કારણે મૃત્યુ પામ્યા હતા. જાહેર કરાયેલા આંકડા મુજબ, હોસ્પિટલમાં સારવાર દરમિયાન 51 દર્દીઓના મોત થયા હતા અને 57 દર્દીઓના મોત હોસ્પિટલ પહોંચતા પહેલા જ થઈ ગયા હતા. કાનપુરની હાર્ટ ડિસીઝ ઇન્સ્ટિટ્યૂટના ડાયરેક્ટર ડૉ. વિનય ક્રિષ્નાએ જણાવ્યું કે સંસ્થાના ડૉક્ટરો અને સ્ટાફ સતત દર્દીઓની કાળજી અને સારવાર કરી રહ્યા છે. એટલા માટે પ્રયાસો કરવામાં આવ્યા છે અને હેલ્પલાઇન નંબર જારી કરવામાં આવ્યો છે જેથી કરીને જીવ બચાવી શકાય.


    જાણો શા હાર્ટ અટેક આવે છે?


    કાર્ડિયોલોજીના ડાયરેક્ટર પ્રોફેસર વિનય ક્રિષ્ના કહે છે કે આ શિયાળો હૃદય અને દિમાગ બંનેને અસર કરે છે. ઠંડીને કારણે નસોમાં લોહી ગંઠાઈ જાય છે, જેના કારણે બ્લડ પ્રેશર વધી જાય છે અને લોકોને એટેક આવે છે. કાર્ડિયોલોજી વિભાગના આંકડા મુજબ ગુરુવારે 23 લોકોના હાર્ટ એટેકથી મોત થયા છે. તે જ સમયે, ઠંડીના કારણે કાનપુરમાં સ્થિતિ સતત ખરાબ થઈ રહી છે. કડકડતી ઠંડીમાં લોકો ઘરની બહાર નીકળી રહ્યા નથી.

    આ રીતે બચાવ કરો


    ડૉ. વિનય કૃષ્ણ કહે છે કે હૃદય અને મગજને લગતી બીમારીઓથી બચવા માટે શરદીથી બચાવું ખૂબ જ જરૂરી છે. જરૂરી હોય તો જ ઘરની બહાર નીકળો. આ સમયે મોર્નિંગ વોક સંપૂર્ણપણે બંધ કરો. ખોરાકમાં લીલા શાકભાજી અને પૌષ્ટિક ખોરાક લો. તેમજ ઘરની અંદર કસરત અને યોગ કરો. હૃદય, મગજ અથવા છાતીમાં દુખાવો થાય તો તરત જ ડૉક્ટરની સલાહ લો.
    Published by:Priyanka Panchal
    First published:

    Tags: Cold Wave, Died, Heart attack

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन