Home /News /national-international /

આજે થશે શનિ-ગુરૂ ગ્રેટ કન્જક્શન : ભારતમાં ક્યારે, કેવી રીતે અને ક્યાં જોઇ શકશો, જાણો

આજે થશે શનિ-ગુરૂ ગ્રેટ કન્જક્શન : ભારતમાં ક્યારે, કેવી રીતે અને ક્યાં જોઇ શકશો, જાણો

ગ્રેટ કન્જક્શન માટે ગૂગલે (Google) પણ ખાસ ડૂડલ (Doodle) બનાવ્યું છે.

ગ્રેટ કન્જક્શન માટે ગૂગલે (Google) પણ ખાસ ડૂડલ (Doodle) બનાવ્યું છે.

    આજે એટલે 21 ડિસેમ્બર, ખગોળીય ઘટનાક્રમ માટે ખૂબ જ ખાસ દિવસ છે. આજે વર્ષનો સૌથી નાનો દિવસ હશે અને વર્ષની સૌથી લાંબી રાતની શરૂઆત પણ આજથી થશે. આની સાથે જ આ દિવસે અદ્ભૂત ખગોળીય ઘટના જોવા મળશે. આજે સૌરમંડળના બે મોટા ગ્રહ શનિ (Saturn)અને ગુરુ કે બૃહસ્પતિ (Jupiter) ખૂબ જ નજીક હશે. એસ્ટ્રોનૉટ્સ આ ખગોળીય ઘટનાને ગ્રેટ કન્જક્શન (Great Conjuction) કહે છે. આ ગ્રેટ કન્જક્શન માટે ગૂગલે (Google) પણ ખાસ ડૂડલ (Doodle) બનાવ્યું છે. આ એક એનિમેટેડ ગૂગલ ડૂડલ છે, જેમાં બતાવવામાં આવ્યું છે કે કેવી રીતે બન્ને ગ્રહ એક-બીજા પાસે આવે છે.

    બંને ગ્રહો વચ્ચેનું અંતર 0.1 ડીગ્રી હશે

    સૂર્ય માળાના સૌથી મોટા બે ગ્રહો એકબીજાથી 65 કરોડ કિલોમીટર દૂર રહીને સૂર્યની પરિક્રમા કરે છે. આજે આ બંને ગ્રહો પૃથ્વી સાથે એકજ સમતલમાં હોવાથી ગુરૂનો ગ્રહ શનિના ગ્રહનું અધિક્રમણ કરશે. આ સમયે આ બંને ગ્રહો વચ્ચેનું અંતર 0.1 ડીગ્રી હશે. 794 વર્ષ પછી સૌરમંડળના બે ગ્રહો શનિ અને ગુરૂ એકબીજાની નજીક એ રીતે આવશે કે, આપણે આ નજારો સરળતાથી નિહાળી શકીશું.

    '2020નું ક્રિસમસ સ્ટાર' કહેવામાં આવે છે

    આ પહેલા આટલા નજીક વર્ષ 1228માં દેખાયા હતા. એટલે કે આ વખતે 800 વર્ષ પછી આટલા નજીક દેખાશે ગુરુ અને શનિ. આથી '2020નું ક્રિસમસ સ્ટાર' કહેવામાં આવે છે. જો કે, 1623માં આ ઘટના સૂર્યની ઉપસ્થિતિને કારણે દેખાઇ નથી. આ સિવાય ગેલીલિયો દ્વારા ટેલિસ્કોપની શોધના 14 વર્ષ પછી 1623માં આ બન્ને ગ્રહ ખૂબ જ નજીક હતા.



    નાસા શું કહે છે

    નાસા પ્રમાણે, બન્ને ગ્રહ એક ડિગ્રીના દસમા ભાગમાં દેખાશે અને આ પ્રકારની ઘટના આગામી 60 વર્ષોમાં ફરી નહીં બને. એટલે કે આવી ઘટના 2080માં ફરી જોવા મળશે. આજે થનારું ગ્રેટ કન્જક્શન એક લાઇફટાઇમ એક્સપીરિયન્સ હશે. આજે જેવું અંધારું શરૂ થસે આ ઘટના આકાશમાં દેખાવા માંડશે. નેશનલ પુરસ્કાર પ્રાપ્ત વિજ્ઞાન પ્રસારક ઘારૂ પ્રમાણે કહેવામાં આવ્યું કે ગ્રેટ કન્જક્શનની આ ઘટનાના સમયે ગુરુનું પૃથ્વીથી અંતર લગભગ 5.924 એસ્ટોનૉમિકલ યૂનિટ પર હશે. તો શનિનું અંતર 10.825 એસ્ટોનૉમિકલ યૂનિટ હશે.



    આકાશમાં ક્યાં દેખાશે

    પશ્ચિમ દિશામાં સૂર્યાસ્ત પછી આ બન્ને ગ્રહો નજીક જોવા મળી રહ્યા છે અને આજે એટલે સોમવારે તે મહત્તમ નજીક હશે. જાણે કે, બે વિશાળ મણકાંને એક તારમાં પરોવ્યા હોય તેવો નજારો દેખાશે.
    Published by:Kaushal Pancholi
    First published:

    Tags: December, Jupiter, Saturn

    આગામી સમાચાર