ઋષભ પંતનો અકસ્માત જોઇ ધો-11 નાં વિદ્યાર્થીને આવ્યો આઇડીયા, બનાવી દીધુ જોરદાર ઉપકરણ

ઝારખંડ: પલામૂની સરકારી હાઈસ્કૂલ પાટનના ધોરણ 11ના વિદ્યાર્થી શાહિદ રઝાએ શાળાના શિક્ષકોની મદદથી એક અદ્ભુત ગેજેટ બનાવ્યું છે. તેની ખાસિયતો જાણીને તમને પણ આશ્ચર્ય થશે. માત્ર 15 વર્ષના આ વિદ્યાર્થીએ એવા ચશ્મા બનાવ્યા છે જે રોડ અકસ્માત ઘટાડવામાં કારગર સાબિત થશે. લોકો તેના આ ગેજેટની ખૂબ પ્રશંસા કરી રહ્યા છે. ભારતીય ક્રિકેટ ટીમના સ્ટાર બેટ્સમેન-વિકેટકીપર ઋષભ પંતની કારને અકસ્માત નડતાં વિદ્યાર્થીને આ વિચાર આવ્યો હતો.

આ ચશ્મા બનાવવા માટે શાહિદે ફ્રેમ, આઈઆર સેન્સર, આરડી નેનો, બઝર, સ્વિચ અને બેટરીનો ઉપયોગ કર્યો છે. તેનું નામ ઈલેક્ટ્રોનિક ચશ્મા આપવામાં આવ્યું છે. તેનું નામ ઈલેક્ટ્રોનિક ચશ્મા છે કારણ કે તે વીજળીથી ચાલે છે. આમાં 3.7 વોલ્ટની બેટરીનો ઉપયોગ કરવામાં આવ્યો છે.

આ ચશ્માની ખાસિયત એ છે કે તે તમને ઊંઘવા નહીં દે. અમારો મતલબ છે કે ડ્રાઇવિંગ કરતી વખતે તમને ઊંઘવા નહીં દે. ઘણીવાર એવું જોવા મળે છે કે વાહન ચલાવતી વખતે લોકો ઊંઘી જાય છે. આ ગેજેટ તમારી આંખો બંધ કરતાની સાથે જ અવાજ કરવા લાગે છે. જેના કારણે તમને ઊંઘ નહીં આવે અને તમે સુરક્ષિત રીતે વાહન ચલાવી શકશો.

" isDesktop="true" id="1351786" >

શાહિદે કહ્યું કે ઋષભ પંત સાથેના અકસ્માત બાદ તેને પ્રેરણા મળી કે ડ્રાઇવિંગ કરતી વખતે ઊંઘી જવાથી મોટી દુ્ર્ઘટના બની શકે છે. જેના કારણે ઘણા લોકો પોતાનો જીવ ગુમાવે છે. ઋષભ પંતને ડ્રાઇવિંગ દરમિયાન ઊંઘી જવાના કારણે કાર અકસ્માત થયો હતો. જેના કારણે તે ગંભીર રીતે ઘાયલ થયો હતો. આ ઘટના પછી મેં આ ઉપકરણ બનાવ્યું છે. જે એક ચાર્જમાં 3 દિવસ સુધી ચાલી શકે છે. તમને જણાવી દઇએ કે કે પંતની તબિયત હવે ઠીક છે અને તે ધીમે ધીમે સ્વસ્થ થઈ રહ્યો છે.

આ પણ વાંચો: રિલાયન્સ કન્ઝ્યુમર પ્રોડક્ટ્સ કેમ્પા સાથે 3 નવા ફ્લેવર્સમાં “ધ ગ્રેટ ઈન્ડિયન ટેસ્ટ”ની વાપસી

જ્યારે ચશ્મા ચાલુ થાય છે ત્યારે તેમાં લાગેલું સેન્સર રેટિનાને સંવેદન કરવાનું શરૂ કરશે અને જો આંખ બંધ થશે તો ચશ્મામાં લાગેલું એલાર્મ ઓટોમેટિક વાગવા લાગશે. જેથી તમે જાગી જશો અને અકસ્માત થતો અટકી શકે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Gadgets News, Jharkhand News, Rishabh pant