JDU નેતાના ઘરે ગિફ્ટ પેકેટ ખોલતાં વિસ્ફોટ, એકનું મોત

ગયા # ગયાના જનતા દળ(યુ) પક્ષના જિલ્લા અધ્યક્ષ અભય કુશવાહના ઘરે કોઇએ રાખેલા ગિફ્ટ પેકેટના ખોલતાં ધમાકેદાર વિસ્ફોટ થયો હતો. જેમાં ઘટના સ્થળે જ એક વ્યક્તિનું મોત થયું હતું જ્યારે એક વ્યક્તિ ઘાયલ થતાં સારવાર માટે લઇ જવાયેલ છે.

વિસ્ફોટની આ ઘટના અભય કુશવાહના ઘરે ઘટી હતી. જિલ્લા અધ્યક્ષ અભય કુશવાહ ઘરે હાજર ન હતા. પરીવારજનોના જણાવ્યા અનુસાર સવારે કોઇ વ્યક્તિ ચૂપકીદીથી ગિફ્ટ પેકેટ મુકી ગયું હતું. અભય કુશવાહ ઘરે હાજર ન હોવાથી પરિવારજનોએ આ ગિફ્ટ પેકેટ ખોલ્યું હતું અને વિસ્ફોટ થયો હતો. જેમાં એક વ્યક્તિનું મોત થયું હતું તો અન્ય એકને ગંભીર ઇજાઓ થવા પામી હતી.

પરિવારજનોના માનવા મુજબ આ કોઇ રાજકીય કાવાદાવાના કારણોસર અભય કુશવાહની હત્યા કરવા માટેનું કાવતરૂ હોઇ શકે છે. જોકે તેઓ ઘરે હાજર ન હોવાથી તેમનો બચાવ થયો હતો. પોલીસે ઘટના સ્થળે પહોંચી તપાસ હાથ ધરી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: ગયા, દેશ, બિહાર, રાજકારણ, હુમલો