Home /News /national-international /

Jammu & Kashmir : આ વર્ષે અત્યારસુધી 15 પાકિસ્તાની આતંકીઓ ઠાર, ગત વર્ષ કરતા સંખ્યામાં વધારો

Jammu & Kashmir : આ વર્ષે અત્યારસુધી 15 પાકિસ્તાની આતંકીઓ ઠાર, ગત વર્ષ કરતા સંખ્યામાં વધારો

ગત વર્ષની સરખામણીએ આ વર્ષે કાશ્મીરમાં આતંકી પ્રવૃત્તિઓમાં વધારો નોંધાયો

Militants Killed In J&K: 2021ના પ્રથમ ચાર મહિનામાં એક પણ વિદેશી આતંકવાદી માર્યો ગયો નહોતો. ગયા વર્ષે માર્યા ગયેલા વિદેશી આતંકવાદીઓની કુલ સંખ્યા માત્ર 20 હતી.

    જમ્મુ-કાશ્મીરમાં (Jammu & Kashmir) આ વર્ષે સુરક્ષાદળોને મોટી સફળતા મળી છે. વર્ષ 2021માં અત્યાર સુધી કાશ્મીરમાં પહેલા 4 મહિનામાં માર્યા ગયેલા આતંકવાદીઓની સંખ્યામાં ગત વર્ષના સમાન સમયગાળાની સરખામણીમાં મોટો ઉછાળો આવ્યો છે. જમ્મુ અને કાશ્મીર પોલીસ પાસે ઉપલબ્ધ ડેટા અનુસાર, વર્ષની શરૂઆતથી અત્યાર સુધીમાં ઘાટીમાં 62 આતંકવાદીઓ માર્યા ગયા છે. જ્યારે ગયા વર્ષે એટલે કે 2021ના પ્રથમ ચાર મહિનામાં 37 આતંકવાદીઓ માર્યા ગયા હતા.

    ખાસ વાત એ છે કે આ વર્ષે માર્યા ગયેલા 62માંથી 15ની ઓળખ વિદેશી આતંકવાદી તરીકે થઈ છે. આ તમામ પાકિસ્તાનના હતા. જ્યારે વર્ષ 2021ના પ્રથમ ચાર મહિનામાં એક પણ વિદેશી આતંકવાદી માર્યો ગયો નથી. ગયા વર્ષે માર્યા ગયેલા વિદેશી આતંકવાદીઓની કુલ સંખ્યા માત્ર 20 હતી. જ્યારે 2021માં કાશ્મીરમાં કુલ 168 આતંકવાદીઓ માર્યા ગયા હતા.

    અંગ્રેજી અખબાર ઈન્ડિયન એક્સપ્રેસ અનુસાર, તેનું સૌથી મોટું કારણ સચોટ ખબર, ઈન્ટેલિજન્સ બ્યુરો, રિસર્ચ એન્ડ એનાલિસિસ વિંગ અને જમ્મુ અને કાશ્મીર પોલીસ સતત સચોટ ઈન્ટેલિજન્સ આપી રહી છે. સૂત્રોએ કહ્યું કે આ ખીણમાં અશાંતિ સર્જવા માટે સરહદ પારથી વધુ દબાણનો સંકેત પણ છે. કાશ્મીરના IG વિજય કુમારે અખબારને કહ્યું, “સારા ગુપ્તચર અહેવાલોનો ફાયદો એ છે કે આતંકવાદીઓનો જીવિત રહેવાનો દર ઘણો નીચે આવી રહ્યો છે. આ વર્ષે માર્યા ગયેલા 62 આતંકવાદીઓમાંથી 32 આતંકવાદમાં જોડાયાના માત્ર ત્રણ મહિનામાં જ માર્યા ગયા હતા.

    આ પણ વાંચો -દિલ્હીમાં PM મોદીને મળ્યા ગુજરાતના શીર્ષ નેતાઓ, કેજરીવાલે સાધ્યું નિશાન: શું BJP વિધાનસભા ભંગ કરવાની છે?

    ગયા વર્ષે હત્યાઓની ઓછી સંખ્યા વિશે જણાવતાં એક વરિષ્ઠ સુરક્ષા અધિકારીએ જણાવ્યું હતું કે, ગયા વર્ષે આ સમયગાળામાં ભારત અને પાકિસ્તાન ફેબ્રુઆરીમાં ફરી યુદ્ધવિરામ શરૂ કરવા માટે સહમત થયા હતા. તે સમયે, પાકિસ્તાન પણ ફાઇનાન્સિયલ એક્શન ટાસ્ક ફોર્સ (FATF) ના દબાણનો સામનો કરી રહ્યું હતું અને તેથી તે ખોટા કારણોસર હેડલાઇન્સ બનાવવા માંગતું ન હતું. ઘૂસણખોરી પર તેની અસર પડી. જો કે, 2021ના મધ્ય સુધીમાં, પાકિસ્તાન પર FATFનું દબાણ ઓછું થયું. આનાથી પાકિસ્તાનને ઘાટીમાં ફરી એકવાર મુશ્કેલી ઊભી કરવાનો અવકાશ મળ્યો છે.

    આ પણ વાંચો -50 વર્ષની અને 7 બાળકોની માતાને 20 વર્ષના યુવક સાથે થઈ ગયો પ્રેમ, પછી થયું એવું જે જાણીને દંગ રહી જશો

    સૂત્રોએ જણાવ્યું કે પાકિસ્તાને હવે પોતાની રણનીતિ બદલી છે. જમ્મુ-કાશ્મીર પોલીસના એક અધિકારીએ જણાવ્યું હતું. હવે ડ્રોન દ્વારા નાના હથિયારો મોકલીને હુમલા કરવામાં આવી રહ્યા છે. આમાં ઓવરગ્રાઉન્ડ વર્કરોનો પણ ઉપયોગ કરવામાં આવી રહ્યો છે. આવી સ્થિતિમાં આ લોકોને પકડવા મુશ્કેલ બની જાય છે. કારણ કે આ બધા લોકો પૂર્ણ સમયના આતંકવાદી નથી. તેઓ તેમના મિશનને પૂર્ણ કર્યા પછી હેન્ડલરને હથિયાર પરત કરે છે.
    Published by:Bhavyata Gadkari
    First published:

    Tags: Jammu and kashmir, Terrorists

    આગામી સમાચાર