પેપર લીક કૌભાંડમાં પોલીસ એક્શનમાં, 55 આરોપીઓની ધરપકડ, માસ્ટરમાઈન્ડ પણ ઝપટે ચડ્યો

ઉદયપુર. રાજસ્થાન પેપર લીક મામલે પોલીસ કાર્યવાહી ચાલી રહી છે. રાજસ્થાન પોલીસે રાજસ્થાન પબ્લિક સર્વિસ કમિશન (RPSC) શિક્ષક ભરતી પરીક્ષા પેપર લીક કેસમાં મુખ્ય સૂત્રધાર સહિત 55 લોકોની ધરપકડ કરી છે. ધરપકડ કરાયેલા આ 55માંથી મહિલાઓને બે દિવસના પોલીસ રિમાન્ડ પર મોકલવામાં આવી છે, જ્યારે પુરુષોને રવિવારે મેજિસ્ટ્રેટ સમક્ષ રજૂ કરાયા બાદ પાંચ દિવસના રિમાન્ડ પર મોકલવામાં આવ્યા છે.

રાજસ્થાન પેપર લીક કેસના માસ્ટરમાઇન્ડની પણ ધરપકડ

પોલીસના જણાવ્યા અનુસાર, આ કેસના માસ્ટર માઈન્ડની ઓળખ જાલોર જિલ્લાની એક સરકારી શાળામાં તૈનાત મુખ્ય શિક્ષક સુરેશ વિશ્નોઈ તરીકે થઈ છે. ઉદયપુરના એસપી વિકાસ શર્માએ જણાવ્યું હતું કે તેમને રાજ્યના વિવિધ વિસ્તારોમાંથી પેપર લીક થવાની ફરિયાદો મળી હતી અને ઉદયપુર પોલીસ અને સ્પેશિયલ ઓપરેશન ગ્રુપ (SOG) દ્વારા સંયુક્ત તપાસ શરૂ કરવામાં આવી હતી. પેપર લીકના કથિત માસ્ટર માઈન્ડની અન્યો સાથે ધરપકડ કરવામાં આવી છે.

આ પણ વાંચોઃ વધુ એક સુશાંત સિંહ રાજપુત? તુનિષા શર્માના મોતના આઘાતમાં સુશાંત સિંહની બહેને જાણો શું કહ્યું

ટોળકીએ 10 લાખ રૂપિયા લીધા હતા

ઉદયપુરના એસપી વિકાસ શર્માએ જણાવ્યું હતું કે આ ટોળકીએ 'સેકન્ડ ગ્રેડ ટીચર સ્પર્ધાત્મક પરીક્ષા 2022' માટેના પ્રશ્નપત્રો આપવા માટે ઉમેદવારો પાસેથી ગેરકાયદેસર રીતે 10 લાખ રૂપિયા લીધા હતા. તેમણે કહ્યું કે પોલીસ આ મામલે તપાસ કરી રહી છે.

29 જાન્યુઆરીએ ફરીથી પરીક્ષા લેવાશે

જણાવી દઈએ કે રાજસ્થાન પબ્લિક સર્વિસ કમિશન (RPSC) એ જનરલ નોલેજ માટેની સેકન્ડ ગ્રેડ ટીચર સ્પર્ધાત્મક પરીક્ષા 2022 રદ્દ કરી દીધી છે. પેપર લીક થયા બાદ રાજસ્થાન પબ્લિક સર્વિસ કમિશને આ નિર્ણય લીધો છે. હવે આ પરીક્ષા ફરીથી 29મી જાન્યુઆરીએ નક્કી કરવામાં આવી છે. રાજસ્થાન પબ્લિક સર્વિસ કમિશને એક નોટિફિકેશન બહાર પાડીને આ અંગે જાણકારી આપી છે.

સીએમ ગેહલોતે કહ્યું- સરકાર કોઈ ખલેલ પહોંચાડવા દેશે નહીં

તે જ સમયે, રાજસ્થાનના સીએમ અશોક ગેહલોતે કહ્યું કે સરકાર ઉમેદવારોને થતી અસુવિધાથી સારી રીતે વાકેફ છે, પરંતુ તે પરીક્ષામાં કોઈપણ પ્રકારની ગેરરીતિને થવા નહીં દે. આ દરમિયાન કેન્દ્રીય જલ શક્તિ મંત્રી અને જોધપુરના બીજેપી સાંસદ ગજેન્દ્ર સિંહ શેખાવતે પેપર લીક કેસની તપાસ સેન્ટ્રલ બ્યુરો ઓફ ઈન્વેસ્ટિગેશન (CBI) પાસે કરાવવાની માંગ કરી છે.

કેન્દ્રીય જલ શક્તિ મંત્રી શેખાવત સરકાર પર નિશાન સાધ્યું

કેન્દ્રીય જલ શક્તિ મંત્રી શેખાવતે અશોક ગેહલોત સરકાર પર નિશાન સાધ્યું છે. તેમણે કહ્યું કે કોંગ્રેસ સરકારની નિષ્ફળતાને કારણે વિદ્યાર્થીઓની મહેનત વ્યર્થ જઈ રહી છે. દરમિયાન, નેશનલ ડેમોક્રેટિક પાર્ટીએ રાજ્યભરની તમામ જિલ્લા કચેરીઓમાં પેપર લીકના વિરોધમાં વિરોધ માર્ચની જાહેરાત કરી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Paper leak, Rajasthan news