Football World Cup 2018

મધ્ય પ્રદેશમાં અમિત શાહે વધારી બીજેપી ધારાસભ્યોની મુશ્કેલીઓ

News18 Gujarati
Updated: June 13, 2018, 8:09 PM IST
મધ્ય પ્રદેશમાં અમિત શાહે વધારી બીજેપી ધારાસભ્યોની મુશ્કેલીઓ
ફાઇલ તસવીર
News18 Gujarati
Updated: June 13, 2018, 8:09 PM IST
ભારતીય જનતા પાર્ટીના રાષ્ટ્રીય અધ્યક્ષ અમિત શાહે મધ્ય પ્રદેશમાં ભાજપના નેતાઓ, ધારાસભ્યો અને મંત્રીઓની મુશ્કેલીઓ વધારી છે. અમિત શાહે ચોખ્ખો સંદેશો આપ્યો છે કે, આશરે 130 જેટલા ધારાસભ્યોની ટિકિટ કાપવામાં આવશે જેમની જીતની સંભાવના જ નથી. આ ઉપરાંત રાજ્યમાં કોંગ્રેસને નબળી સમજવાની ભૂલ ન કરાવનું પણ કહ્યું હતું.

મધ્ય પ્રદેશમાં ભારતીય જનતા પાર્ટીના સત્તા વિરોધી લહેરનો સામનો કરી રહી છે. અમિત શાહે પાછલી ત્રણ મુલાકાત દરમિયાન શિવરાજની જગ્યાએ સંગઠનના નામ ઉપર ચૂંટણી લડવાનો સંદેશો આપી રહ્યા છે. પરંતુ તાજેતરમાં કરેલા જબલપુરના પ્રવાસ દરમિયાન તેમણે પાર્ટીના નેતાઓને સંદેશો આપ્યો હતો કે, આ વખતે લડવું વધારે અઘરું બની જશે.

જબલપુરના ભેડાઘારમાં મંગળવારે બીજેપીના રાષ્ટ્રીય અધ્યક્ષ અમિત શાહની હાજરીમાં થયેલી બેઠકમાં વર્તમાન રાજકીય પરિસ્થિતિ અને ચૂંટણીમાં વિરોધ પક્ષ દ્વારા બનાવવામાં આવનારા મુદ્દાઓને લઇને ચર્ચા થઇ હતી. સુત્રોના જણાવ્યા પ્રમાણે ચૂંટણીમાં જે મુદ્દાઓથી વિપરિત અસર થવાની હોય એવા મુદ્દાઓને નષ્ટ કરવા માટે કહ્યું છે. તેમણે જીતનો ફોર્મ્યુલા બતાવ્યો હતો જેમાં ખેડૂત, વેપારી, આદિવાસીઓને ખુસ કરવાનું પણ કહ્યું છે.

અમિત શાહે ભલે મધ્ય પ્રદેશ ભાજપને સતર્ક કરી હોય પરંતુ એમપીના મંત્રી નરોત્તમ મિશ્રાએ કહ્યું કે, ભાજપ અધ્યક્ષ અમિત શાહ જ્યાં પણ ગયા છે ત્યાં ભાજપની સરકાર બની છે. સાથે સાથે તેમણે કોંગ્રેસ અધ્યક્ષ રાહુલ ગાંધઈ ઉપર નિશાન સાધતા કહ્યું કે તેઓ જ્યાં ગયા છે ત્યાં કોંગ્રેસ હારી છે.

અમિત શાહે જબલપુર પ્રવાસને લઇને મધ્ય પ્રદેશ કોંગ્રેસ અધ્યક્ષ કમલનાથે કહ્યું કે, પ્રદેશમાં ભાજપની જમીન ખસી રહી છે. એટલા માટે ભાજપના રાષ્ટ્રીય અધ્યક્ષ વારંવાર મધ્ય પ્રદેશની મુલાકાત લઇ રહ્યા છે. ભાજપને પોતાની હાર ચોખ્ખી દેખાઇ રહી છે.
First published: June 13, 2018
વધુ વાંચો
अगली ख़बर