આ 1962 નથી જો ઉલ્લંઘન કર્યું તો...તવાંગ પર અરુણાચલના CMની ચીનને ચેતવણી

નવી દિલ્હી: અરુણાચલ પ્રદેશના મુખ્યમંત્રી પેમા ખાંડુએ મંગળવારે કહ્યું કે ભારતીય સેના નિયમોનું ઉલ્લંઘન કરનારાઓને જડબાતોડ જવાબ આપશે. ખાંડુનું આ નિવેદન એવા સમયે આવ્યું છે જ્યારે થોડા દિવસો પહેલા તવાંગ સેક્ટરમાં ભારતીય અને ચીની સૈનિકો વચ્ચે અથડામણના સમાચાર સામે આવ્યા છે. ખાંડુએ ટ્વીટમાં કહ્યું, “યાંગત્સે મારા મતવિસ્તારમાં આવે છે અને દર વર્ષે હું આ વિસ્તારના જવાનો અને ગ્રામજનોને મળું છું. તે હવે 1962 નથી. જો કોઈ ઉલ્લંઘન કરવાનો પ્રયાસ કરશે તો આપણા બહાદુર સૈનિકો જડબાતોડ જવાબ આપશે.

આ પહેલા રક્ષા મંત્રી રાજનાથ સિંહે 9 ડિસેમ્બરે તવાંગના યાંગત્સેમાં બનેલી ઘટના પર મંગળવારે સંસદમાં નિવેદન આપ્યું હતું. સિંહે કહ્યું કે ચીની સૈનિકો LACનું ઉલ્લંઘન કરવાનો પ્રયાસ કરી રહ્યા હતા, જેના કારણે બંને દેશોના સૈનિકો વચ્ચે અથડામણ થઈ હતી. પરંતુ ભારતીય સૈનિકોએ "ચીની સૈનિકોને તેમની ચોકીઓ પર પાછા ફરવા દબાણ કર્યું અને તેમને જમીન પર કબજો કરતા અટકાવ્યા." તેમણે કહ્યું કે આ અથડામણમાં ભારતીય સૈનિકોને ન તો કોઈ જાનહાનિ થઈ હતી કે ન તો કોઈ ગંભીર ઈજા થઈ હતી. તેમણે કહ્યું કે આ મુદ્દો રાજદ્વારી સ્તરે ચીનની સાથે પણ ઉઠાવવામાં આવ્યો છે અને આવી કાર્યવાહી કરવાની મનાઈ કરવામાં આવી છે.

ભારતીય વાયુસેના એલએસી સાથે પરિસ્થિતિ પર નજીકથી દેખરેખ રાખે છે 

ભારતીય વાયુસેના અરુણાચલ પ્રદેશના તવાંગ સેક્ટરમાં સ્થિતી બદલવાના ચીનના દળો દ્વારા ગયા અઠવાડિયે કરાયેલા એકપક્ષીય પ્રયાસ બાદ રાજ્યમાં વાસ્તવિક નિયંત્રણ રેખા (LAC) પર સ્થિતી પર નજીકથી નજર રાખી રહી છે. રહી હતી તેમણે કહ્યું કે 9 ડિસેમ્બરે ચીન દ્વારા કરવામાં આવેલા ઉલ્લંઘનના પ્રયાસને ધ્યાનમાં રાખીને વાયુસેનાએ આ વિસ્તારમાં તેની સંપૂર્ણ દેખરેખ વધારી દીધી છે.

આ પણ વાંચોઃ ભારતીય નૌસેનામાં ઐતિહાસિક ક્ષણ: પહેલી વાર સ્પેશિયલ ફોર્સમાં કમાન્ડો બનશે મહિલાઓ

તમને જણાવી દઈએ કે પૂર્વી લદ્દાખમાં, બંને પક્ષો વચ્ચે 30 મહિનાથી વધુ સમયથી ચાલી રહેલી સરહદી અણબનાવ વચ્ચે, ગયા શુક્રવારે સંવેદનશીલ સેક્ટરમાં LAC પર યાંગત્સે નજીક અથડામણ થઈ હતી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: China army, China India, China soldiers