OMG! કોરોનાનો ડેટા શેર કરવાને બદલે આરોગ્ય મંત્રાલયે ભૂલથી શેર કરી દીધો અશ્લીલ વીડિયો

સોશિયલ મીડિયા પર દરેક વ્યક્તિ ભૂલ કરી શકે છે. ઘણી વાર લોકો આકસ્મિક રીતે ન કરવાનું પણ શેર કરી દે છે અને પછી તેઓએ તેને ઝડપથી કાઢી નાખવું પડે છે. પરંતુ જો સરકાર કે તેનું કોઈ મંત્રાલય આવી ભૂલ કરે તો મોટો વિવાદ સર્જાય છે. તાજેતરમાં કેનેડાના એક પ્રાંતમાં આવું જ કંઈક બન્યું જ્યાં મંત્રાલયના ટ્વિટર એકાઉન્ટ પર કોરોના રોગચાળાનો ડેટા શેર કરવાને બદલે અશ્લીલ સામગ્રી પોસ્ટ થઇ ગઇ.

ડેઈલી સ્ટારના અહેવાલ મુજબ, 14 એપ્રિલે કેનેડાના ક્યુબેકના આરોગ્ય વિભાગે ટ્વિટર પર એવી પોસ્ટ કરી કે લોકો તેમની મજાક ઉડાવવા લાગ્યા. આ પછી તેમણે તરત જ માફી માંગવી પડી હતી. હવે લોકો સવાલ ઉઠાવી રહ્યા છે કે શું ટ્વિટર એકાઉન્ટ હેન્ડલ કરનારા લોકો આવી વસ્તુઓ એક્સેસ કરી રહ્યા હતા, જેના કારણે તેમણે આ ભૂલ કરી.



આ પણ વાંચો - USA Shooting : સાઉથ કેરોલિનાના શોપિંગ મોલમાં ગોળીબાર, 12 લોકો ઘાયલ, 3 શંકાસ્પદ કસ્ટડીમાં

ક્યુબેકના આરોગ્ય વિભાગના ટ્વિટર પર 1 લાખથી વધુ ફોલોઅર્સ છે. તેઓને આશ્ચર્ય થયું જ્યારે આરોગ્ય વિભાગે ટ્વિટર પર એક લિંક શેર કરી, જેના પર એક અશ્લીલ વીડિયો ખુલી રહ્યો હતો. લગભગ અડધા કલાક પછી, વિભાગને આ ભૂલની જાણ થઈ અને તેણે તરત જ ટ્વિટર પરથી લિંકને કાઢી નાખી. આ પછી તેણે માફી પણ માંગવી પડી હતી. રિપોર્ટ અનુસાર, વિભાગ કોવિડ-19 સંબંધિત ડેટા પોસ્ટ કરવા જઈ રહ્યો હતો પરંતુ આકસ્મિક રીતે આ લિંક શેર કરી દેવામાં આવી, જેના કારણે હંગામો મચી ગયો.

આ પણ વાંચો - ભારત પ્રવાસે આવશે બ્રિટનનાં PM બોરિસ જોનસન, PM મોદીએ સાથે આ મુદ્દાઓ પર થશે ચર્ચા

ટ્વિટર પર માંગવામાં આવેલી માફીમાં, વિભાગે લખ્યું - “અમારા નિયંત્રણની બહારની પરિસ્થિતિને કારણે, અમારા ટ્વિટર એકાઉન્ટ પર અયોગ્ય સામગ્રી ધરાવતી લિંક પોસ્ટ કરવામાં આવી હતી. અમે કારણો શોધી રહ્યા છીએ. અસુવિધા બદલ અમે દિલગીર છીએ."આવી સ્થિતિમાં માફી માંગવી પણ આરોગ્ય વિભાગ માટે પૂરતું નહોતું કારણ કે ટ્વિટર યુઝર્સે તેને ટ્રોલ કરવાનું શરૂ કરી દીધું હતું. એક યુઝરે લખ્યું- હવે સરકાર જ બતાવશે આવી વસ્તુઓ! બીજાએ લખ્યું કે અમે ફક્ત કોરોના માહિતી જોવા માંગીએ છીએ. ત્રીજા વ્યક્તિએ લખ્યું કે ભવિષ્યમાં વિભાગ દ્વારા શેર કરવામાં આવેલી લિંક પર ક્લિક કરતા પહેલા આપણે સાવચેત રહેવું જોઈએ.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Canada