Russia-Ukraine War: યુદ્ધની આગમાં ભડકી મોંઘવારી, આખી દુનિયામાં ફુગાવો અને મંદીનો ખતરો વધ્યો

રશિયા-યુક્રેન યુદ્ધ (Russia-Ukraine War) વચ્ચે વિશ્વભરના દેશોએ નિકાસ પર પ્રતિબંધ (Ban On Export) લગાવવાનું શરૂ કરી દીધું છે. અમેરિકા અને અન્ય યુરોપિયન દેશોની સાથે લેબનોન, નાઈજીરિયા અને હંગેરી સહિત અન્ય ઘણા દેશો પણ આ રેસમાં સામેલ થયા છે. કેડિયા એડવાઇઝરીના ડાયરેક્ટર અજય કેડિયાએ જણાવ્યું હતું કે નિકાસ પર પ્રતિબંધ મૂકવાની આ દોડથી સમગ્ર વિશ્વમાં ઝડપી ફુગાવાનો ખતરો તો ઉભો થયો છે પરંતુ મંદીનો ભય પણ વધી ગયો છે.

બીજી તરફ યુએન ફૂડ એજન્સી (UN Food Agency)નું કહેવું છે કે રશિયા-યુક્રેન યુદ્ધના કારણે નિકાસ પર પ્રતિબંધના કારણે સમગ્ર વિશ્વમાં મોંઘવારી ઝડપથી વધી રહી છે. ખાદ્યતેલ અને ડેરી ઉત્પાદનોના ભાવમાં વધારાને કારણે ફેબ્રુઆરીમાં વિશ્વભરમાં ખાદ્ય ઉત્પાદનો (World Food Prices)નો ફુગાવો રેકોર્ડ સ્તરે પહોંચી ગયો છે. આ સમયગાળા દરમિયાન ખાદ્ય ઉત્પાદનોનો ફુગાવો વાર્ષિક ધોરણે 20.7 ટકા વધ્યો છે. ફૂડ એન્ડ એગ્રીકલ્ચર ઓર્ગેનાઈઝેશનનો ફૂડ પ્રાઈસ ઈન્ડેક્સ (The Food and Agriculture Organization’s Food Price Index) ફેબ્રુઆરીમાં વધીને 140.7 પોઈન્ટ પર પહોંચ્યો હતો જે જાન્યુઆરીમાં 135.4 પોઈન્ટ હતો.

અમેરિકાએ લક્ઝરી પ્રોડક્ટ્સ પર પ્રતિબંધ મૂક્યો છે

અમેરિકાએ રશિયા અને બેલારુસમાં નિકાસ થતી લક્ઝરી પ્રોડક્ટ્સ પર પ્રતિબંધ મૂક્યો છે. અમેરિકી વાણિજ્ય વિભાગનું કહેવું છે કે યુક્રેન પર હુમલા બાદ રશિયાએ વિશ્વભરમાં એક મોટા સંકટને જન્મ આપ્યો છે. આનો સામનો કરવા માટે યુદ્ધ અટકાવવું જરૂરી છે જેના માટે રશિયા પર પ્રતિબંધો લાદવામાં આવી રહ્યા છે. એ જ રીતે યુરોપિયન યુનિયને પણ રશિયામાં લક્ઝરી ઉત્પાદનોની નિકાસ પર પ્રતિબંધ મૂક્યો છે.

આ પણ વાંચો- Canada : ટોરન્ટોમાં ગમખ્વાર અકસ્માત, 5 ભારતીય વિદ્યાર્થીઓના મોત, 2 ઘાયલ

રશિયાએ 200 ઉત્પાદનો પર પ્રતિબંધ મૂક્યો

યુએસ અને અન્ય યુરોપિયન દેશો દ્વારા લાદવામાં આવેલા પ્રતિબંધોના જવાબમાં રશિયાએ પણ 200 થી વધુ ઉત્પાદનોની નિકાસ પર પ્રતિબંધ મૂક્યો છે. આ ઉત્પાદનોમાં ઊર્જા, ટેલિકોમ, મેડિકલ, વાહન, કૃષિ, લાકડું અને તેના ઉત્પાદનો અને ઇલેક્ટ્રિકલ સાધનોનો સમાવેશ થાય છે. મોસ્કોનું કહેવું છે કે આ તાર્કિક પગલું અન્ય દેશોના પ્રતિબંધોના જવાબમાં લેવામાં આવ્યું છે.

યુક્રેને ઘઉં સહિત અનેક ઉત્પાદનોની નિકાસ બંધ કરી દીધી

યુક્રેનિયન સરકારે ઘઉં, ઓટ્સ અને અન્ય ખાદ્ય ઉત્પાદનોની નિકાસ પર પણ પ્રતિબંધ મૂક્યો છે જે વૈશ્વિક ખાદ્ય પુરવઠા માટે મહત્વપૂર્ણ છે. યુક્રેનની સરકારનું કહેવું છે કે રશિયાના આકરા હુમલા દરમિયાન તેના નાગરિકોને ખાવા-પીવાની વસ્તુઓની કોઈ અછત ન પડે તે માટે આ ઉત્પાદનોની નિકાસ પર પ્રતિબંધ મૂકવામાં આવી રહ્યો છે. આ અઠવાડિયે રજૂ કરવામાં આવેલા નવા કૃષિ નિયમો હેઠળ બાજરી, ખાંડ, જીવંત પશુઓ, માંસ અને અન્ય ઉત્પાદનોની નિકાસ પણ બંધ કરવામાં આવી છે.

આ પણ વાંચો- Petrol-Diesel Price: સંસદમાં હરદીપ સિંહ પુરીએ કહ્યું- અમેરિકામાં 50 ટકા મોંઘું થયું પેટ્રોલ, ભારતમાં ફક્ત 5%

ઈન્ડોનેશિયાએ પામ ઓઈલ પર પ્રતિબંધ મૂક્યો છે

ઈન્ડોનેશિયાએ પામ ઓઈલની નિકાસ પર પણ પ્રતિબંધ લગાવી દીધો છે. આનાથી વૈશ્વિક ખાદ્ય કટોકટી વધી છે. ઈન્ડોનેશિયાના વેપાર મંત્રી મોહમ્મદ લુફ્તીનું કહેવું છે કે પામ ઓઈલની નિકાસ પર પ્રતિબંધ મુકવામાં આવ્યો છે જેથી કરીને આપણા દેશના નાગરિકોને પોસાય તેવા દરે તેલ સરળતાથી મળી રહે.

હંગેરી અને નાઈજીરિયા પણ રેસમાં સામેલ છે

હંગેરીએ પણ વધતી કિંમતો વચ્ચે અનાજની નિકાસ પર પ્રતિબંધ મૂક્યો છે. હંગેરીના કૃષિ પ્રધાન ઇસ્તવાન નાગીએ જણાવ્યું હતું કે યુક્રેન પર રશિયાના આક્રમણ બાદ કિંમતોમાં થયેલા વધારાને ધ્યાનમાં રાખીને આ પગલું લેવામાં આવ્યું છે. અગ્રણી જર્મન કૃષિ વેપાર જૂથ બેવા એજીએ હંગેરીના નિર્ણયની ટીકા કરી હતી. બીજી તરફ નાઈજીરિયાએ પણ વિદેશીઓને ખેડૂતો પાસેથી સીધી કૃષિ પેદાશો ખરીદવા પર પ્રતિબંધ મૂક્યો છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Economic Crisis, Russia and Ukraine War, Russia ukrain crisis, Russia ukraine crisis, Russia-Ukraine Conflict