નશો બન્યો દુશ્મનઃ માતાએ પૈસા ન આપ્યા તો પુત્રએ આપ્યો જીવ, લખ્યું- ચેતનને પૈસા આપી દેજો..

ઈન્દોર: ઈન્દોર શહેરમાં દિવસેને દિવસે નશાનો કારોબાર વધી રહ્યો છે. યુવાનો પણ નશાની હાલતમાં આત્મહત્યા કરી રહ્યા છે. ઈન્દોરના મલ્હારગંજ પોલીસ સ્ટેશન વિસ્તારમાં રહેતા એક યુવકને નશાના પાવડરનો સ્મગલર પૈસા માટે હેરાન કરી રહ્યો હતો. આથી, યુવકે ગળેફાંસો ખાઈ જીવનનો અંત આણ્યો હતો.

આ મામલો ઈન્દોરના મલ્હારગંજ પોલીસ સ્ટેશન વિસ્તારના ઈન્દ્રનગરનો છે. અહીં કલર પેઈન્ટીંગનું કામ કરતા રાહુલ નામના યુવકે આત્મહત્યા કરી લીધી હોવાના સમાચાર સામે આવ્યા છે. મૃતકના પરિવારજનોનો આક્ષેપ છે કે, આ વિસ્તારમાં રહેતો ચેતન નામનો યુવક રાહુલને નશીલો પાવડર આપતો હતો. તેણે રાહુલને વારંવાર નશો કરાવીને નશાની લત લગાવી દીધી હતી. તેના બદલે તે રાહુલ પાસેથી પૈસા લેતો હતો. ઘટનાના દિવસે પણ રાહુલ નશાની હાલતમાં ઘરે પહોંચ્યો હતો. તે પરિવારના સભ્યોને કહેતો હતો કે, તેણે ચેતનને પૈસા આપવાના છે, ચેતન ઘરે પૈસા માંગવા આવવાનો છે.

આ પણ વાંચો: કહાણીનો દુ:ખ અંત! પત્નીનું થયું મોત, પતિથી વિયોગ સહન ન થતા માત્ર 2 કલાકમાં આત્મહત્યા

યુવકે સુસાઇડ નોટ છોડી

મૃતક રાહુલ તેના પરિવારજનો પાસે પૈસાની માંગણી કરતો હતો, પરંતુ પરિવારજનોએ તેને પૈસા આપવાની ના પાડી દીધી હતી. આથી નારાજ થઈને રાહુલ ઉપરના રૂમમાં ગયો, જ્યાં તેણે ગળેફાંસો ખાઈ લીધો હતો. તેણે પોતાની સાથે એક સુસાઈડ નોટ પણ છોડી છે. સુસાઈડ નોટમાં રાહુલે લખ્યું છે કે, ચેતનને પાઉડરની કિંમત ચૂકવવી પડશે. તે પૈસાની માંગવા ઘરે આવવાનો છે. મૃતકના પરિવારજનોનો આરોપ છે કે, ચેતન નામનો નશીલા પાવડરનો વેપારી તેને પૈસા માટે હેરાન કરતો હતો.

પોલીસ કેસની તપાસમાં જોતરાઈ

પોલીસે યુવકના મૃતદેહને પોસ્ટમોર્ટમ માટે મોકલી આપ્યો છે. પોલીસ સુસાઈડ નોટમાં લખેલા ચેતન નામના યુવકને શોધી રહી છે. મૃતકના પરિવારજનોનું કહેવું છે કે, ચેતન નશીલા પાવડરનું વેચાણ કરે છે. તેણે રાહુલને ડ્રગ્સનો આદી બનાવી દીધો હતો. ત્યારબાદ તે રાહુલ પર પૈસા માંગવા માટે દબાણ કરતો હતો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Crime news, Madhya pradesh news, Suicide case