Home /News /national-international /

હવામાં જ ડગમગવા લાગ્યું ઇન્ડિગોનું વિમાન, ઇમરજન્સી લેન્ડિંગ બાદ સેવામાંથી બહાર કરાયું

હવામાં જ ડગમગવા લાગ્યું ઇન્ડિગોનું વિમાન, ઇમરજન્સી લેન્ડિંગ બાદ સેવામાંથી બહાર કરાયું

પ્રતિકાત્મક તસવીર

આ ઇન્ડિગોનું A320 વિમાન હતું, લેન્ડિંગ બાદ તેને તાત્કાલિક સેવામાંથી બહાર કરી દેવામાં આવ્યું હતું

    ન્યૂઝ18 ગુજરાતી : લખનઉથી જયપુર માટે રવાના થયેલા ઇન્ડિગોના એક વિમાનનું લખનઉ ખાતે ઇમરજન્સી લેન્ડિંગ કરાવવું પડ્યું હતું. વિમાનમાં પ્રેટ એન્ડ વ્હિટ્ની એન્જિન લગાવવામાં આવ્યું હતું. વિમાનના એન્જીનમાં ખરાબી આવવાને કારણે હવામાં જ તે ડગમગવા લાગ્યું હતું. આ ઇન્ડિગોનું A320 વિમાન હતું, લેન્ડિંગ બાદ તેને તાત્કાલિક સેવામાંથી બહાર કરી દેવામાં આવ્યું હતું.

    પ્રાપ્ત માહિતી પ્રમાણે લખનઉ એરપોર્ટથી ઉડાણ ભર્યાના થોડા જ સમયમાં પાયલટને લાગ્યું હતું કે વિમાન કંઈક વધારે જ ધ્રુજી રહ્યું છે. જે બાદમાં ફ્લાઇટ નંબર 6E-451નું લખનઉમાં ઇમરજન્સી લેન્ડિંગ કરાવવામાં આવ્યું હતું. લેન્ડિંગ બાદ વિમાનની તકનીક ટીમ તેની તપાસ કરી રહી છે.

    પ્રેટ એન્ડ વ્હિટ્ની(P&W)ના એન્જીનના ખરાબીના કારણે ઇન્ડિગોની પ્રતિસ્પર્ધી ગણાવી ગો-એરએ પણ પોતાના અમુક A320 નિયોને સેવામાંથી હટાવવા પડ્યા છે.

    ઇન્ડિગો એરલાઇન તરફથી આ અંગે જાહેર કરવામાં આવેલા નિવેદનમાં કહેવામાં આવ્યું છે કે, "21 જાન્યુઆરીના રોજ લખનઉથી જયપુર જઈ રહેલી ઇન્ડિગોની ફ્લાઇટ 6E-451ના બીજા નંબરના એન્જીનમાં પાયલટે ખૂબ વધારે ધ્રુજારી અનુભવી હતી. બાદમાં પાયલટે વિમાનનું ઇમરજન્સી લેન્ડિંગ કરાવવાનો નિર્ણય લીધો હતો."

     VIDEO:  સુરત એરપોર્ટને મળશે લિમિટેડ ઇન્ટરનેશનલ એરપોર્ટનો દરજ્જો

    વિમાનને હાલ લખનઉમાં રાખવામાં આવ્યું છે, તકનિકી ટીમ હાલ તેની તપાસ કરી રહી છે.

    આ અંગે એન્જીન બનાવનારી પીએન્ડડબ્લ્યૂ કંપનીનું કહેવું છે કે તે ઇન્ડિગો સાથે મળીને કામ કરશે, જેનાથી વિમાનના ઉડાણ દરમિયાન કોઈ સમસ્યા ન આવે.

    ઇન્ડિગોના આ વિમાને સોમવારે સાંજે 5 વાગ્યે લખનઉ જવા માટે ઉડાણ ભરી હતી, આ વિમાન 6:30 વાગ્યે જયપુરમાં લેન્ડ થવાનું હતું. ઉડાણ ભર્યાની 30-40 મિનિટમાં જ લખનઉ ખાતે તેનું ઇમરજન્સી લેન્ડિંગ કરાવવામાં આવ્યું હતું.
    Published by:Vinod Zankhaliya
    First published:

    Tags: Airline, Fllight, Go Air, INDIGO, Landing, Vistara, એરપોર્ટ

    विज्ञापन

    विज्ञापन

    આગામી સમાચાર

    विज्ञापन
    विज्ञापन