લંડનમાં ભારતના લોકતંત્ર પર સવાલ ઉઠ્યા - પીએમ મોદીએ રાહુલ ગાંધી પર નિશાન સાધ્યું

બેંગ્લોર : વડાપ્રધાન નરેન્દ્ર મોદીએ રવિવારે કોંગ્રેસ નેતા રાહુલ ગાંધીનું નામ લીધા વિના આડકતરી રીતે નિશાન સાધ્યું હતું. PM મોદીએ કહ્યું કે, લંડનમાં કેટલાક લોકોએ ભારતના લોકતંત્ર પર સવાલ ઉઠાવ્યા. આ સાથે તેમણે કહ્યું કે, ભારતની લોકશાહી પર સવાલ ઉઠાવવો એ દેશ અને તેના નાગરિકોની પરંપરા અને વારસાનું અપમાન છે.

PM મોદીએ કહ્યું, 'આજે તેઓ ભગવાન બસવેશ્વરની ભૂમિ પર છે, અને પોતાની જાતને ભાગ્યશાળી અનુભવી રહ્યા છે.  જોકે, તેમના નોંધપાત્ર યોગદાનમાંનું એક (Anubhava Mantapa) 'અનુભવ મંટપ'ની સ્થાપના હતી. તેમણે જણાવ્યું હતુ કે, આખું વિશ્વ આ લોકશાહી પ્રણાલીનો અભ્યાસ કરે છે, અને બીજી ઘણી બાબતો છે, જેના માટે આપણે કહી શકીએ કે, ભારત માત્ર સૌથી મોટી લોકશાહી જ નહીં પરંતુ લોકશાહીની માતા પણ છે. PM કહ્યું કે, તેઓ ભાગ્યશાળી છે કે, તેમને ભગવાન બસવેશ્વરની પ્રતિમાના અનાવરણ માટે લંડનમાં આમંત્રણ આપવામાં આવ્યું હતું.

તમને જણાવી દઈએ કે, આ દરમિયાન PM મોદીએ (PM Narendra Modi) કર્ણાટકના હુબલી-ધારવાડમાં ઘણી વિકાસ યોજનાઓનો શિલાન્યાસ કર્યો હતો. અને ઘણી વિકાસ યોજનાઓને સમર્પિત કરી. તે જ સમયે, વડા પ્રધાને વધુમાં કહ્યું કે, એવી કોઈ શક્તિ નથી કે, જે ભારતીય લોકશાહીને નબળી કરી શકે.

આ પણ વાંચો : ઈલોન મસ્ક પોતાનું નવું શહેર બનાવશે, જાણો ક્યાં હશે અને શું છે તેનું કારણ...

ચૂંટણીનું બ્યુગલ ફૂંકતા PM મોદીએ કહ્યું કે, આ દુર્ભાગ્યપૂર્ણ છે કે, લંડનની ધરતી પરથી ભારતીય લોકતંત્ર પર સવાલો ઉઠાવવામાં આવી રહ્યા છે. એવી કોઈ શક્તિ નથી કે, જે ભારતીય લોકતંત્રને નબળું પાડી શકે. પરંતુ તેમ છતાં કેટલાક લોકો દ્વારા ભારતીય લોકશાહી પર પ્રહાર કરવાના સતત પ્રયાસો કરવામાં આવી રહ્યા છે. આ લોકો ભગવાન બસવેશ્વર, કર્ણાટકના લોકો અને ભારતના લોકોનું અપમાન કરી રહ્યા છે. કર્ણાટકને આવા લોકોથી દૂર રહેવું જોઈએ.

નોંધપાત્ર રીતે, રાહુલ ગાંધીની યુકેની તાજેતરની મુલાકાત ભાજપ અને કોંગ્રેસ વચ્ચે ઝઘડો બની રહી છે, કારણ કે, લંડનમાં અનેક કાર્યક્રમોમાં તેમના ભાષણોમાં રાહુલ ગાંધીએ PM મોદી, 'લોકશાહી પર હુમલો', ચીનનો મુદ્દો વગેરે પર વાત કરી હતી. તેમના કેમ્બ્રિજ ભાષણમાં રાહુલ ગાંધીએ સમજાવ્યું કે, ભારત જોડો યાત્રાની જરૂરિયાત કેમ અનુભવાઈ, જેમાં તેમણે કહ્યું કે, ભારતમાં લોકશાહી પર હુમલો થઈ રહ્યો છે, અને વિપક્ષી નેતાઓને સંસદમાં બોલવાની મંજૂરી નથી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Constitution, Narendra modi speech, Rahul gandhi latest news