શિકાગો એરપોર્ટ પર એક ભારતીય નાગરિક વાયગ્રાની 3,200 ટેબ્લેટ્સ સાથે ઝડપાયો

પ્રતીકાત્મક તસવીર

અધિકારીઓ તરફથી કહેવામાં આવ્યું છે કે, મુસાફરને જ્યારે આટલી મોટી માત્રામાં ટેબ્લેટ્સ લાવવાનું કારણ પૂછવામાં આવ્યું ત્યારે તે સંતોષકારક જવાબ આપી શક્યો ન હતો.

  • Share this:
    નવી દિલ્હી: શિકાગો એરપોર્ટ (Chicago airport) ખાતેથી એક ભારતીયની ધરપકડ કરવામાં આવી છે. વ્યક્તિ પાસે આશરે 96 હજાર અમેરિકન ડોલર (USD)ની કિંમતની 3,200 વાયગ્ર ગોળી (3200 Viagra pills) મળી આવી છે. યુએસ અધિકારીઓએ આ માહિતી આપી હતી. પોલીસ તરફથી આ વ્યક્તિની ઓળખ જાહેર કરવામાં આવી નથી. મળતી માહિતી પ્રમાણે મુસાફર ભારતના પ્રવાસ બાદ અમેરિકા પરત ફર્યો હતો. આ દરમિયાન બેગેજ સ્કેન દરમિયાન બેગની અંદર વાયગ્રા ગોળીઓનો જથ્થો હોવાનું સામે આવ્યું હતું. યુએસ કસ્ટમ્સ એન્ડ બોર્ડર પ્રૉટેક્શન (CBP) તરફથી જાહેર કરાયેલા એક નિવેદનમાં આ વાત કહેવામાં આવી હતી.

    અધિકારીઓ તરફથી કહેવામાં આવ્યું છે કે, મુસાફરને જ્યારે આટલી મોટી માત્રામાં ટેબ્લેટ્સ લાવવાનું કારણ પૂછવામાં આવ્યું ત્યારે તે સંતોષકારક જવાબ આપી શક્યો ન હતો. આથી તેની ધરપકડ કરવામાં આવી હતી.

    CBP તરફથી એક નિવેદનમાં કહેવામાં આવ્યું છે કે, "બેગેજ સ્કેનિંગ દરમિયાન માલુમ પડ્યું હતું કે એક વ્યક્તિ પાસે 3,200 જેટલી Sildenafil Citrate tablets છે. વ્યક્તિને જ્યારે આ અંગે પૂછવામાં આવ્યું ત્યારે તેણે આ દવાનો જથ્થો તેમના મિત્રોનો હોવાનું જણાવ્યું હતું, જેમની સારવાર ભારતમાં ચાલી રહી હોવાનો દાવો કર્યો હતો.

    આ પણ વાંચો: વલસાડ: લગ્ન મંડપમાં પીઠી ચોળવાની વિધિ ચાલી હતી અને પોલીસ ત્રાટકી, શિક્ષક વરરાજાની ધોલાઈ!

    સીબીપી તરફથી વધુમાં કહેવામાં આવ્યું હતું કે, ગેરકાયદે રીતે દવાને અમેરિકામાં લાવવા બદલ વ્યક્તિ પાસે રહેલી તમામ દવા જપ્ત કરવામાં આવી છે. આ તમામ દવાની કિંમત આશરે 96,608 અમેરિકન ડોલર જેટલી થાય છે.

    આ પણ વાંચો: ભાજપના સભ્યો જ દારૂ-જુગારના અડ્ડા અને ક્લબો ચલાવે છે: કૉંગ્રેસ MLA ગેનીબેન ઠાકોરનો આક્ષેપ

    સીબીપીના કહેવા પ્રમાણે ફૂડ એન્ડ ડ્રગ્સના સામાન્ય નિયમ પ્રમાણે જે દવા માટે પ્રિસ્ક્રિપ્શનની જરૂરી હોય અને અમેરિકા બહાર ખરીદવામાં આવી હોય તેની આયાતની છૂટ મળતી નથી.

    શિકાગો એરિયા પોર્ટ ડિરેક્ટર શાને ચેમ્પબેલે જણાવ્યું હતું કે, "મુસાફરો દ્વારા લાવવામાં આવતી વસ્તુઓ પર અમારા ઇન્સ્પેક્ટરો નજર રાખતા હોય છે. અમુક મુસાફરો અમારા અધિકારીઓથી વસ્તુઓ છૂપાવતા હોય છે. આ ખરેખર ખતરનાક સાબિત થઈ શકે છે. આ કેસમાં અમારા અધિકારીઓએ દવાની જથ્થો અમેરિકામાં પ્રવેશ થતો અટકાવ્યો હતો અને અમારા સમાજને થનારું નુકસાન અટકાવી દીધું છે."
    Published by:Vinod Zankhaliya
    First published: