Helicopter Crash: અરુણાચલ પ્રદેશમાં ભારતીય સેનાનું હેલીકોપ્ટર ક્રેશ, પાયલટ ગુમ

વી દિલ્હી: અરુણાચલ પ્રદેશમાં મોટી દુર્ઘટનાના સમાચાર આવી રહ્યા છે. રાજ્યના મંડલા પહાડી વિસ્તારમાં ભારતીય સેનાનુ એક ચીતા હેલીકોપ્ટર ક્રેશ થઈ ગયું છે. આ દુર્ઘટના બાદ પાયલટની શોધખોળ કરવા માટે સર્ચ ઓપરેશન હાથ ધરવામાં આવ્યું છે. ઘટના કેવી રીતે થઈ તેની જાણકારી હાલમાં સામે આવી નથી. દુર્ઘટનામાં ગુમ થયેલા પાયલટને શોધવામાં આવી રહ્યો છે.

આ પણ વાંચો: OMG: બે હાથ નથી પણ પગથી લખીને આપે બોર્ડની પરીક્ષા, મોતીના દાણા જેવા છે તેના અક્ષર

ક્રેશને લઈને ગુવાહટી ડિફેન્સ પીઆરઓ લેફ્ટિનેંટ કર્નલ મહેન્દ્ર રાવતે જણાવ્યુ કે, અરુણાચલ પ્રદેશના બોમડિલા નજીક ઓપરેશન સોર્ટી ઉડાન ભરી રહેલા એક ચીતા હેલીકોપ્ટરનું ગુરુવારે સવારે 9.15 કલાકે એટીસી સાથેની સંપર્ક તૂટી જવાની સૂચના મળી હતી. તેમણે કહ્યું કે, હેલીકોપ્ટર બોમડિલાના પશ્ચિમ મંડલા નજીક દુર્ઘટનાગ્રસ્ત થયું હોવાનું સૂચના મળી છે. હાલમાં આ વિસ્તારમાં સર્ચ ઓપરેશન ચાલી રહ્યું છે.

Indian Army Cheetah helicopter has crashed near Mandala hills area of Arunachal Pradesh. Search operation for the pilots has started. More details awaited: Army sources pic.twitter.com/fqD0uu767w

— ANI (@ANI) March 16, 2023

આપને જણાવી દઈએ કે, માર્ચ 2022માં જમ્મુ કાશ્મીરમાં પણ ચીતાનું એક હેલીકોપ્ટર ક્રેશ થયું હતું. આ દુર્ઘટનામાં બે પાયલટમાંથી એકનું મોત થઈ ગયું જ્યારે એકને ગંભીર રીતે ઈજા થઈ હતી. દુર્ઘટના માટે ખરાબ હવામાન જવાબદાર હતું. આ દુર્ઘટના ત્યારે થઈ હતી, જ્યારે હેલીકોપ્ટર લેંડીંગ થવાનું હતું અને હવામાન ખરાબ હોવાના કારણે બેકાબૂ થઈ ગયું હતું.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Helicopter-crash