'રાહુલ ગાંધીને ખબર નથી, ભારતમાં ક્યારેય વીજળી સંકટ આવી શકે નહીં' - કેન્દ્રીય ઉર્જા મંત્રી

ભારતમાં ક્યારેય પાવર કટોકટી (Electricity Crisis India) ન થઈ શકે, કારણ કે આપણી પાસે 23 મિલિયન ટન કોલસો અનામત છે. આમ છતાં અરવિંદ કેજરીવાલ (Arvind Kejriwal) અને હવે કોંગ્રેસના પૂર્વ રાષ્ટ્રીય અધ્યક્ષ રાહુલ ગાંધી (Rahul Gandhi) દેશમાં કોલસાની (Coal) અછત અને આવનારા દિવસોમાં વિજળી સંકટની વાત કરી રહ્યા છે. આ વાતો કેન્દ્રીય ઉર્જા મંત્રી આરકે સિંહે (Union Energy Minister RK Singh) આજે અરાહમાં એક પ્રેસ કોન્ફરન્સ દરમિયાન કહી હતી.

કોંગ્રેસ નેતા રાહુલ ગાંધી પર કટાક્ષ કરતા આરકે સિંહે કહ્યું કે રાહુલ ગાંધી પાસે કોઈ માહિતી નથી અને તેઓ જે સાંભળ્યું છે તે જાણ્યા વગર માત્ર ટ્વીટ કરે છે. આરકે સિંહે કહ્યું કે આગામી દિવસોમાં પણ ભારતમાં વીજળીનું સંકટ નહીં આવે. કેન્દ્રીય મંત્રી આરકે સિંહ મુખ્યત્વે 23 એપ્રિલે જિલ્લાના જગદીશપુર ખાતે યોજાનાર વિજયોત્સવની ઉજવણી અને કેન્દ્રીય ગૃહ મંત્રીના કાર્યક્રમ વિશે માહિતી આપવા માટે પ્રેસને સંબોધિત કરી રહ્યા હતા.

આ પણ વાંચો: શું સચિન પાયલટ બનશે મુખ્યમંત્રી? જાણો સોનિયા ગાંધી સાથેની મુલાકાતમાં શું થયું ?

વિજયોત્સવ વિશે માહિતી આપતાં કેન્દ્રીય મંત્રીએ કહ્યું કે કલા અને સંસ્કૃતિ મંત્રાલય દ્વારા આયોજિત આઝાદીના અમૃત મહોત્સવ અંતર્ગત 23મી એપ્રિલે જગદીશપુરમાં આયોજિત વિજયોત્સવને લાખો લોકો જોશે.

આ દિવસે એકસાથે લગભગ એક લાખ રાષ્ટ્રધ્વજ ફરકાવવામાં આવશે, જે પોતાનામાં અજોડ હશે અને બાબુ વીર કુંવર સિંહને સાચી શ્રદ્ધાંજલિ હશે. વીર કુંવર સિંહના જન્મસ્થળ જગદીશપુરને પર્યટન સ્થળ બનાવવા અને તેમના ગઢ સહિત અન્ય સ્થળોના વિકાસના પ્રશ્ન પર આર.કે.સિંહે કહ્યું કે જગદીશપુરનો આગામી દિવસોમાં વિકાસ કરવામાં આવશે.

આ પણ વાંચો: કુદરતનો કરિશ્મા : પૂરમાં ફસાયેલું બાળક જીવ બચાવવા ફ્રિજમાં ઘુસી ગયું, 20 કલાક બાદ થયુ એવું કે...

આ સાથે તેમના જીવન ચરિત્ર પર પણ સંશોધન થવું જોઈએ. આ સાથે આરકે સિંહે પ્રેસ કોન્ફરન્સ દરમિયાન ભવિષ્યમાં જગદીશપુરને રેલ દ્વારા જોડવાની વાત પણ કરી હતી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર