Home /News /national-international /

વધતા કોરોનાના કહેરમાં રાહત આપશે IITના પ્રોફેસરનું આ વિશ્લેષણ! માત્ર થોડા દિવસોમાં સમાપ્ત થશે ત્રીજી લહેર

વધતા કોરોનાના કહેરમાં રાહત આપશે IITના પ્રોફેસરનું આ વિશ્લેષણ! માત્ર થોડા દિવસોમાં સમાપ્ત થશે ત્રીજી લહેર

Corona News: તેમણે કહ્યું, 'મુંબઈમાં કોરોનાની ત્રીજી લહેર આ મહિનાના મધ્યમાં તેની ટોચ પર પહોંચવાની શક્યતા છે

Corona News: તેમણે કહ્યું, 'મુંબઈમાં કોરોનાની ત્રીજી લહેર આ મહિનાના મધ્યમાં તેની ટોચ પર પહોંચવાની શક્યતા છે

    નવી દિલ્હી: દેશમાં ઝડપથી વધી રહેલા કોરોનાવાયરસ (Coronavirus in India) સંક્રમણના આંકડા હવે ડરાવવા લાગ્યા છે. સોમવારે સ્વાસ્થ્ય મંત્રાલય દ્વારા જાહેર કરવામાં આવેલા આંકડા અનુસાર, દેશમાં 24 કલાકમાં કોરોના વાયરસના સંક્રમણના 1,79,723 નવા કેસ નોંધાયા છે. આ જ સમયગાળામાં કોરોનાને કારણે 146 લોકોના મોત થયા છે. કોરોનાના સક્રિય કેસ વધીને 7,23,619 થઈ ગયા છે. તે જ સમયે, દૈનિક પોઝિટિવીટી દર વધીને 13.29 ટકા થઈ ગયો છે. આ સાથે, હવે દેશમાં ઓમિક્રોન સંક્રમણનો કુલ આંકડો વધીને 4033 થઈ ગયો છે. આ બધાની વચ્ચે નિષ્ણાતો એવી પણ આશંકા વ્યક્ત કરી રહ્યા છે કે, દિલ્હી, મુંબઈ સહિત દેશના કેટલાક ભાગોમાં કોરોનાનું ત્રીજી લહેર આવી ગઇ છે.

    IIT કાનપુરના પ્રોફેસર અને ગણિતશાસ્ત્રી મનિંદ અગ્રવાલે, આ અંગે પોતાના અભ્યાસ વિશે વાત કરી છે. તેમનો દાવો છે કે, જાન્યુઆરીના અંત સુધીમાં ભારતમાં કોરોના સંક્રમણના 8 લાખ કેસ જોવા મળી શકે છે. આ સાથે તેમણે એ પણ જણાવ્યું કે દેશમાં કોરોનાની ત્રીજી લહેર ક્યારે સમાપ્ત થશે. તેમણે કહ્યું, 'મુંબઈમાં કોરોનાની ત્રીજી લહેર આ મહિનાના મધ્યમાં તેની ટોચ પર પહોંચવાની આશા છે. હવે બહુ દૂર નથી. દિલ્હી માટે પણ એવું જ છે.

    આ પણ વાંચો - Jammu-Kashmir: ભારે હિમવર્ષા વચ્ચે સેનાએ 6.5 કિમી ચાલીને સગર્ભાને હોસ્પિટલ પહોંચાડી, જુઓ VIDEO

    તેમનું કહેવું છે કે, 'હાલની પ્રાથમિક ગણતરી પ્રમાણે, અમે આશંકા વ્યક્ત કરીએ છીએ કે, દિલ્હીમાં કોરોનાનું ત્રીજું મોજું આવતા મહિને એટલે કે, ફેબ્રુઆરીની શરૂઆતમાં તેની ચરમસીમાએ પહોંચશે.' તેમણે કહ્યું, 'દિલ્હી અને મુંબઈના કોરોના ગ્રાફ જેટલી ઝડપથી ઉપર ગયા ત્યાં તેમની એટલી જ ઝડપથી નીચે આવવાની શક્યતા છે. આખા દેશનો ગ્રાફ હમણાં જ વધવા લાગ્યો છે. તેને તેની ટોચ પર પહોંચવામાં અને નીચે આવવા માટે હજુ એક મહિનો લાગવો જોઈએ. ભારતમાં રોગચાળાની ત્રીજી લહેર માર્ચના મધ્ય સુધીમાં સમાપ્ત થવાની સંભાવના છે.

    આ પણ વાંચો - ભારતમાં નવા કોરોના કેસમાં 12.5%નો વધારો, ઓમિક્રોનના નવા 410 કેસ નોંધાયા

    લોકડાઉન અંગે મનિંદ અગ્રવાલ કહે છે કે, પ્રથમ લહેરમાં ખૂબ જ કડક લોકડાઉને કોરોનાનો ફેલાવો બેગણો ઓછો કરી દીધો હતો. બીજી લહેર દરમિયાન, વિવિધ રાજ્યોએ અલગ-અલગ વ્યૂહરચના અપનાવી હતી. જે રાજ્યોએ હળવા કે મધ્યમ લોકડાઉનનો યોગ્ય રીતે અમલ કર્યો હતો તેણે પણ કોરોના સંક્રમણ ઘટાડવામાં મદદ કરી. તેઓ કહે છે કે, કડક લોકડાઉન હંમેશા વધુ મદદ કરે છે પરંતુ તેના પરિણામે ઘણા લોકોની આજીવિકા સંપૂર્ણપણે ખોરવાઈ જાય છે.

    આપણે હંમેશા કોવિડ મૃત્યુ વિશે વાત કરીએ છીએ, પરંતુ આપણે કેટલીક વખત આજીવિકા ગુમાવવાના કારણે મૃત્યુ વિશે પણ વાત કરવી જોઈએ.
    Published by:Kaushal Pancholi
    First published:

    Tags: Coronavirus, COVID-19, ભારત

    આગામી સમાચાર