ભારત-ચીન વચ્ચે તણાવ ઘટ્યો : પેંગોંગ લૅક પરથી પણ ચીને પોતાના સૈનિકો ઓછા કર્યાં- સૂત્ર

News18 Gujarati
Updated: July 7, 2020, 6:32 PM IST
ભારત-ચીન વચ્ચે તણાવ ઘટ્યો : પેંગોંગ લૅક પરથી પણ ચીને પોતાના સૈનિકો ઓછા કર્યાં- સૂત્ર
ફાઇલ તસવીર

India-China Faceoff : ભારતીય સેનાના સૂત્રો તરફથી આપવામાં આવેલી જાણકારી પ્રમાણે ચીનની સેનાએ સોમવારે જ LAC નજીક પોતાના અસ્થાયી ટેન્ટ્સ હટાવવાનું શરૂ કરી દીધું હતું.

  • Share this:
સંદીપ બોલ, નવી દિલ્હી : ભારતીય સુરક્ષા સલાહકાર અજિત ડોભાલ (Ajit Doval) અને ચીનના વિદેશ મંત્રી વાંગ યી (Wang Yi) વચ્ચે થયેલી વાતચીતની અસર દેખાવા લાગી છે. ભારતીય સેનાના સૂત્રો તરફથી આપવામાં આવેલી જાણકારી પ્રમાણે ચીનની સેનાએ સોમવારે જ LAC નજીક પોતાના અસ્થાયી ટેન્ટ્સ હટાવવાનું શરૂ કરી દીધું હતું. હૉટ સ્પ્રિંગ અને ગોગરા વિસ્તારમાં પણ સેનાને પરત બોલાવવાનું કામ શરૂ કરવામાં આવ્યું છે, આ કામ થોડા દિવસોમાં પૂર્ણ કરવામાં આવશે. નોંધનીય છે કે LAC નજીકથી સૈન્યને પરત બોલાવવા અંગે બંને દેશ વચ્ચે સહમતિ થઈ છે. ભારત અને ચીનની સેના વાસ્તવિક નિયંત્રણ રેખાથી આશરે એકથી દોઢ કિલોમીટર પાછી હટશે.

સંખ્યાબળમાં ઘટાડો

સૂત્રોના જણાવ્યા પ્રમાણે ચીન તરફના પેંગોગ લેક ખાતે ફિંગર ચાર પર હયાત ચીનના સૈનિકોની સંખ્યા ઘટી છે. અમુક ટેન્ટ્સ પણ હટાવવામાં આવ્યા છે. પરંતુ PLA સંપૂર્ણ પાછી નથી હટી. પ્રાપ્ત વિગત પ્રમાણે પહેલા સ્ટેપમાં ચીન ફિંગર ચારથી ફિંગર પાંચ સુધી પાછળ હટશે. જે બાદમાં ત્રણથી ચાર અઠવાડિયા સુધી દેખરેખ અને ખરાઈ ચાલશે.

વિશેષ પ્રતિનિધિ વચ્ચે વાતચીત

નોંધનીય છે કે ભારત અને ચીનના સૈન્ય અધિકારીઓ વચ્ચે ત્રણ રાઉન્ડ બેઠક બાદ કોઈ સહમતિ બની ન હતી. જે બાદમાં ભારત તરફથી વિશેષ પ્રતિનિધિ નિમણૂક કરવામાં આવેલા એનએસએ અજિત ડોભાલ અને ચીનના વિદેશ મંત્રી વાંગ યીની વાતચીત બાદ પરસ્પર સહમતિ થઈ હતી.

બંને વિશેષ પ્રતિનિધિઓ વચ્ચે સરહદ વિવાદ અંગે ખુલ્લીને વિસ્તારથી વાતચીત થઈ હતી. વાતચીત દરમિયાન એ વાત પર સહમતિ બની કે ચીન અને ભારત બંને વાસ્તવિક નિયંત્રણ રેખા પરથી પોતાનું સૈન્ય પાછું હટાવશે. આ કામ તબક્કાવાર કરવામાં આવશે. વાસ્તવિક નિયંત્રણ રેખાનું સન્માન કરવામાં આવશે. આ ઉપરાંત ભવિષ્યમાં પણ આવી પરિસ્થિતિ ઊભી નહીં થવા દેવામાં આવે જેનાથી શાંતિ પર ખતરો ઊભો થાય. સાથે જ એ વાત પર સહમતિ બની કે બંને દેશ વચ્ચે સૈન્ય તેમજ રાજનીતિક સ્તર પર વાતચીત ચાલુ રહેવી જોઈએ.

અજિત ડોભાલ આગળ પણ વાત ક રશે

બંને દેશ વચ્ચે એ વાત પર સહમતિ બની કે બંને દેશના પ્રતિનિધિઓ ભવિષ્યમાં પણ આ મુદ્દે વાતચીત ચાલુ રાખશે. આ વાતચીત અન્ય તમામ સ્તરની વાતચીત સાથે ચાલુ રહેશે. એટલે કે સૈન્યના સ્તરે અને રાજનીતિક સ્તરે વાતચીત ચાલુ રહેશે. આવું એ માટે કરવામાં આવ્યું છે જેનાથી ભવિષ્યમાં પણ કોઈ સીમા પર કોઈ મોટો વિવાદને ટાળી શકાય. સીમા પર બંને દેશ પ્રોટકોલોનું પાલન કરી રહ્યા છે કે નહીં તેના પર ચીન અને ભારતના બંને પ્રતિનિધિઓની નજર રહેશે.
Published by: Vinod Zankhaliya
First published: July 7, 2020, 6:14 PM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading