અહો આશ્ચર્યમ્! મહિલાએ બે માથા, 4 હાથ-પગ અને શરીર સાથે જોડાયેલા બાળકોને આપ્યો જન્મ

રાજસ્થાનના નાગૌર (Rajasthan Nagor)ના મેર્ટા સિટીની રામ હોસ્પિટલ અને રિસર્ચ સેન્ટરમાં બે માથા, ચાર હાથ-પગ, બંને છાતી સાથે જોડાયેલા જોડિયા બાળકોનો જન્મ (twins baby with 2 heads, 4 arms-legs) થયો છે. હોસ્પિટલના મેનેજમેન્ટના વડા રામસ્વરૂપ ભાનુએ જણાવ્યું હતું કે, કુચેરા નજીક બાસની ગામની રહેવાસી જિતેન્દ્ર નાયકની પત્ની લલિતા (23)ને ડિલિવરી માટે હોસ્પિટલમાં લાવવામાં આવી હતી. ડોકટરોની ટીમને ડિલિવરી પહેલા જ સોનોગ્રાફીથી બાળકોને અસામાન્ય હોવાનું જાણવા મળ્યું હતું.

છાતીથી જોડાયેલા છે બાળકો

આવી સ્થિતિમાં તેણે સફળતાપૂર્વક ઓપરેશન કર્યું અને ડિલિવરી કરી હતી. બાળકોને જોઈને તેઓ પણ આશ્ચર્યમાં પડી ગયા હતા. જે બાળકનો જન્મ થયો હતો તેને બે માથા, ચાર-ચાર હાથ-પગ હતા. પરંતુ બંને છાતીથી સાથે જોડાયેલા જોવા મળ્યા હતા. બાળ નિષ્ણાંત ડો. બળદેવ ચૌધરીએ જણાવ્યું હતું કે આવી ડિલિવરીને મેડિકલમાં થોરેકોપેગસ કહેવામાં આવે છે. કોણ છે આ જોઈન્ટ ટ્વિન? આવા કિસ્સાઓમાં, 75 ટકા કિસ્સાઓમાં એક જ હૃદય હોય છે. અલગ થવામાં આ સૌથી મોટી સમસ્યા છે. ક્યારેક લીવર પણ એક હોઈ શકે છે.

ખૂબ જ દુર્લભ છે આ કેસ

હાલ તો બાળકો સ્વસ્થ હોવાનું કહેવાય છે. ડોક્ટરોના જણાવ્યા મુજબ દોઢથી બે લાખ કેસમાં આવા એકાદ-બે કેસ નોંધાય છે. આ જ ગાયનેકોલોજિસ્ટ ડો.મનીષકુમાર સૈનીએ જણાવ્યું હતું કે, બાળકો જોડાયેલા હોવાને કારણે નોર્મલ ડિલિવરી કરાવવી અસંભવ છે. બાળકો છાતી સાથે જોડાયેલા હોય છે. બાળકોનું વજન 4 કિલો છે. આવો જ એક કિસ્સો દોઢથી બે લાખમાં સામે આવે છે. આવા કિસ્સાઓમાં બાળકોના બચવાની સંભાવના ખૂબ ઓછી હોય છે. એવું નથી કે તે જીવી શકતું નથી. દુનિયામાં આવા અનેક બાળકો રહે છે.

આ પણ વાંચો- હોંઠ, ગાલ અને બીજી આ જગ્યાઓ પર કિસ કરવાનો થાય છે આ મતલબ

જોધપુર AIIMS કરશે તપાસ

હાલ મેર્ટાના ડોક્ટરોની ટીમે બાળકોને સારવાર અને પરામર્શ માટે જોધપુર એઇમ્સમાં રિફર કર્યા છે. ત્યાં નિષ્ણાંત તબીબોની ટીમ એમઆરઆઈ, સીટી સ્કેન અને અન્ય ઘણા ટેસ્ટ કરશે. તે તપાસ અહેવાલો પછી જ ખબર પડશે કે સર્જરી દ્વારા બંને બાળકોના શરીરને અલગ કરી શકાય છે કે નહીં.

આ પણ વાંચો- ગુજરાતમાં વરસાદને લઈને હવામાન વિભાગની આગાહી, હજુ આટલા દિવસ પડશે વરસાદ

આ કોઇ પહેલો કેસ નથી

વર્ષો પહેલા 14 જૂન, 2003ના રોજ નવી દિલ્હીની કૃપલાની હોસ્પિટલમાં આવી જ એક ડિલિવરી થઈ હતી. બંને બાળકોના દેહ એકબીજા સાથે જોડાયેલા હતા. બંને બાળકો સોહના સિંહ અને મોહના સિંહ તરીકે જાણીતા છે. એક વર્ષ પહેલાં 11 ડિસેમ્બર, 2021ના રોજ તેમને પંજાબ વિદ્યુત વિભાગમાં સરકારી નોકરી પણ મળી હતી. આ બંને અમૃતસરના રહેવાસી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: New born baby, Rajasthan latest news, Rajasthan news