બોટલવાળુ પાણી પીતા હોવ તો સાવધાન, આજથી જ કરી દેજો બંધ: નવા રિસર્ચમાં થયો મોટો ખુલાસો

ભારતમાં મોટા ભાગના લોકો બોટલવાળુ પાણી પીતા હોય છે. જ્યારે પણ આપણે ક્યાંક બહાર જઈએ છીએ અથવા મુસાફરી કરતા હોય અને તરસ લાગે તો, કંઈ પણ વિચાર્યા વગર સૌથી પહેલા એક પાણીની બોટલ ખરીદી લેતા હોઈએ છીએ. રોડ પર, દુકાનોમાં પાણીની બોટલો મળે છે. શહેરોમાં રહેતા યુવાનો, વિદ્યાર્થીઓ અને મોટા ભાગના લોકો પીવા માટે બોટલનું પાણી જ પીવે છે. આ બોટલવાળુ પાણી 20 રૂપિયાથી લઈને 100 રૂપિયાની વચ્ચે આવે છે. પણ શું આપને ખબર છે કે, આ પાણી આપના સ્વાસ્થ્ય માટે કેટલું ખતરનાક છે.

આ પણ વાંચો: PHOTOS: ભૂજનો આ કરોડપતિ પરિવાર મોહમાયા ત્યાગી સંન્યાસ ધારણ કરશે, જૈન ધર્મની લેશે દીક્ષા

એટલા માટે હાનિકારક હોય છે પ્લાસ્ટિકની પાણીની બોટલ

રિપોર્ટ્સમાં જણાવ્યા અનુસાર, પાણીની બોટલ બનાવવા માટે જે મટિરિયલ યૂઝ થાય છે, તે એક પોલીમર છે. પોલીમર એટલે કે કાર્બન, ઓક્સીજન, હાઈડ્રોજન અને ક્લોરાઈડથી બનીને તૈયાર થાય છે. હાર્વર્ડ સ્કૂલ ઓફ પબ્લિક હેલ્થના રિપોર્ટ અનુસાર, મોટા ભાગની પાણીની બોટલમાં પોલી કાર્બોનેટ પ્લાસ્ટિકનો યુઝ કરવામાં આવે છે. આપે જોયું હશે કે, પાણીની બોટલ થોડી સોફ્ટ હોય છે અને તેમાં ફાથાલેટ્સ અને બીસાફેનોલ-એ નામનું કેમિકલ વાપરવામાં આવે છે. આ હ્દય સાથે જોડાયેલ બિમારીઓ અને ડાયાબિટીઝનું કારણ બની શકે છે.

રિસર્ચમાં આ વાત સામે આવી

એક રિસર્ચમાં જાણવા મળ્યુ છે કે, એક લીટરની પાણીની બોટલમાં લગભગ 10 પ્લાસ્ટિકના કણ જોવા મળે છે. આ પ્લાસ્ટિક કણ એટલા વધારે નાના હોય છે કે, આપ નરી આંખે જોઈ શકતા નથી. ત્યારે આવા સમયે જ્યારે આપ આ પાણી પીવો છો, ત્યારે તે પ્લાસ્ટિકના કણ આપના શરીરમાં ડાયરેક્ટ પહોંચે છે. જે થોડા સમય બાદ આપના શરીરમાં ગંભીર સમસ્યાઓનું કારણ બની જાય છે. ઓર્બ મીડિયાએ દુનિયાભરમાં લગભગ 9 દેશોમાં મળતી 250 પાણીની બોટલ પર રિસર્ચ કર્યું. આ રિસર્ચમાં જાણવા મળ્યું કે, દર એક લીટર પ્લાસ્ટિકની પાણીની બોટલમાં સરેરાશ 10 પ્લાસ્ટિકના કણ જોવા મળે છે . આ પ્લાસ્ટિકના કણની જાડાઈ આપના વાળ કરતા મોટી હોય છે. આ રિસર્ચમાં ફ્રેડોનિયાના સ્ટેટ યૂનિવર્સિટી ઓફ ન્યૂયોર્કના વૈજ્ઞાનિક પણ સામેલ હતા.

ભારતમાં મળતી બ્રાન્ડ પણ સામેલ

આ રિસર્ચના દાયરામાં ભારતીય બજારોમાં મળતી કેટલીય પાણીની બોટલો પણ સામેલ છે. ત્યારે આવા સમયે આપના શહેરમાં જે પાણીની બોટલો ખરીદો છો, તેમા પ્લાસ્ટિકના કણ છે, જે આપને બિમાર કરી શકે છે. ત્યારે આવા સમયે જો આપ ક્યાય બહાર જાવ છો, તો ઘરેથી પાણીની બોટલ સાથે લઈને જશો. કોશિશ કરો કે, આ પાણીની બોટલ કાંચની અથવા તો તાંબાની હોય.

આટલી બીમારીઓ થઈ શકે

ફ્રંટિયર્સ ડોય ઓઆરજીના એક રિપોર્ટ અનુસાર, રસ્તા પર મળતી બંધ બોટલનું પાણી ગરમ વસ્તુના સંપર્કમાં આવ્યા બાદ ખૂબ જ નુકસાન કારક હોય છે. ત્યારે આવા સમયે તડકામાં રાખેલી પ્લાસ્ટિકની બોટલનું પાણી સ્વાસ્થ્ય માટે ખતરનાક સાબિત થાય છે. આ પાણી આપની બોડીના હોર્મોન્સનું બેલેન્સ બનાવી રાખનારા એંડોક્રાઈન સિસ્ટમને બગાડી શકે છે. જો આપ આવું સતત પાણી પીતા રહેશો તો ઈનફર્ટિલિટી, અર્લી પ્યુબર્ટી, હોર્મોનલ ઈમ્બૈલેન્સ અને લિવરને પણ નુકસાન થશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર