UPSC Story : તે UPSC ટૉપર જે માત્ર 6 દિવસ કલેક્ટર રહ્યા, લાગ્યો હતો હત્યાનો આરોપ

UPSC Story, IAS Story: યુપીએસસી સિવિલ સર્વિસીસ (UPSC CSE) પાસ કરીને લાખો યુવાનો IAS-IPS ઓફિસર બનવા માંગે છે. આ માટે લોકો દિવસ-રાત એક કરીને તૈયારી કરે છે. પરંતુ માત્ર થોડા જ લોકો તેમાં સફળ થાય છે. પણ જો આટલા સંઘર્ષ પછી તમને નોકરી મળે અને તે પણ છ દિવસ પછી છીનવાઈ જાય તો? ખરેખરમાં આવું એક IAS ઓફિસર સાથે થયું હતું. માત્ર છ દિવસમાં કલેક્ટરનું પદ ગુમાવનાર આ IAS અધિકારી UPSC ટોપર પણ હતા. જેનો અખિલ ભારતીય સેકન્ડ રેન્ક સિવિલ સર્વિસ પરીક્ષામાં હતા. ચાલો જાણીએ કે આવા IAS અધિકારી કોણ હતા અને શા માટે તેમને નોકરીમાંથી દૂર કરવામાં આવ્યા હતા.

આ કહાની છે કેરળ કેડરના IAS ઓફિસર શ્રીરામ વેંકટરામનની. તેઓ UPSC સિવિલ સર્વિસ પરીક્ષા 2012માં ટોપર હતા. આ પછી તેમને કલેક્ટર બનાવવામાં આવ્યા. પરંતુ તેઓ આ પદ પર માત્ર છ દિવસ જ રહી શક્યા હતા. તેમની સાથે કંઈક એવું બન્યું જેની ભાગ્યે જ કોઈ કલ્પના કરી શકે.

બીજા પ્રયાસમાં જ યુપીએસસીમાં ટોપ કર્યું.

કેરળમાં કોચ્ચીના રહેવાસી શ્રીરામ વેંકટરમનનો શાળાકીય અભ્યાસ ભાવાંશ વિદ્યા મંદિર ગિરિનગરથી થયો હતો. જેના પછી તેમણે 2010માં ગવર્મેન્ટ કોલેજથી એમબીબીએસની ડિગ્રી લીધી હતી. પછી યૂપીએસસીની પરીક્ષા પાસ કરીને સિવિલ સેવામાં આવવાનું મન બનાવી લીધુ. પોતાના બીજા જ પ્રયાસમાં શ્રીરામ વેંકટરમને યૂપીએસસી ટૉપ કર્યું. તેમની ઓલ ઇન્ડિયા બીજુ રેંક હતું.

આ પણ વાંચો: IPL 2023 શરૂ થાય તે પહેલા જ પંજાબ કિંગ્સને ઝટકો

માત્ર 6 દિવસમાં જ કલેક્ટર પદથી કેમ હટાવવામાં આવ્યા?

મીડિયા રિપોર્ટ્સ અનુસાર, IAS શ્રીરામ વેંકટરમને એક સ્થાનિક પત્રકારને પોતાની કારથી ટક્કર મારી હતી. આ અકસ્માતમાં મોટરસાઇકલ સવાર 35 વર્ષીય મોહમ્મદ બશીરનું મોત થયું હતું. બશીર મલયાલમ અખબાર સિરાજના બ્યુરો ચીફ હતા. જે બાદ પોલીસે વેંકટરમનની ધરપકડ કરી હતી. વેંકટરમન પર દારૂના નશામાં વાહન ચલાવવાનો આરોપ હતો. કહેવાય છે કે દુર્ઘટના સમયે વેંકટરમન સાથે તેમનો મોડલ મિત્ર પણ કારમાં હતો. પોલીસે વેંકટરમન અને તેના મિત્ર વિરુદ્ધ દોષિત હત્યાનો કેસ નોંધ્યો હતો. તેમને જેલમાં પણ જવું પડ્યું.



કોર્ટે હત્યાનો આરોપ ફગાવી દીધો

તિરુવનંતપુરમ ડિસ્ટ્રિક્ટ કોર્ટે IAS શ્રીરામ વેંકટરમન સામેની હત્યા નહીં પણ દોષિત હત્યાના આરોપને ફગાવી દીધો હતો. આ સાથે વર્ષ 2020માં કેરળ સરકારે તેમનું સસ્પેન્શન પણ રદ કર્યું હતું. જે બાદ તેમને આરોગ્ય વિભાગના સંયુક્ત સચિવ બનાવવામાં આવ્યા હતા.

IAS ટોપર સાથે લગ્ન કર્યા

IAS વેંકટરમને એપ્રિલ 2022માં અલપ્પુઝા જિલ્લા કલેક્ટર રેણુ રાજ સાથે લગ્ન કર્યા હતા. રેણુ રાજ UPSC 2014 બેચની ટોપર હતી. IAS વેંકટરમનના આ પ્રથમ લગ્ન હતા જ્યારે રેણુ રાજના બીજા લગ્ન હતા. તે કોટ્ટાયમની રહેવાસી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: IAS officer, UPSC