Vande Bharat Express: વંદે ભારત એક્સપ્રેસ ટ્રેનનું 'સત્ય'; IAS અધિકારીએ શેર કરી ચોંકાવનારી તસવીર, લોકોમાં આક્રોશ

નવી દિલ્હીઃ વંદે ભારત એક્સપ્રેસ ટ્રેનની કેટલીક તસવીરો સોશિયલ મીડિયા પર ખૂબ વાયરલ થઈ રહી છે. આ ફોટા જોઈને નેટીઝન્સ ખૂબ જ ગુસ્સામાં છે. આ તસવીરમાં ટ્રેનના કોચની અંદરનો નજારો બતાવવામાં આવ્યો છે. ફ્લોર પર ઘણો કચરો ફેલાયેલો છે. આ તસવીરો IAS ઓફિસર અવનીશ શરણ દ્વારા પોસ્ટ કરવામાં આવી છે. તેમાં જોઈ શકાય છે કે, ટ્રેનના કોચમાં ઘણો કચરો ફેલાયેલો છે. ખાલી બોટલો, ફૂડ પેકેટ્સથી લઈને પ્લાસ્ટિકની થેલીઓ વેરવિખેર પડી છે.

“We The People.”

Pic: Vande Bharat Express pic.twitter.com/r1K6Yv0XIa

— Awanish Sharan (@AwanishSharan) January 28, 2023

વાયરલ તસવીરોમાં એક સફાઈ કામદાર પણ દેખાઈ રહ્યો છે. તેના હાથમાં ઝાડું છે. એવું લાગે છે કે, તે ફ્લોર સાફ કરવાની તૈયારી કરી રહ્યો છે. એટલું જ નહીં, તસવીર શેર કરતી વખતે અવનિશ શરણે ભારતીય બંધારણના પહેલા ત્રણ શબ્દો 'વી ધ પીપલ' પણ લખ્યા છે. આ ફોટો વાયરલ થયા બાદ ઘણા યુઝર્સે લોકોના આ કૃત્યની સખત નિંદા કરી છે.

આ પણ વાંચોઃ સરકારી કર્મચારીઓ આનંદો, બજેટમાં મોટી જાહેરાત થાય તેવી શક્યતા

વાયરલ ફોટા પર યુઝર્સે ઘણી કોમેન્ટ કરી

ફોટો વાયરલ થયા બાદ સોશિયલ મીડિયા પર લોકોએ ઘણી કોમેન્ટ કરી. રાજુ બિશ્નોઈ નામના યુઝરે લખ્યુ હતુ કે, 'એક એ છે કે જેણે અમારા માટે આ સુંદર ટ્રેન બનાવી છે અને એક તે છે જેણે આ ટ્રેનમાં આ પ્રકારની ગંદકી ફેલાવી છે! આપણે સર્જનહાર છીએ! આપણે જ વિનાશક છીએ!’ તો અન્ય એક યુઝરે લખ્યુ હતુ કે, 'જ્યાં સુધી અમે જવાબદારી નહીં સમજીએ ત્યાં સુધી કંઈપણ બદલાશે નહીં. લોકોએ સમજવું પડશે કે રાષ્ટ્રને કેવી રીતે સ્વચ્છ રાખવું.’ તો અન્ય એક યુઝરે પોસ્ટ પર પોતાની કોમેન્ટમાં લખ્યું કે, 'આપણે વધુ સારી સુવિધાઓ અને સારા ઈન્ફ્રાસ્ટ્રક્ચરની માગ કરતા રહીએ છીએ, પરંતુ આપણા દેશના લોકો નથી જાણતા કે તેને કેવી રીતે સ્વચ્છ રાખવું અને તેની કાળજી કેવી રીતે રાખવી.'


ઉલ્લેખનીય છે કે, વંદે ભારત એક્સપ્રેસને મેક ઈન ઈન્ડિયા હેઠળ ચેન્નાઈની એક કોચ ફેક્ટરી દ્વારા ડિઝાઇન અને નિર્માણ કરવામાં આવ્યું છે. ભારતીય રેલ્વે આ વર્ષના અંત સુધીમાં 75 વંદે ભારત ટ્રેનો ચલાવવાની યોજના બનાવી રહી છે. આગામી 3 વર્ષમાં 400 ટ્રેનો દોડાવવાની વાત છે. વંદે ભારત ટ્રેન નાગપુર-બિલાસપુર, દિલ્હી-વારાણસી, ચેન્નાઈ-મૈસુર સહિત ઘણા રૂટ પર શરૂ કરવામાં આવી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Indian railways, Photo viral, Vande Bharat Express