India China Tension: લદાખમાં લડાકુ વિમાને ભરી ઉડાણ, IAF ચીફ લેહ-શ્રીનગરના પ્રવાસે

News18 Gujarati
Updated: June 19, 2020, 4:32 PM IST
India China Tension: લદાખમાં લડાકુ વિમાને ભરી ઉડાણ, IAF ચીફ લેહ-શ્રીનગરના પ્રવાસે
લદાખમાં લડાકુ વિમાને ભરી ઉડાણ, IAF ચીફ લેહ-શ્રીનગરના પ્રવાસે

ચીન સાથે જારી તણાવ વચ્ચે ભારતીય સેના (Indian Army) પુરી રીતે તૈયાર

  • Share this:
નવી દિલ્હી : ચીન સાથે જારી તણાવ વચ્ચે ભારતીય સેના (Indian Army) પુરી રીતે તૈયાર છે. વાયુસેના (Indian Air Force)એ પણ લેહ-લદાખમાં (Leh ladakh)હલચલ વધારી દીધી છે. વાયુસેનાની તૈયારીનું નિરીક્ષણ કરવા માટે એરચીફ માર્શલ આરકેએસ ભદોરિયા (RKS Bhadauria)એ બે દિવસોમાં લેહ અને શ્રીનગરનો પ્રવાસ કર્યો છે. આ દરમિયાન વાયુસેના પ્રમુખે તૈયારીઓના સંબંધમાં જાણકારી મેળવી હતી.

ભારતીય વાયુસેનાએ ચીન સાથે કોઈપણ સ્થિતિને પહોંચી વળવા માટે લકાડુ વિમાન અને અન્ય સાધન સામગ્રી વાસ્તવિક નિયંત્રણ રેખા (LAC) પાસે ફોરવર્ડ બેઝ અને એરફીલ્ડમાં તૈનાત કરવાની શરૂ કરી દીધી છે. સરકારી સૂત્રોએ સમાચાર એજન્સી એએનઆઈને જણાવ્યું કે ભારતીય વાયુસેના પ્રમુખ છેલ્લા બે દિવસમાં શ્રીનગર અને લેહનો પ્રવાસ કરી ત્યાં તૈયારીઓનું નિરીક્ષણ કર્યું હતું.

આ પણ વાંચો - ભારત ચીનને આપી રહ્યું છે જડબાતોડ જવાબ, રેલવેએ ખતમ કર્યો ચીની કંપની સાથે કરાર



આરકેએસ ભદોરિયા પહેલા 17 જૂને લેહ પહોંચ્યા હતા અને ત્યાંથી 18 જૂને શ્રીનગર એરબેઝ પહોંચ્યા હતા. આ બંને એરબેઝ પૂર્વ લદાખ પાસે છે. અહીંથી લડાકુ વિમાનોનો ત્વરિત ઉપયોગ કરવામાં આવી શકે છે. ભારતીય વાયુસેના તરફથી એલએસી પાસે સુખોઈ એમકેઆઈ, મિરાજ 2000 અને જગુઆર જેવા લડાકુ વિમાન તૈનાત કરવામાં આવી રહ્યા છે. જેથી ચીનની એક્શનનો તરત જવાબ આપી શકાય. જમીન પર થલસેના સાથે કાર્યવાહી કરવા માટે અપાચે હેલિકોપ્ટર પણ તૈનાત કરવામાં આવી રહ્યા છે.

પરિસ્થિતિ પ્રમાણે લદાખમાં સૈનિકો લઇ જવા માટે ચિનૂક હેલિકોપ્ટર પણ તૈયાર છે. સૈનિકોની અવરજવર અને સામાન પહોંચાડવા માટે એમઆઈ-17 વી5 હેલિકોપ્ટર તૈનાત કરવામાં આવ્યા છે.
First published: June 19, 2020, 4:32 PM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading